عيدية ثقافية .. فيه أحلى ؟ =*

عيدية ثقافية

قطعت على نفسي وعد هالسنة اني أكون سباقة في العيديات ، وما أضيع وقتي كل الشهر في التفكير بالهدايا والميزانية .. خلاص حسبت حسابي من بدري وقررت

التفكير حصل كالتالي ..

١- مين الفئة الي أخصصلها العيديات
٢- ايش اهتماماتها .. وايش تفضل
٣- كيف ممكن تستفيد من العيدية

… طريقتي في اختيار الفئة ،، اني أدور عن الناس الغلابة المنسيين.. اللي محدً يعايدهم

هما هذولا بالذات لازم أفرحهم .. طبعاً البزورة الصغار ينسوا الموضوع لأنه من كثر عيدياتهم يرموها :/

وقع الإختيار على فئة : الحريم => الأمهات ..

.، فيه خيارات كثييرة للعيديات .. واهتمامات الحريم ماشاءالله ماتخلص ،،

.، هذا الشي الظريف قبل سنتين سويته عيدية .. شنطة فيها حلويات مع كرت معايدة ، وزعتها للبنات الكبار

مرة فرحوا فيها .. لكن خلاص اتاكلت الحلاوة ..
والشنطة جلست كم يوم عالتسريحة بعدين راحت عليها العوض 😦

.، مدري اذا انتوا زيي ولا انا مكبرة الموضوع .. بس قلبي يعورني ماحب الذكريات تنرمي
عشان كذا لازم ادور شي يبقى لأطول فترة ممكنة و يستفاد منه ..

.
عيديتي ماهي اختراع ذرة واكيد عرفتوا ايش اخترت وهَل يخفى القمر ؟

تـــاااراااا

كتب

.. أي قارئ يتمنى أن الجميع يعيش متعة الحياة في القراءة ..

ومايخفى عليكم حاجة أمتنا لقُراء ومثقفين واعين ..
لازم نشجع ونحث أكبر عدد من الأشخاص للإقبال على القراءة والكتب ..
لذلك اخترت هذي العيدية ومافي مانع أكررها السنة الجاية وكل سنة

… اخترت عناوين كتب بسيطة تناسب المبتدئين ..

للأسف كان الوقت ضيق جداً – ربع ساعة وتقفل المكتبة – مافيه وقت أفكر ،

واستوعبت لما رجعت البيت ان اغلب الكتب توجهها ديني .. مانوعت في الاختيارات ..
لكن الحمدلله خير وبركة

.، التكلفة كانت اقل من ٣٠٠ ريال .

.، بهذي العيدية ممكن نحقق ثلاثة أمور :
– إدخال السرور على قلب مسلم
– نشر العلم
– تطبيق الحديث النبوي ” تهادوا تحابوا ”

و كل سنة وأنتوا طيبين ينعاد عليكم يارب بصحة وسلامة..
حبيت أشارككم بهالفكرة لو حبيتوا تطبقوها « احلفي باقي ٢٤ ساعة خخخ

ومرة آآسفة اني انقطعت عنكم .. لايجي في بالكم اني تزوجت وشردت 😛
كل السالفة أنه هالسنة ماستقريت وكل شوية تطلعلي سفره ..

مابغى أوعدكم .. إن شاءالله تشوفوا بنفسكم الي يسير luv ya =*

Advertisements

18 فكرة على ”عيدية ثقافية .. فيه أحلى ؟ =*

  1. السلام عليكم، حبيت حبييت الفكرة!
    الأحلى أن ممكن نطبقها فغير رمضان وبدون مناسبة 🙂

  2. فكرة جميلة ماخطرت على بالي 🙂
    ماكنت مأيدة موضوع العيديات كله
    بس إذا العيديه بتكون بهالشكل أكيد أيّدها

    أحتمال أطبقها السنة الجايه إن شاء الله

    مميزة بأفكارك ، متابعة لك دايم ريم 🙂

  3. عيدك مبارك هوني …فكرة روعة
    انا فكرت اهدي لوحدة توها والد كتب كيفية تعامل مع الاطفال لان كثير يجهلون فترة الخمس السنوات الاولى من عمر الطفل وتاثيرها الكبير على شخصيته او اممم مكتبة مصغرة وكل رف كتب لمرحلة من مراحل الطفولة …المبكرة والطفولة المتاخرة وكيفية التعامل وفترة المراهقة
    اتمنى لك التوفيق … الله يجعل هالمدونه عامرة بكل خير …

    • أؤيدك كثييير أخت/ مشاعل في هذه الفكرة !
      وموسوعة مبسطة “موثوقة المصدر” تفي بالغرض 🙂
      مع تحياتي،،،
      HMS

  4. الله يوفقك ويسعدك يارب وين مارحتي .. انبسط كثير اذا شفت انو فيه ناس تفكيرهم كذا .. بجد تفكيرك عالي .. تعجبني افكارك كثيير ..
    واحاول اطبقها دايما ..

  5. السلام عليكم ()
    هلآ والله هوني / مرررآ مرررآ وحشتينآ
    ::~
    الله يسعدك فكرة مرة حلوة والأحلى إنهآ ممكن تنهدى بأي وقت
    ~ الله يوفقك يارب ويسعدك
    ننتظر جديدك لآ تصيري بخيلة يَ قمر ^.*

  6. العيديه مره جميله وحلوه ..
    أنآ مره أهديت معلمتي في نهاية السنه مجموعه من الكتب المنوعه وغلفتهم سسوآ ..
    أنآ نآويه العيد الجآي أهدي الأطفال قصص [ عشان يحبون القراءه من الصغر ]
    ياليت تنتشر القراءه بمجتمعنا ونصير نمشي وشوف نآس جآلسه وتقرآ كتب =‘‘‘)
    وترآ جآ في بآلي أنك تزوجتي وانشغلتي D=
    أششوآ بنشوفك كثير =)
    الله يسعدك يآم الأفكآر الخنفشاريه (L)

  7. الفكرة روعه
    اذكر طبقتها أيام تخرجي ,, و أهدينا لصاحباتي نسخة من استمتع بحياتك للعريفي حفظه الله

    اقول هوني ماودكؤ تهدين لي شيء 🙂 ما أبي أكلف عليك 7 منهم عندي ,, اعطيني الباقيات
    هههههههههه

    موفقة حبوبه ,,

  8. التدوينة قديمة ~ لكن ما قدرت اقاوم

    التعليق عليها , فكرة عجيبة و حلوة ,

    و التغليق نايس و كيوووت حده

    و فعلا القراءة مسؤولية وعي لازم ننشره

    انتي مميزة , اعجبتني مدونتج راح اكون

    موجودة ~ $$ موفقة ” 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s