كيف توفر من راتبك في أمريكا

علم امريكا

السلاام عليكم ..

التدوينة هذي فبالي من وقت طويل  .. بس أتردد كل ماجيت أنزلها ..لأني ما اعرف هل فيه مبتعثين يتابعوني أو لا.. لكن بما أنه ماشاءالله أعداد المبتعثين في ازدياد كل سنة ..ان شاءالله حيستفيدوا من تجربتي البسيطة

في بلد الغربة وفي اول سنة كل شي جديد علينا .. حلو نستفيد من خبرات الناس اللي نتعرف عليهم بنفس المدينة
لكن الأحلى انك تكتشف بنفسك المحلات .. وتعرف من أهل البلد كيف يقضوا للبيت وايش أفضل الأماكن للتسوق وللتوفير بنفس الوقت

طيب احنا ليش نوفر من الراتب ؟

أولاً: لأن الراتب أو مكافأة المبتعث يا دوب تكفي الحاجة  

ثانياً: لو وفرنا من مصاريف الأكل والفواتير.. اللي يبقى نقدر نستمتع فيه بسفره أو تمشيه 

هالسنة كملت ٣ سنوات في أمريكا ..عشت مابين ولاية Indiana و ولاية Michigan ،، بشارككم تجربتي بالأشياء اللي ساعدتني على التوفير من الراتب

كهرباء

أول شهر في أمريكا جاتنا فاتورة الكهرباء ١٢٠ دولار ، واحنا ساكنين في شقة مكونة من غرفة وصالة ودورة مياه !

والسبب كان .. أن اي فيش مشبوك في الكهرباء حتى لوماكنت تستعمله .. يحسب عليك في الفاتورة ..

كل شي شابكينه وماتستعملوه افصلوه .. شاحن جوال، غلاية مويه، ميكروويف، تلفزيون، لمبه .. والشهر اللي بعده راح تشوفوا فاتورة الكهرباء نقصت ٥٠ دولار اذا مو اكثر 

جروسري

مقاضي البيت

أتفق معاكم أنه لكل شخص تفضيلاته والمكان اللي يحب يقضي منه للأكل .. لكن لما نجي للتوفير مو شرط المكان الحلو هو اللي يوفر علينا 

الدي

سوبرماركت يقدملك أرخص الأسعار لأنه يوفر منتجات لشركات غير مشهورة بنفس جودة الشركات المشهورة 

مثلاً شبس ليز نفسه موجود بس اسمه غير، الكورن فليكس موجود بس الشركة غير .. وزي ماقلتلكم قبل .. أن أغلب المصانع  تسوي خطين انتاج .. ماركة معروفة وماركة بإسم ثاني مومشهورة وبسعر أقل.. وتبيع منتجها بهالطريقة وبكل الحالتين هما كسبانين .. والمستهلك الذكي راح يكون كسبان في حالة عرف الماركة المستخبية 😉

فيه سعوديين مايحبون Aldi ليه   ؟

لأن ماتقدر تاخذ عربية إلا لما تدخل فيها (كوارتر) ٢٥سنت .. ولما تخلص وترجع العربية مكانها..يرجعلك الكوارتر

وكمان مافيه أكياس.. جيب كيسك معاك أو اشتري منهم أكياس ..

هذي الحركة من صالح المستهلك .. هم ما وظفوا شخص يجمع العربيات ولا جابو أكياس بلاستيك عشان يخفضوا قيمة المنتجات 😉

.، Aldi متوفر فيه تقريباً كل شي .. خضار و فواكه، أجبان معلبات، منظفات، مشروبات، مفرزنات ..

ميزته أن حجمه أصغر من وال مارت.. ترتيب المكان يختصر عليك وقتك.. أسعاره رائعه وجودتها ممتازه 

سامز

سامز كلوب و كوستكو.. محلات لبيع المواد الغذائية بالجملة .. وباشتراك سنوي بـ 45$ أو 55$ ويصل لـ 100$..

هي في الظاهر توهمك أنها توفر فلوسك .. وتجبرك تشتري أشياء أكثر مما تحتاج بكثير 

أنا أخذت بطاقة العضوية من صاحبتي ورحت أقارن الأسعار..في الحقيقة أسعار سامز كلوب نفس سعر أي سوبرماركت ثاني وأحياناً أغلى

يمكن هالعضوية بتكون مفيدة لعائلة كبيرة مكونة من ٦ أشخاص.. أما نفرين و ثلاثة ماتسوى .. خصوصاً وإنك مجبر تشترك معاهم

هذي مقالة للإستزادة

Does Sam’s or Costco Warehouse Shopping Really Save you Money?

