التخطيط للسفر بكل بساطة

السفر

يا أهلاً وسهلاً .. :eq-15:

الموضوع هذا مخططه أكتبه من سنة وكل مرة يتأجل، لكن صار الوقت إني أكتبه تزامناً مع إجازتكم

زمان كنت أتوقع شغلة التخطيط للإجازة والحجوزات معقدة وتخص الرجال بسpb192

لكن سبحان الله الغربة تعلّم الواحد يعتمد على نفسه بكل شي.. بشارككم اليوم تجربتي في التخطيط للسفر بكل بساطة وسهولة

أولاً : تحديد الوجهة

حددي المدينة أو الولاية اللي تبغي تروحيها وحطي احتمال لمدينة ثانية احتياط

ثانياً: تحديد الميزانية

ميزانية السفر هو أهم عامل في الموضوع كله D: قرروا كم ميزانيتكم للتذاكر/ أو بنزين السيارة .. الأكل / التمشيات / التسوق

إقرأ المزيد «

تجربتي في تصوير حفلة زفاف ( الجزء الثاني )

WEDDING

مساء الورد

بعد تجربتي الأولى في تصوير حفلة زفاف .. كنت محظوظة إني قدرت أكرر التجربة و صورت بعدها ثلاث زواجات

بعضها صورتها كاملة وبعضها صورت الزفة بس. حبيت أشارككم بعض النقاط المهمة اللي تعلمتها وبتساعدكم في بداية المشوار

*الإستعداد:

كون إنك قررتي تكوني مصورة زواجات .. لازم تكوني قد المسؤولية في التصوير وشغلك يكون إحترافي .. الكاميرات صارت بمتناول الجميع والكل يقدر يلتقط صور، و كثير صار عنده عدة الإستوديو في بيته ، لكن مو الكل يستحق لقب المصوّر. قبل ماتبدأي في هذه المهنة .. إسألي نفسك: هل أنتِ مهيئة إنك تكوني مصورة ؟ كيف تدربتي عالتصوير؟ ايش مصادر تعليمك؟ كم ساعة بالأسبوع تقضيها في التصوير ؟ هل فيه مصوّر محترف يقيّم تصويرك ؟ كوني صريحة مع نفسك .. لأن هذه مهنة وتحتاج أمانه و صدق. العروسة راح تثق فيك وتسلمك مبلغ وقدره. فالمفروض إنك تكوني قد الثقة بإنك تعرفي تصوري تصوير بروفيشنال ومتدربة ومشتغله على تطوير نفسكإقرأ المزيد «

كيف توفر من راتبك في أمريكا

علم امريكا

السلاام عليكم ..

التدوينة هذي فبالي من وقت طويل  .. بس أتردد كل ماجيت أنزلها ..لأني ما اعرف هل فيه مبتعثين يتابعوني أو لا.. لكن بما أنه ماشاءالله أعداد المبتعثين في ازدياد كل سنة ..ان شاءالله حيستفيدوا من تجربتي البسيطة

في بلد الغربة وفي اول سنة كل شي جديد علينا .. حلو نستفيد من خبرات الناس اللي نتعرف عليهم بنفس المدينة
لكن الأحلى انك تكتشف بنفسك المحلات .. وتعرف من أهل البلد كيف يقضوا للبيت وايش أفضل الأماكن للتسوق وللتوفير بنفس الوقت

طيب احنا ليش نوفر من الراتب ؟

أولاً: لأن الراتب أو مكافأة المبتعث يا دوب تكفي الحاجة  

ثانياً: لو وفرنا من مصاريف الأكل والفواتير.. اللي يبقى نقدر نستمتع فيه بسفره أو تمشيه 

هالسنة كملت ٣ سنوات في أمريكا ..عشت مابين ولاية Indiana و ولاية Michigan ،، بشارككم تجربتي بالأشياء اللي ساعدتني على التوفير من الراتب

إقرأ المزيد «

سنة أولى زواج / زمان كانت النصيحة بجمل بس اليوم ببلاش

inspiration-daily-120

زمان كانت النصيحة بجمل* ..لقيمتها وفائدتها للي يطلبها .. لكن اليوم النصيحة ببلاش وفي كل مكان.. ونقدر نسمعها من أي شخص يقابلنا

كبير كان او صغير، حكيم أو جاهل

طيب لما يجي الوقت اللي نحتاج فيه النصيحة نسمع لمين؟ 

أول ماتنخطبي أو تتملكي… راح تبدأ النصائح تهل عليك من كل مكان ،، الكل ينصح ويشور عليك برأي .. سواء عن معاملتك لزوجك او كيف تقضي لجهازك ..الخ 

وهم طبعاً بحسن نية يبغوا يساعدوك .. وانتي بحكم انه شي جديد عليك ودك تاخذي آراء المجربين ..

لكن هل كل المجربين ..ناجحين ؟ 
انتبهي تاخذي اي نصيحة .. مو الكل أهل انه ينصحك .. ممكن فيه ناس تخرب بيتك 
يمكن بمجرد انك تسمعي سواليفهم عن الرجال ..تحطي في بالك انه زوجك زيهم ..وتتأثري لاشعورياً بكلامهم ..وتطبقيه على نفسك وتبدأ المشاكل

قفلي اذنك ” 

هذا شي اتبعته ايام خطوبتي … كنت ماسمع لأي نصيحة إلا اذا كان الشخص اللي ينصحني ناضج وشفت بعيني كيف مرتاح بحياته مع زوجه.. وزواجه ناجح ..و كلامه عين العقل ..
هذا اللي أسمعله ..
أما شخص زواجه قريب من الفشل وينصحني كيف اتعامل مع زوجي! هذي ما اقدر استوعبها لأن الأولى انه مطبق هالنصايح في حياته ..

