تجربتي في تصوير حفلة زفاف ( الجزء الأول )

IMG_8846

تصوير حفلات الزفاف ممكن يكون من أصعب أنواع التصوير ، لأنه هالليلة هي ليلة العمر بالنسبة لشخصين

وهم متكلين عليك بأنك توثق كل اللحظات الحلوة اللي بتسير معهم .. و تاخذلهم أجمل و أروع صور ممكن يشوفوها

و هاللقطات بتبقى خالدة مدى العمر .. وكل مافتحوا الألبوم بيتذكروا هاليوم ويتذكروا الشخص اللي صورهم ..

يا انهم بيدعولك ‪ يا إنهم بيتحسبوا عليك .. عاد انت وشطارتك !
،

يللا يا ريم أبغاكي تصوريني في زواجي .. انا قلت لخطيبتي أن بنت اختي مصورة وفرصة نشوف تصويرك

” مين أناا ؟!! اااه طيب ان شاء الله أشوف كيف .. نفسي اصورك بس اخاف ماتضبط ولا شي


،، شخصيّاً ما كنت مستعدة اني اصور زواج كامل ، مسؤولية كبيرة و غير ان الاستوديو حقي في الرياض والزواج في مكة ..
ولسا معداتي ناقصة

أهلي تحمسوا للفكرة أكثر مني .. و أمي حجزت للرحلة واشترت التذاكر
يعني لا مفر !

رحت لمحل النهدي في العقارية عشان اشتري الخلفيات .. وبعد بكرة السفر .. لحسن الحظ ولا لسوءه مدري .. الخلفيات مخلللصه بتوصل بعد شهر

قال مافي حل الا انك تشترينها من جدة .. قبل امس راحت آخر حبتين من الابيض والاسود

لا اله الا الله
عشان كذا يا مصورين جهزوا اغراضكم من بدررري تحسباً لأي ظرف

الرجال ماقصر اتصل على فروعهم والحمدلله لقى خلفية وحدة في المستودع ،،

كان شاغل بالي كيف آخذ السوفت بوكس ؟ حجمه كبير وصعب افكه واركبه في يوم بكون فيه مرتبكة ومشغوله مابين الكوفيرات والفستان وحوسة الزواج

سألته عن السوفت بوكس .. ياعبدالرحيم ايش اسوي فيه ؟
.. قالي خذي بداله آمبريللا ،، السوفت بوكس خليه في الاستوديو اذا بتسافري مو لازم تطلعيه معك ..
وفعلاً اعتمدت على ٢ آمبريللا و ريفلكتور ..
‫:‬

سافرت جدة مع كامل المعدات .. الاضاءة والخلفيات والستاندات .. وصلنا مطار جدة وأخذنا العفش ..

العفش نااقص ! ويين الستاندااات !!!!
مافيــــه ،،


موظف العفش الغبي خلى الستاندات بدون ستكر وتركوها في الرياض

شكراً لكم يا الخطوط السعودية دائماً هذي حركاتكم

ماقول غير استودعتها الله الذي لاتضيع ودائعه ،

:


جا اليوم الموعود وأنا ما اعرف بتوصل الستاندات ولا لأ
.. كيف بصور العروسة ما أعرف ..

استغليت الوقت ورحت أقرأ كتب التصوير وأراجع معلوماتي
wedd2

.. أسرار التصوير الرقمي ٢ لـ سكوت كيلبي
و كتب المعهد عن الـ Wedding photography

للأسف الشديد أيام المعهد ما حضرت درس الودينج .. كنت مسافرة ولا قدرت تعيد شرحه لي ..
وبحثت كثير في النت مافيه تجارب عربية الا من رجال وفي قسم الرجال يكون التصوير

والأجانب تصويرهم يختلف شوي لأنه غالبيته معتمد على الآوت دور في النهار ..
ومقسمين التصوير قبل يوم الزفاف و يوم الزفاف ..
أو المصور يكون مصاحب للعروسة عند الصالون و وقت ماهي تلبس الفستان .. ووقت ماتودع البيت .. وفي الكنيسة ..

و احنا ماعندنا هذا كله ، يادوب في الاستوديو و وقت الزفه وتلبيس الشبكة و تقطيع الكيكة بس ..

