لاتجعل نقد الذات يُعيقك عن الوصول إلى هَدفك

IMG_2930

رداً على تدوينة  قورجس  مين أنا ، ليش عايشه ؟ .. #غيمه٩

الإيمان بنفسك وقدراتك هي من أهم عوامل نجاحك.. إذا ماكنت ِ تعتقدي أنك تستحقي الأفضل وأنك قدها .. فأنتِ مهما فعلتِ ..صعب تحصلي الرضا عن ذاتك
خليني أقولكم عن تقدير الذات .. هو العدو اللدود للباحثين عن الكمال في الهدف .. أي نعم العدو اللدود 
فهم مهما فعلوا من إنجازات ما يرضوا عن حالهم ويبغوا أكثر .. لدرجة إنهم ما يشوفوا إنجازاتهم شي يذكر .. ويضل جلد الذات وتأنيب الضمير ملازم لهم.. و لازم يوصلوا لشي بيرفكت
يحطوا توقعات كبيرة وآمال عظيمة لازم يوصلوها .. وإذا ماوصلوا لها يتحطموا كلياً ،، وما يشوفوا اي شي من الإنجازات اللي حققوها

يمكن راح عن بالهم أنه مافيه شي يحصل بين يوم وليله .. كل هدف كبير .. قبله خطوات .. خطوات صغيرة يسموها baby steps
لأن الطفل قبل مايمشي .. يخطي كم خطوة ويطيح .. ويقوم ويحاول ويحاول ،، لحد مايتقن 
المشي
لاتكوني ناقدة لذاتك إذا ماوصلتي لهدفك تتحطمي …لكن محفزة لها .. 
مثلاً لو من أهدافك هالسنة.. خسارة الوزن .. وحطيتي ديدلاين بعد ٤ شهور تخسري ٥ كيلو ..
تعدي الأربع شهور.. وتشوفي انك خسرتي بس ٣.٥ كيلو .. وتبطلي دايت وتمارين .. وترجعي أسوأ من قبل كمعاقبة لنفسك
بالعكس ..افرحي انك انجزتي وخسرتي وزن ووصلتي ثلاثة أرباع المشوار 

أنا للأسف الشديد أعاني من نقد الذات المميت.. 
الشي اللي خلاني أصحى على نفسي.. مرة كنت مسافرة .. وتعرفت على أمريكية وجلسنا نسولف.. فسألتني ليه جاية أمريكا .. قلتلها أدرس قرافيك ديزاين.. قالت واو .. أتمنى أصير زيك
أتعلم لغة ثانية وأترك بيتي وعائلتي وأسافر قارة ثانية عشان أسوي شي أحبه .. أنا لسا ما أدرس ولا أعرف ايش ابغى أسوي في حياتي ومستقبلي
.. طبعاً بتضحكوا لو أقولكم أنا ما أشوف نفسي مسوية أي إنجاز .. بس كلامها خلاني أستحي ع نفسي .. شوف كيف بنت غريبة مقدرة الي قاعدة أسويه ..بس أنا ما اشوف اني أسوي شي!! 
..
اللي أبغى أضيفه ع تدوينة قورجس ..
عشان تحققي هدفك .. راح تقابلي عدو.. اللي هو نفسك  .. لاتسمحيلها تحبطك أو تثبط من عزيمتك ..خليك أقوى منها .. وأثبتي لنفسك وللكل أنك أقوى وتقدري تحققي هدفك
مهما قابلتي ناس .. سبقوك وحققوا أهدافهم .. لاتخلي هالشي يأثر عليك .. لكن خليك واثقة أنك حتوصلي وتكوني أفضل لو أشتغلتي ع نفسك أكثر
لو كنتي تعاني من نقد الذات بإستمرار .. يوميا أكتبي إنجازاتك بدفتر .. حيمر شهر وتشوفي قد ايش انتي حققتي .. حتى لوكان شي بسيط ..

مثلاً : اليوم أدخلت السرور ع قلب مسلم ، قرأت كتاب وتعلمت منه شي مفيد ، 
هالفكرة طبقتها زمااان قبل أتزوج.. وجبت صندوق صغير… كل انجاز أسويه اكتبه بورقه واحطها في الصندوق..
الصيف الي راح رجعت السعودية وفتحت الصندوق ومررره انبسسطت بإنجازاتي على أنه مر تقريبا سنتين عليها ..
هذي الانجازات بتكون الرد .. لما يقول صوتك الداخلي إنتي فاشله وماحققتي شي
(( لاتخلي بحثك عن الكمال في الهدف .. يعيقك عن الوصول إليه ..))

شكراً قورجس  لأنك طلعتي مني هالتدوينة .. حتى وأنا عندي إختبارات >.<
متابعيني في المدونة .. أعرف انكم زعلانين مني مرة ويحق لكم .. بس بقولكم سبب يمكن تعذروني قليلاً .. الي مشغلني عنكم إني أقضي في الجامعة بما يقارب ٢٥ساعة في الأسبوع.. بحاول الترم الجاي أخذ مواد أقل ضغط إن شاءالله

Love u all 

Advertisements

13 فكرة على ”لاتجعل نقد الذات يُعيقك عن الوصول إلى هَدفك

  1. هوني قد ايش انبسطت لما جاتني على الايميل انه فين تدوينه جديدة قد ايش اشتقت لك ولتدوينك موفقه ياجميله وان شاءالله اسوي صندوق الانجازات لاني اعاني من احباط ونقد للذات

  2. قد ايش متحسفة اني توي اكتشفك تدويناتك جدا جميييلة ومفيدا وايجابية و جالسة انصح قريباتي انهم ما يفوتونك وصراحة انا بديت اطبق الي تكتبينه جدا افادني استمري .

  3. اول مرة ادخل ع مدونتج , اسمها شدني , بس هالتدوينه لامستني حييل كنت محتاجتها حيل وبصراحه ومن غير مبالغهه وانا اقرا ابجي (ابكي) م ادري ليش بس جد كانت بوقتها شكرا من القلب والله يوفقج وبكون من متابعيج الدايمين بأذن الله 🙂

  4. تدوينتك جات بوقتها بوقت اللى عملت شيء خلانى ارجع خطوات وراء عن هدفي ومستقبلي الندم هذا شعوري وبسبب تقديري لذاتى كان ضعيف
    تدوينتك مثل البلسم على الجرح ورفعت معنوياتى شوي الله يسعدك وين ماكنتى أنا متابعه لك بصمت بس أول مرة أدخل المدونة مثل أماني أتمنى ماتقطعين تدويناتك

    • يا أهلا بتول .. ابداً لاتحطمي نفسك واعطيها فرصة .. وانتي قدها وقدود ..
      تسعدني متابعتك و ربي يوفقك بمستقبلك ❤

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s