يعني خذي النصيحة من أشخاص قدها
موقف بسيط بس خلاني اكتشف انه بعض الناس تعطي آراء وبس وبالأصح تسولف 
إقرأ المزيد «

سنة أولى زواج / أشتكي لمين ؟

inspiration-daily-1710

يسعد صباحكم ،،

راح أبدأ سلسلة موضوعات قصيرة تحت عنوان سنة أولى زواج  pb192

ماشاءالله  كثير بنات اعرفهم زواجهم قرّب و حايسين pb030 .. ريلاكس يا صبايا وخذوا كل شي بهداوة و سعة صدر pb105pb187

حبيت أشارككم بتجربتي صارلي سنة ونص متزوجة الحمدلله 
وكنت حايسه مثلكم لكن كل شي عدى ومرت سنة من غير ما احس  وكانت ذكريات جميييلة ليتها ترجع 

نبدأ بسم الله ..

النصيحة الذهبية لزواج ناجح بإذن الله ||

مهما صار بينك وبين زوجك .. خليه بينكم .. لاتشتكي لا أمك ولا أبوك ولا اخواتك
و لايطلع أي شي لأهله كمان .. مهما تضاربتوا امسكي نفسسك ولاتقولي لأحد .. هذي النصيحة راح تجنين ثمارها بعدين
السنة الأولى ملياانه مشاكل لدرجة تقولي ياليتني ماتزوجت ..  ..
وهذا شي طبيعي لأنكم مختلفين عن بعض وماتعودتوا تعيشوا 24 ساعة في وجيه بعض .. بعدين بتتعودوا عالطبايع والعادات وتتكيفوا سوا

كمثال : سوا اي شي ينرفزك او استفزك.. مو لما تتصل امك على طول تشكيها وتقولي كل سلبياته ..
” يمه شفتي من البداية مايبغاني البس على كيفي .. يبغى يفرد عضلاته علي  ”
او اي كلام تقوليه يقلل من قيمة زوجك ..

إقرأ المزيد «

منتجات تستاهل القيمة

منتجات تستاهل

مرحبا ياحلوين

.، أول شي ضروري تباركولي .. لأني صرت بعد جُهدٍ جَهيد ( كائنة صباحية )

أصحى الفجر وأنام بالليل ..

و دّعنا السهر والكسل .. واستقبلنا النشاط و بركة الوقت

:

أضفت هالتصنيف الجديد ، راح أكتب فيه عن تجاربي مع المنتجات ، عناية ، تجميل ، أجهزة .. الخ

هالفكرة في بالي من الصيف وكسلانة أنزلها .. وسبحان الله دخلت مدونة نوال القصير ولقيتها سوتها ونزلت تقارير وفتحت مجال للي حابب يشاركها وماعنده مدونة .

شجعتني نوال و حمستني أكتب الي عندي ، و زيادة الخير خيرين ..

واللي عنده تجارب مع منتجات ووده يشاركنا .. يرسلي على ايميلي بالصور والأسعار
a.queenbee@hotmail.com

شكراً نوال .. وإن شاء الله نكون سبب في إثراء المحتوى العربي

إقرأ المزيد «

تعلم فليسَ المرءُ يولدُ عالماً / القراءة بالإنجليزية ليست مستحيلة

learn


لما كنت صغيرة وعمري ٧ سنوات .. كان قسم الكتب الإنجليزي 

في المكتبة من المفضل عندي .. 

ماكنت أقدر أقرأ أو أفهم أي شي ،، بس أقلب الصفحات وأتأمل أغلفتها الجذاابة .. وكنت أصر على أمي أنها تشتريلي إياهم 😦 ..

هذا التعلق من الصغر ، خلى عندي هدف محدد .. لازم أتعلم إنجليزي عشان أقدر أقرأ هالكتب 

و كل ماكبرت يكبر الحلم معاي ، وأنا أعرف أنه ماهو مستحيل

:

يمكن البعض مر بتجارب فاشلة مع معلمين اللغة الانجليزية في المدرسة، وكان أثره سلبي على حب اللغة وسبب عقدة نفسية 

تخطوا هالحاجز .. وأي حاجز يخلي هالحلم بعيد المدى ، ولاتفوتوا على نفسكم متعة القراءة و الاستفادة من الكتب الإنجليزية ،

خصوصاً أن الولايات المتحدة تصدر ٥٠ ألف كتاب في السنة الواحدة في شتى المجالات والعلوم !

:

بتكلم في هذه التدوينة عن تجربتي مع تعلم القراءة باللغة الانجليزية ، 

و بالتحديد إجادة قراءة الكتب نوعاً ما –مازلت أطور نفسي

أما تعلم اللغة مجملاً من حيث الاستماع والقواعد والمحادثة ، فهذا كان للجامعة دور كبير فيها وتحتاج لممارسة

فـ ما اقدر افيدكم كثير 

بأذكر لكم بعض عناوين الكتب استهوتني في قرائتها ، وكانت بدايتي معها

وأسعارها ومكان وجودها حتى تستفيدو وتسجلوا عندكم اللي يعجبكم
إقرأ المزيد «