يعني الشغل معتمد كثيير عالإضاءة فيها بتقدر تبدع وتطلع امكانياتك بالإضافة للـ Poses

كتاب سكوت كيلبي مفييييد جداً جداً ..
فصل استخدام الفلاش وفصل تصوير حفلة الزفاف .. مره استفدت من نصائحة
لازم تقرأونه قبل موعد الزفاف بفترة لاتسووا زيي

‫:‬

المعدات الي استخدمتها :

كاميرا Canon EOS 450D ،
العدسات 70‪-‬200 mm ‪,‬ 18‪-‬55 mm ‪,‬ 50 mm ‪,‬ 100mm
الإضاءة Daylite Flash set 400 wat + studio flash transmitter ‪,‬ Speedlite 580EX‪ 2 ‬
الخلفية أسود

،

سبب اختياري للعدسات :
70-200 mm
وقت الزفه ، ولتصوير البورتريه .. أكثر عدسة اعتمدت عليها نتائجها قوية

18-55 mm
في حال كان مكان الاستوديو صغير .. وبالفعل كانت الغرفة صغييرة وانقذتني هالعدسة الي ما احبها

50 mm
فتحة العدسة فيها واسعة وبتدخلك لايت أكثر في حالة كنت تبغى ضوء القاعة الطبيعي ،، والعزل تبعها مايحتاج أقول

100 mm
عدسة المايكرو ، لتصوير باقة الورد و الخواتم ، وتوزيعات الزواج … برضه العزل والفوكس هنا حكايه

يُفضل انك تاخذ عدسة Wide angel لتصوير القاعة .. لو كانت العروسة متكلفة في الكوشة وفي الطاولات .. بتفرح لو شافت صورة لهم

‫:‬

نصائح عالطاير :

‫-‬ خذ ٢ ميموري وكلهم خليهم فاضيين تماماً .. بسعة ٤ جيجا فما فوق .. والأفضل ٨
‫-‬ اشحن بطارية الكاميرا وخذ بطارية احتياطية .
‫-‬ اشتري بطاريات جديدة للسبيد لايت وتكون أصلية
‫-‬ خذ مفك يساعدك بتركيب الصواميل حقت الاستوديو وفكها .
‫- يُفضل آن أحد يساعدك بتركيب و حمل المعدات -ـــ-! ‬

‫:‬


ولله الحمد وصلت الستاندات من الرياض ..

ركبتها من بدري قبل ماتوصل العروسة .. ودخلت للقاعة أجرب السبيد لايت كيف بتكون اضائته

شي جميل انك تصور أفراد العائلة في أبهى حُلتهم .. لو كنت مصور إعرض انك تصور أقرباء العروس أو العريس داخل القاعة قبل مايوصلوا الناس

تكون طبيعية وعفوية ، بتعجبهم وبيشتروها منك ‪;)‬

:

أن تتوقـّع من العالم أن يعاملك بعدل لأنـّك انسان طيب يشبه نوعًا ما توقّعك ألّا يهاجمك الثـّور لأنـّك نباتي ” . الأديب العالمي لاندرو.

موكل الناس طيبين.. بتقابل ناس من جميع الشخصيات والفئات ، خليها في بالك .. تذكرت كلام مدربتي في هذا اليوم

كان الإنطباع الأول للعروسة و أهلها مو قد كذا و أول مرة أشوفهم .. فيه كم تتش صار وعشان كذا خفت

قلت في نفسي هذا أول وآخر زواج راح اصوره خلاص مابي =””(

مو معقولة أستسلم من أول تجربة ، ..
وبدأت أتشجع وصاحباتي ماقصروا دعموني معنوياً وقالولي خليك قوية و محترمة لاتغلطي على أحد ونبرة صوتك مرتفعة مو هادية مرة
واعرفي بالضبط ايش تبغي عشان محد يقول هذي المصورة ماتعرف شي .

،

صار وقت تصوير العروسة في الاستوديو ،

أخذت خالتي معاي تساعدني في الـ Poses ، تصفحت كم ألبوم زواج قبل ما اصورها عشان احط في بالي حركات حلوة للعروسة
خلي كل الناس تطلع من الغرفة ، لا احد يتفرج مو لازم ،، هذي صور خاصة .. والعروس ترتبك لو لقت ناس كثير يطالعوها

الضوء الرئيسي Main light يكون بزاوية ٤٥ْ ‪,‬ و ضوء الحشو Fill in light تقدر تحركه بزاوية ٤٥ ، ٩٠ ، ممكن تطفيه وتطلع الصورة بتأثير درامي خطير

جرب كثيير أوضاع وصور عدد كبير لأنك بتختار منهم الأفضل ..

