أفكار لعيديات عيد الأضحى ❤ DIY

IMG_0145

يسعد صباحكم / مسائكم ❤

العشر عليكم مباركه .. الله يتقبل منا ومنكم يارب صالح الأعمال .. بمناسبة قرب عيد الأضحى .. حبيت أشاركم بعض الأفكار للعيديات وتغليفها .. كل عيد أتحمس جداً لموضوع العيديات خصوصاً الآونة الأخيرة

لما أشوف هاشتاقات في انستقرام .. و صور الإستعدادات للعيد .. مرة أتحمس

ومن هذا المنبر أشكر المبدعة نورة النزاري <3.. على كل مجهوداتها والإلهام اللي تشاركنا فيه في كل مناسبة .. هذي التدوينة أهديها لك

:

بالنسبة لي مومهم عندي أهدي الأطفال .. قد ما أهدي الأمهات والبنات اللي ماعاد تجيهم عيديات ..

أحب أشوف الفرحة على وجيههم أنه فيه أحد متذكرهم  

راح أسوي معاكم ثلاث أفكار للعيديات تناسب الأمهات والبنات في عمر العشرين

الفكرة الأولى : سجادة الجيب

زمان قبل ٦ سنين، زرت وحدة كانت والدة ووزعت علينا هدايا سجادة الجيب.. وسبحان الله سجادتها معي وين ما أروح ووين ما أسافر ..الى هاليوم أصلي فيها في الجامعة وبعض البنات ياخذوها مني عشان يصلوا

شوفوا الأجر تبارك الله.. يمكن اللي أهدتني نسيت الهدية لكن الأجر واصلها ماشاءالله

IMG_0103

جبت سجادات ، وطبعت تاقز فيها عبارات معايدة، للتغليف اخترت ورق أسود وشريطة بينك

IMG_0106

احرصي أنه التغليف يكون بدقة ونظافة .. أحس هالشي يبين مدى اهتمامك بالشخص 😉

الشكل النهائي :

IMG_0117

اللون الأسود أعطى تأثير جميل وكونتراست رائع

IMG_0122

الفكرة الثانية : عيدية الزعفران

جبت قارورة  صغيرة قزاز فيها زعفران .. (حصلتها في محل Tj maxx في أمريكا ) ممكن تجيبي زي هالقوارير الصغار من أبوريالين وتعبيها زعفران.

IMG_0081

جبت أكياس صغار من محل الهدايا

IMG_0099

  • طبعت صور عبارات المعايدة ولصقتها عالكيس .. و للزينة أضفت مناديل ملونة  Tissue paper

  • وهذا هو الشكل النهائي .. قمة في الكياته !

IMG_0127

صورة علوية

IMG_0134

الفكرة الثالثة : علبة تمر

IMG_0137

بيوتنا العربية لاتخلوا من التمور..و هي شي أساسي في الضيافة بتكون عيدية مناسبة لكل ربة منزل

بصراحة في السعودية ما أحرص عالتمر.. بس في الغربة اللي تعطيني تمر ولا قهوة كأنها معطيتني كنز 😀

زي علب التمور هذي تحصليها في الدانوب أو هايبر بنده أو محلات التمور ..

نشوف شكلها بعد التغليف ؟

IMG_0143

اخترت ورق بيج فاتح و أضفت عليه قصاصة ورق بالأسود و حطيت كرت المعايدة .. فيه أجمل وأبسط 😀 ؟

:

أحب أختار العيديات المفيدة .. شي حلو ويستفيدوا منه بنفس الوقت .. و ماينرمي 😉 حلو نطلع عن المعتاد بالحلويات

فيه أفكار كثييرة في البنترست و جوجل اكتبوا Holiday Favors DIY

:

 هذي الصور اللي استعملتها احفظوها ، تقدروا تتحكموا بحجمها في الطباعة  :

اضحى١

PDF للتحميل 

اضحى٢

خلونا نرجع بهجة العيد سوا ونحتسب الأجر لله .. ممكن تتفقي انتي و قريباتك أو صاحباتك أنه كل وحدة تجهز مجموعة هدايا، ويوم العيد كل واحد يعطي الثاني عيديته 🐱

شاركوني أفكاركم للعيد .. والعيديات .. وايش احلى عيدية جاتكم غير الفلوس طبعا 😛 ؟ 

موضوع سابق عن فكرة عيدية : 

عيدية ثقافية .. فيه أحلى ؟ =*

Advertisements

8 أفكار على ”أفكار لعيديات عيد الأضحى ❤ DIY

  1. انا كنت احاول افكر بلدية اوزعها لبنات خالتي 😍 مررررة عجبتني فكرة السجادة الصغيرة, بسيطة لكن عملية ومفيدة.. يعطيك العافيه ريم

  2. مساءك سعاده ريم

    البوست مرررره جميل و أنيق

    و فعلا نوره ربي يحميها دايم ملهمه

    احب ابداعاتهما و منظماتها

    و حبيت أفكارك للعيد 😍👏

    بوستك جداً ملهم و تصويرك جميل

    سعيده بتعرفي على مدونتك 🍃✨

    استمري في ابداعاتك

    • مساء الأنوار ..

      الله يسعدها نورة روحها الإيجابية تحفز عالإنجاز ..
      سعيدة بوجودك هنا يا اريج .. نوريني دايما ً 😉

  3. ما شاء الله التصوير الرائع و الإخراج المميز للتدوينة
    فكرة انيقة , و ببحث بالبنرست أفكار لتوزيعات تخرج
    بالمناسبة هوني حبيت القالب شنو اسمه ؟
    و اتحفينا دائما بتميزك ()

    • اهلا وسهلا فرح
      عمل التوزيعات ممتع جداً .. واكيد بتلاقي كثير لحفلات التخرج
      القالب اسمه
      nucleare
      وتقدري تغيري الألوان والهيدر
      =*

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s