دولار

كل شيء بدولار  صراحة لما أدخل هالمحل أتحسر على أبوريالين اللي عندنا ..

هالمحل فيه كل شي ومفيد جداً لو بتسوي عزيمة في البيت أو حفلة.. فيه أدوات مطبخ، بالونات، حلويات، قرطاسية، تغليف هدايا، ألعاب، منظفات.. قبل ما تروح للسوبرماركت .. مر عليه يمكن ربع المقاضي تلقاها موجودة عنده و بدولار! 

ريسايكل

لما تشري بيبسي أو أي مشروب غازي أنت تدفع ١٠ أو ٥ سنت زيادة عن كل علبة تشتريها كـ تأمين من الشركة .. ولما ترجع هذي العلب ..ترجعلك فلوسك وهذي الحركة دعم لتدوير النفايات ،

عندنا في ولاية ميتشجان التدوير بس لعلب الغازيات.. في ولايات ثانية زي نييورك حتى قارورة الموية والعصيرات تقبلها..

عادة يطلعلي من إعادة التدوير 5 دولار .. آخذ الريسيت ويخصمها من قيمة مشترياتي في السوبرماركت..

أو أستبدلها بكاش من عند الـ customer service .. شكل مكائن الاستبدال 

كوفي

متوسط إنفاق الموظف في أمريكا على القهوة 20$ في الأسبوع.. بما يعادل 1,092$ في السنة !

يمكن ماتحس بقيمة الصرف لما كل يوم تشتري قهوة في الصباح .. بس هي فعلاً تأثر بالميزانية .. فالحل الأوفر إنك تشتري آلة كوفي في البيت

والنكهات متنوعة فيها.. وأقل من ٥ دقايق وقهوتك جاهزة! والأجمل أنه بعض الكوفي ميكر زي Keurig تسوي شاي وقهوة والكبسولات أشكال وألوان.

و في Dollar tree أو Walmart .. متوفر أكواب بغطاء للاستعمال مرة واحدة وترميها.

وبكل فخر أقدر أقول إنه الترم اللي فات ماشتريت أبداً من ستاربكس .. قبل كنت ٤ مرات في الاسبوع قبل كل كلاس.

مطاعم

النصيحة الأولى عند خبراء التوفير.. هي التقليل من الأكل في المطاعم والاعتماد على الطبخ في البيت.. 😉

لأن أرخص أكل تلقاه برا البيت هو للأسف Junk food  ، خلي المطعم مرة واحدة في الاسبوع عن نفسك

أول ترم لي في الجامعة كنت وقت الغداء أشتري من الكافتيريا يومياً وياليته أكل لذيذ بس يسد الجوع.. والميزانية انعدمت.. بعدها صرت أجهز الأكل من البيت

وأحطه في اللـ lunch box .. وماأخلي شي في خاطري.. غداء وسناك وفواكة 

ايبيتس

اذا كنت من محبين التسوق أونلاين .. أنصحك بهذا الموقع ebates تشتري عن طريقه ويعطيك نسبة Cash back من قيمة مشترياتك..

اشترك في الموقع .. و من خلاله افتح على أي موقع حاب تشتري منه .. وهو بيفتحلك الصفحة .. ولما تشتري راح تلقى بعد يوم انه في رصيدك مبلغ

وهو راح يخيرك تبغاها شيك على بريدك أو يودعها للباي بال.

و لتأكيد المصداقية أمس عالبريد استلمت أول شيك منهم  .. و الموقع يسوي عروض في الكريسمس والبلاك فرايدي و بعض المناسبات..

أغلب المواقع يتعاون معاها ..زي Amazon, Macy’s, Nordstorm, Neiman Marcus …etc.

:

موضوع الفلوس والرواتب موضوع حساس جداً في مجتمعنا الشرقي .. ولهالسبب كنت متردده أكتب تجربتي ، يمكن فيه ناس يفهموا الاقتصاد على أنه بخل 

كل شخص هو حر بتفكيره وحر بماديته .. الغربة علمتني كيف أعتمد على نفسي وإني أحط فلوسي في شي يستاهل 

كتبت الموضوع لأني في يوم تمنيت أحد يدلني ويفيدني من خبرته و حسيته مسؤوليتي إني أساعد أخواني المغتربين 

أرحب بتجاربكم وخبراتكم .. واستفساراتكم  ..