جا العريس ..- اللي هو خالي – ، صورت العريس لحاله كم صوره .. بعدين صورته مع العروسة ..
أوضاع التصوير الحين بيكون فيها إحراج لك و للعروسة وللعريس .. ، النصيحة الرائعة ..
جهز ملف بصور من النت فيها حركات حلوة .. وخلي العرسان يقلدوها ،، ولاتختار صور حركاتها مبالغ فيها .. الا اذا طلبت العروسة هذا شي ثاني

،

بعدها بتجي الصور في البوفيه .. وتقطيع الكيكة .. و أخيراً الزفة ..

قبل الزفة ماتبدأ ،، فضي الممر من الأطفال أو من الصبابات والخدامات …الخ ،، مع اني فضيته ونبهتهم محد يجي قدامي
الا يوم أشوف الصور … كل صور الزفة طالع فيها راس شغالة ولا راس صبابة ..

قهروني

غير كذا اللي يصور فيديو بيخرب عليك ويجي قدامك ، خليكم بمستوى واحد ..
و من جد أنقذتني عدسة 70‪-‬200 ! لو مافيها هالزوم مدري ايش كان سويت

.‬، العرسان بيمشوا في ممر طويـل .. ملل لو كانت كل اللقطة بنفس الشكل ! .. عشان كذا صور صورة طوليه كامله لهم ،
سوي زوم ع العروسة لوحدها وهي تضحك والعريس اقتنص ابتسامته وهو مبسوط ،،
صوّر أم العريس .. أم العروسة .. أخوات العريس .. الأطفال اللي يبكوا على خالهم خخخ

خلصت تصوير المنظر من قدام ارجع وراهم ..
صور ذيل الفستان وشكلهم من ورا وهم طالعين الكوشة .. ممكن تاخذ اللقطة سيلويت

‫:‬

حسيت بنشوة السعادة لما صورت هالزفة ..
من جد حسيت بمتعة أنك تكون مصور فوتوغرافي .. وبمتعتة توثيق أهم اللحظات للعرسان

غيّرت رأيي ،، إن شاء الله إنه ماراح يكون أول زواج أصوره

على فكرة ممكن يجيك زبائن .. خلي رقمك جاهز في كرت ،،
وفي حالتي عشاني ما أصور غير الأقرباء فقط عشان كذا خالتي حجزتني لزواج ولدها وعمتي حجزتني لزواج بنتها

مو معناته صورت الزواج بالمجان يعني ماتهتم بجودة الصور .. اهتم كثير لأنها بتكون واجهتك عند زبائنك وبتظهر مدى احترافيتك للتصوير

أتمنى لكم فعلاً انكم تخوضوا تجربة تصوير حفلة زفاف بكامل تفاصيلها ، متعة مالها حدود ، و بتعرف أكثر معنى مهنتك و قيمة هوايتك

محبتي لكم ،

Honey

* حقوق الصورة محفوظة ، الرجاء عدم استخدامها .

Advertisements

118 فكرة على ”تجربتي في تصوير حفلة زفاف ( الجزء الأول )

  1. الله علييييك بطله وقسم ..
    طلعتي قدها ياهوني ,, هذي البدايه بس 🙂
    قدامك مشوار طويل ..
    الله يوفقك ان شاء الله :)))

  2. آهلين هوني
    اول شيء ” اشتقنا لك ” :$

    مبرووووووك على أول تجربة
    سبحان الله احس الانطباع الأول اللي تاخذيه عن تجربةاولى دايم يأثر فيك
    خصوصاً لو كان إيجابي , يصير عندك دافع تكملي ب عطاء اكبر

    ,

    الله يعطيكِ العافيه , و من نجاح لآكبر إن شاء الله
    كونِ بخير (F)

    • هلا نانوو .. اشتقتلكم اكثرر ..

