كيف تكون جلستي عالنت فعَالة ؟

كلنا نعاني من تضييع الوقت عالنت ,
حتى لو كنَت مشغول لين راسك و قلت بسوي هالكم شغله وأقفله
بتلقى أنك نسيت الحاجات اللي دخلت عشانها
و تهت في أشياء فاضية ضيَعت عليك وقتك و يومك .

لو شفت الموضوع من بعيـد ,

تدخل النت مرتين أو ثلاث في اليوم .. أو تقضي يومك كله وأنت ماسك اللاب توب

لما تفكَر فيها بعقلك .. ” لهالدرجة أنا عندي وقت فاضي ؟ ”

لا أكيد ! انت عندك أولويات أهم منه بس قاعد تاخذ من وقتهم على حساب النت 😐
:

عشان تعرف لأي مدى تستفيد من جلستك ..
وانت فاتح اللاب توب اسأل نفسك ” ايش الأشياء المهمة الي ضروري أنجزها ؟ ”

., أفضل طريقة جربتها بخصوص تنظيم وقتي عالنت , ألصق Note عالشاشة فيها المهام اللي بأنجزها

( عندي بحث , وأبغى أرد على المدونة , أرسل الملف لنورة …)

لما تحدد مهامك . لا تسمح بأي شئ يلهيك عنهم
ولما تخلص قفل النت وقوم !! .

:
., يوم واحد Free في الويكند خذ راحتك فيه بدون ماتلتزم بشيء معيَن .

يعني أسألكم يا معشر البنات 😀 ..
الحين مو نبي نسوي خلطات وخرابيط ونهتم بنفسنا؟ 😛
طيب كيف نقدر اذا طول الوقت واحنا قدام النت ..
مانقفله إلا لين جا وقت النوم ..
ولين أصبحنا فتحناه لين مايجي الغداء ..

و هكذا إلا أن يشاء الله =|
:

لو وقت استخدامك له طغى على يومك ,
فاعرف انك بتقصر وبتتأثر جوانب عديدة في حياتك
منها تأخير وقت الصلاة , ماتسمع كلام أهلك , بشرتك وعيونك دمرانه ,
المذاكرة تخليها يوم الاختبار ,
آلام في الظهر والرقبة .. وغيره من الأمثلة .

., دايم أقنع نفسك أن ماراح يفوتك شي!
يعني ايش فيها لو مادخلت النت يوم كامل ؟
كل شي لاحق عليه إن شاء الله .

جرَب تمنع نفسك من دخوله , بتلقى نفسك قرأت كتب ,
طلعت تتمشى , ذاكرت , سويت رياضة وكل شي أجلته بتلقى له وقت .

لو عندك أشغال كتابية .. تكتب موضوع , أو مقالة

” أعزل نفسك ” عن الناس وعن النت ..

روح لمكان مايوصله الوايرلس وأجلس فيه ساعتين لحد ماتنجز أعمالك الكتابية .

:
كل شيء بيدنا .. الوقت , اليوم .. احنا اللي نتحكم .

بس مين اللي يبغى يتغيَر ؟ 😉

* الصورة من مدونة سآرة

– اللي يشرحلي كيف ألون النص في التدوينة أكون ممنونة له طول حياتي –