أسمح بنشر الموضوع مع ذكر إسمي و مدونتي 

إذا حابين توصلكم تدويناتي الجديدة ع إيميلكم .. اشتركوا بالمدونة 

   

Follow my blog with Bloglovin

Advertisements

20 فكرة على ”كيف توفر من راتبك في أمريكا

  1. رهيبه انتي ماشاء الله عليك ..
    ارسلت تدوينتك للي عندي وان شاء الله يستفيدون منها ..+ بسوي اعادة تدوين للفائده 🙂

  2. الله يعطيك العافيه ويسعدك
    افتقدتك كثيييييييير لاني غيرت ايميلي ونسيت اشترك
    انتي اول شخص ادخل التغيير الايجابي في حياتي
    انا مغتربه في امريكا وفعلا عانيت كثيد الين توصلت لاغلب الحلول اللي ذكرتيها
    ماعدا موقع الكاش باك وانصدمت في الكهربا معقوله تصرف! نص البيت افياشه مشبوكه 😦
    ننتظر جديدك بشغف ^ـ^

  3. مسألة التوفير بالغربة شي يشيب الراس
    انا كان من صالحين ان اخوي مبتعث من كم سنة قبلي ويعرف اشياء كثير ودلني عليها .. اول كم شهر كنت اشوف صرفياتنا والميزانيه وقررت اي مبلغ يزيد احطه بحساب التوفير .. وفعلا فتحت حساب توفير مرتبط بحسابي .. بعد شهرين بديت اجبر نفسي بمبلغ ثابت اسحبهم اول ما ينزل الراتب واحطه توفير.
    المقاضي صراحه الى الان عندي مشكله فيها خصوصا ان اغلب يومنا برا والاكل اللي نشتريه يطول .. لكن مشيت باللنش بوكس اخذها معي الصبح واشتريت عبوة مويه اعبيها قبل اطلع وكمان بكل سيدني في اماكن تعبين المويه فري وتقدرين تختارين بارده او حارة، طبعا لان سعر المويه عندنا مبالغ فيه بقوة.
    السوبرماركت اللي ذكرتيه موجود باستراليا لكن مو مشهور .. لكن ايش انا سويت .. احط قائمة بالاغراض اللي نحتاجها ومااشتريها بيوم واحد.. لان بكذا يوم بالاسبوع تصير تخفيضات على اشياء بفترات مختلفه وبكذا احصل التخفيض على كل شي بس عيبها انو تحتاج تمرين كل يوم السوبرماركت لاسبوع فمرهقه نوعا ما .. الخضار عندنا الحي الصيني اروح اشتري منهم ومعرف اذا رحتي قبل بنص ساعه من تقفيل السوق يخفضون لك بشكل مجنون لان ما يبون الخضار تجلس لبكرة.. والاسماك يوم بالاسبوع نروح سوق السمك ونلقاها ارخص من السمك اللي بالمحلات الثانيه

  4. نفسي اجرب شعور المبتعث
    يعجبني ترتيبهم وكل شئ بحساب عندهم
    يعطيك العافية رح احفظة عندي يمكن ربي يكتب لي بعثة ورح استفيد منه =)

  5. يا أهلين وعليكم السلام ، كيفك رييوم ؟
    وحشتييينا يا بت ! ليش ما سرتي تدوني زي أول ؟ ترا والله نستفقد تدويناتك ..
    الحمدُلله على نعمة السعودية ! حسيت بمعاناة وأنا ما جربت الغربة ..
    الله يسعدك يا جميلة .

  6. مرحبا
    هوني شكرا جزيلا من كل قلبي على كل تدوينه كتبتيها .. من زمان كثير كنت اتابعك
    واليوم كنت ابحث عن اختبار التوفل وطلعت لي تدوينه لك قد ايش تذكرت ايام قبل
    لما كنت اقرأ مدونتك وسبحان الله حتى بعد ماتركت المدونه بالصدفه تطلع لي وأرجع
    استفيد منك مره ثانيه ، حبيت أشكرك لأني مااتذكر في يوم شاركت في المدونه بس كنت
    متابعة وبحماس الله يوفقك وين ماكنتِ وواصلي تدوين

    مها

  7. هوني تدوينة وش أقول وش أخلي عظمة على عظمة
    وصحيح مشكلة الخليجيين يعتبرون توفير الاستهلاك والبحث عن البدائل انه بخل
    وبالعكس هالثقافة منتشره جدا في مجتمع الغرب
    وتكلم الشقيري عن حلقة كاملة عنها
    شكرا لك وأتمنى ماتطولين في غيابك عن المدونة

