مُرهَق؟ إشحن طاقتك بـ ٥ خطوات

هل شعرت في يوم إنك مرهق لدرجة إن ودك تضغط زر وكل العالم يوقف للحظة؟ هل في يوم حسيت إن حياتك عبارة عن سباق مع الوقت؟

العمل المتواصل لشهور والإلتزامات الغير منتهية يأخذ كل الطاقة فيك ويتركك مجرد آلة تكرر العمل كل يوم، وفي النهاية تلقى نفسك غارق بالهموم والسلبية

أشارككم بعض الخطوات لشحن طاقتكم النفسية والتخلص من المزاج السيء

 ١- مارس هوايتك المفضلة

مارس هواية انقطعت عنها مدة، ويفضل يكون شيء تسويه بيدك، تصوير، رسم، كتابه، طبخ، خياطة، صيد سمك.. أي هواية تشعرك بالسعادة .

٢- ترتيب وتنظيم المكان

البيت الفوضوي يسبب التوتر ويخليك ماتركز ،يعطيك شعور ان وراك أشغال ماتخلص. ابدأ بترتيب المكان و تخلص من الأشياء الزايده، واستمتع بلذة الإنجاز

٣- ابعد عن الناس

التواصل مع الناس بشكل مستمر مرهق. ابعد عن الكل واقضِ بعض الوقت مع نفسك، مافيها شي غلط انت فقط تحتاج تشحن طاقتك وبترجع أفضل

٤- أقرأ كتاب

القراءة تخليك تدخل في عالم آخر.. تعطيك أفكار وتفتح ذهنك لشيء جديد

٥- كن وحيداً مع أفكارك

ابعد عن التلفزيون والجوال .. اجلس بهدوء تأمل ، تنفس بعمق ، و صفي ذهنك من كل الافكار المزعجة ، أكيد هالخطوة فيها تحدي مع النفس لأن أول شي نسويه اذا طفشنا نمسك الجوال و نتفرج عالسناب والإنستقرام 😀

قوليلي ايش طريقتكم عشان تشحنوا طاقتكم وترفهوا عن نفسكم؟

هالمرة جربت طريقة جديدة في التدوين و التصميم  .. ان شاءالله عجبتكم