  8. انا اسوي نفس الطريقة.. بس وقت الغداء ما اقدر لاني أكون في الجامعه وضغط علي شوي.. ف اكل من المطاعم اللي في الجامعه.. طبعا بس اخذ ساندويتش منهم اجيب بيبسي معي من البيت وعصيرات.. فيه شنطه حلوة وصغيره تقدر تشيلها في يدك.. طبعا من داخل بلاستيك تحط فيها ثلج وتحط المشروب اللي تبيه في الشنطه هذي ويبقى بارد..
    مريت في تجارب كثيره والكلام اللي قلتيه يا اختي صحيح 100% بالعكس هذا مو بخل انت تحب توفر لاخر الشهر سبحان الله تجي سفره تجي عطله اسبوع بتطلع فيها تسافر وتنبسط..
    انا بالنسبه لي يبقى معي اخر الشهر 200 وطالع. ومستانس ومنبسط واكل احلى الاكل. ماينقص من المبلغ هذا.. لاني فاتح حسابين.. حساب رئيسي اللي هو بنك Chase وحساب آخر لدفع فواتير الكهرباء والبيت والمشتريات الغذائية.
    طبعا اول ماينزل الراتب اسحب مبلغ وقدره ( حق السكن، المشتريات الغذائيه، والكهرباء….إلخ ) الاشياء المهمه. لا سحبت المبلغ اودع في حسابي الآخر في بنك Wales Vargo المبلغ لدفع الشقه والكهرباء والماء والجوال ان شاء الله اني قلت السبل صح. حسابي في بنك Chase هذا احاول اني اوفر فيه طبعا اخلي فيه المبلغ الباقي من الراتب.. طبعا انا شخص مدخن ( هذا شيء يخص المدخنين ) اشتري لي 3 كروز لاخر الشهر طبعا لو تحسبها بتطلع ارخص ب 60 او 50 دولار من انك تشتري كل يوم باكيت. طبعا معي سياره اخصص مبلغ 100 دولار هذا حق بانزين لمدة شهر كامل ماتعبيها الين تولع لمبه البانزين ولا بغيت تعبيها؛ تعبيها full. اغراض البيت تشتريها الين نهايه الشهر اما بالنسبه للخضار والفواكه حاول انك ماتكثر منها وانك تشتريها كل اسبوع لانها لو بقت شهر بتخرب بعضها.. راح يبقى في حسابك مبلغ كويس.. طبعا تسوي لك صندوق مثل الحصاله وتجمع الفلوس فيه بس بطريقه حلوة..
    الطريقة: للمدخنين انت طبعا اشتريت لك 3 كروز حق شهر كامل يعني مايحتاج تخصص مبالغ للدخان انت خالص من الدخان ودافعه.< تخصص مبلغ 5 دولار كل يوم طبعا لو تسحب فلوسك كلها كاش وتخلي مبلغ 200 او 250 دولار بحسابك يكون احسن وراح تجمع وتوفر بطريقتين.. ال 5 دولار هذي حقت ساندويتش ف الجامعه او المعهد ويمكن تجيب لك بطاطس شيبس راح يبقى لك شيء من الخمسه سنتات وكذا.. السنتات تحطها في الصندووق او الحصاله اللي حاطها ف البيت ولا تفكر تفتحها ابد. وبكذا كل يوم يطلع منك كم سنت في الحصاله. تقريبا راح يطلع لك ف الشهر 20 دولار او 15 دولار من السنتات طبعا تروح تصرفها من وال مارت وتاخذها كاش وتحطها في الحصاله عشان بعدين لو بغيتها او احتجتها يسهل عليك عدها. طبعا لا بغيت تشتري اي شيء من مواد غذائية او اشياء للبيت او لك حاول تستخدم كاش لان راح يبقى لك سنتات تحطها في الصندوق. حاول تسحب كل الفلوس كاش وتخلي ع الاقل 200 او 250 في حسابك الرئيسي.. وطبعا تفتح لك حساب اخر والحساب الاخر تخليه ل دفع الشقه والكهرب وفاتورة الجوال.. المغزى من الحساب الثاني عشان تعرف كم دفعت الشهر هذا للكهرباء وكم حتدفع للشهر الجاي وتحاول توفر.. والمغزى الاخر تخلي حسابك الرئيسي في الملحقيه لجمع الفلوس او تسوي العكس انك تفتح لك حساب اخر تجمع فيه الفلوس والحساب الرئيسي تدفع فيه فواتيرك..طبعا الصندووق اللي بتخليه لجمع الفلوس او السنتات.. طبعا لابد انك تخلي الصندوق سهل للفتح عشان لما يجي اخر الشهر يمديك تصرف السنتات ويعطونك كاش وترجعها للحصالة وتبقى ع الطريقة وصدقني راح تدعي لي.. وقبل لا تطلع للسوبر ماركت تحاول تقضي للبيت حاول قبل ماتطلع تكتب كل شيء ب ورقة عشان تعرف وش تشتري ووش ماتشتري لما ماتسوي الشيء هذا بتضيع وبتشتري كل شيء قدامك فهذا الحل الكويس انك تكتب المقاضي ب ورقة قبل ماتروح للسوبر ماركت… بالنسبه للي قالته اختي صحيح بس حاولت اجيب لكم طريقتي… ولما تسحب كاش من البنك حاول تقسمها كل يوم 5 دولار واللي يبقى تحطه ف الحصاله.. طبعا انا اسوي الطريقه هذي و يبقى اخر الشهر في الحصاله 20 او 15 دولار اشتري فيها بدله او جنز.. طبعا انا قلت تخلي 200 او 250 ف البنك اذا بقى معك مبلغ او اذا تقدر تخلي 100 او 150 او حتى ولو 50 ف هذا شيء كويس تخليه ف الحساب بس حاول قد ماتقدر تخليه من 50 وفوق.. الفلوس اللي تبقى ف حسابك لاجااء اخر الشهر تسحبها او اذا بقى يوم للراتب، وتروح توديها للصندوق حق الحصاله وحاول قد ماتقدر انك ماتقرب له.. لان سبحان الله يصير لك ظرف طارئ او يجي عطله وضامن ان معك فلوس في الحصاله ويمديك تسافر فيها.. انا ب النسبه لي كل شهر 200 او 250 دولار لكن قررت اني اخليها 200 واني كل 4 شهور، بعد كل سمستر تجي اجازة اسبوع او اسبوعين ترجع للحصاله تحصل معاك 800 دولار هذي بتطلع فيها سفره وتنبسط هذا طبعا من ال200 اللي اخليها واجمعها كل شهر، واذا ماصرفت الفلوس اللي تجيك من السنتات وتجمعها من السنتات راح يجيك كل شهر منها 20 دولار تقريبا، راح تطلع لك 80 دولار تجمعها مع المبلغ ال 800 تطلع لك 880 يعني قربت لل 900 دولار.. انا ب النسبه لي نظامي كذا تقريبا من ابتعثت اجمع مبلغ ل نهايه السمستر و اسافر.. او احولها للوالده الله يخليها either way is fine. انت عاد تحدد اللي تبيه…..
    ولما بتقضي فيه محل اسمه 99 cents كل شيء فيه رخيص وحلو او اللي قالته اختي Dollar Tree او Family Dollar.. طبعا فيه محلات كثيرة انا ب النسبه لي اتقضى من Family Dollar لان تقريبا بتحصل كل شيء فيه.. واذا نقصني شيء اروح ل وال مارت اشتري الاشياء والاغراض الناقصة…

    عاد انت حاول تصير اقتصادي وتوفر وتحتفظ في فلوسك قدر الامكان لو تخلي لك كل شهر 50 دولار تجمعها.. لان سبحان الله ماتدري يصير عليك هولد او تصير لك مشكله ان يمكن بتسافر وتنبسط… انا حبيت بس اني اشارككم طريقتي في التوفير.. واكل المطاعم مامنه فايده جتني المراره والسبه هو حاول تاكل ب البيت ولا بغيت تاكل من مطعم ابعد عن الوجبات السريعه حاول تروح لك ل مطعم فيه رز واشياء مب كلها دهن وخفيفه ع المعده….
    اللي حاب يستفسر عن شيء او حاب مساعدة مني راح اساعده بقدر الامكان هذا بريدي الالكتروني للتواصل:
    j10jx@hotmail.com
    هذا رقم الجوال:
    6196009793
    Facebook:
    Nooman Alsliman
    ان شاء الله ب اكون تحت خدمتكم دائماً
    وشكراً لكم

    مبتعث في الولايات المتحدة الأمريكية. ولاية يوتا (Utah)

  9. مرحبا .. معوماتك مفيده جدا للي مقدم على الغربه كمان .. حابه اسال محلات بيع الورود بميتشجن شو تكلفتها وكيف هالنوع من المشاريع مربحه ولا عاديه؟

  10. شكرا شكرا شكررررااا
    من زمان وانا ادور مواضيع مثل هذي تبين لي كيف ماشاءالله الناس يقدرون يضبطون ميزانيتهم .. لان دائما وابدا ودي اسافر بس الميزانيه ماتساعد
    شكرا لك التدوينه قديمة بس بجد مفيدة❤️❤️❤️❤️❤️❤️❤️❤️

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s