      من جد حمدت ربي ان تجربتي كانت على أقاربي .. حسيت بتشجيعهم .. فرق لما اكون رايحة عند ناس ماعرفهم ابداً

      يعطيك العافية يارب ،، تسلميلي 😉

  3. استمتعت و انا أقرأ عن التجربه بالتفصيل D=
    الحمدلله أتبتي نفسك و هذا شي مرره ممتاز ..
    يلا ان شاء الله تكون هالتجربه اول خطوه في طريق تجارب ممتعه لا متناهيه ^^

    فخورة فيكي صديقتي الطموحيه =”)
    عقبال النجاحات الأكبر يا رب 3>

    • جوي .. اللي تدعمني قلباً وقالباً في كل مكان =”) .. ممنونة لكلامك لي هذاك اليوم

      اثرتي فيني وخليتيني واثقه من نفسي واصور واتعامل معاهم بثقه

      مانحرم من وجودك ، وعقبال ماتبشريني عن تجربتك =*

  4. برافو عليك ياريم .. شجاعة !
    عشت معاك كل التفاصيل اللي كتبتيها ..

    ياليت لو عندك فلكر او اي موقع لصورك تتحفينا فيه .. وبالتوفيق في زواجات أخرى =)

  5. سلآم عليكم =)

    كيفك ريم ؟

    أنا دايم اتابعك ع المدونه و إقلآع .. لكن هذه أول مره اكتب لك فيهآ :$

    برافو علييك .. الله يوفقك في خطوتك الجديده

    بجد اتمنى لك التوفيق من كل قلبي 3>

  6. ريمو تجربه خطيرررره

    خلال قرائتي للبوست حسيت بالاجواء

    لحظات سعيده دايمه يااارب للكل

    ومن جد شعور المصور شي خطير وحلو كثير

    واصلي يامبدعه

  7. وَحشتينآ هُوني (L)
    استَمتعتْ جدّاً في القراءة : )
    مَاشاء الله تجربَة موفّقة ومنهَآ للأعلَى ياربّ :$
    بَس ياليتك وريتينا شيءْ من التّصوير إذا مَاكان خاص :$
    …. بالتّوفيق إلك ومن نجآح لـِ نجآح (L) :$

    • اهلا وسهلا بلاتينيوم .. وحشتوني اكثر ^.^

      صور المقدمة من تصويري .. والأكثر كانت صور حريم العائلة =$ عشان كذا ماحطيتها

      يسلم قلبك =*

  8. ماشاء الله تبارك الله =) ,, خطووة جميلة واللهي ..

    ههه من جد شعور حلو وانتي تكوني مصورة العائلة الرسمية ^-^

    ب’ التوفيق ف’ زواجات اخرى ان شاء الله ..

    (بيني وبيني كان نفسي اتفرج ع الالبوم:$ ) هههههه

    مممم هوني مدري اذا هو طلب مقبول او لا :$ بس ياليت تتكلمي بالمدونة بأي شكل من الأشكال عن الالقاء =( وكيف التخلص من الرهبة وو اشد الجمهور وو … ههه عادي ترى لو طلبي سخيف سوي انك ماشفتييه :$

    • اهلين إيناس ^.^

      شعورك كـ مصور عائلة ممتع بنفس الوقت مُتعب !ـــ! .. مايمديك تصورين الا كلهم يقولولك ورينا صورنا

      اكون تعبانه اقوم من النوم … ” ورينا الصور ” 😥 .. آآهـ ضريبة الشهرة « ايش دخل 😀

      طلبك بخصوص الإلقاء .. كلنا في الهوى سوا 😛

      أعاني من نفس المشكلة .. الرهبة والخوف والخجل .. وأنسى الكلام ..

      أبحث عن دورات .. اذا لقيت راح اخبرك ..

      يمدحوا كتاب طارق السويدان .. جربية 😉

      حياك الله نوسه

  9. مآشآء الله عليك يآهوني ،،
    بطله بطله بجدد الله يحميييك ..

    ان شآء الله في المستقبل القريب نشوفك مصورآتيه مشهوره (:

    ششكرا مرآ ع النصآيح ^^

    والف مبرووك للعرسآن ♥
    عوقبآلك :$

  10. أهلن ريم |~
    أول شي مبروك زوآج خآلك الله يوفقه ويسعده ي ر ب = )

    .

    شعور جميل والله أنك تصيرين مصورة العيله
    ويسعدنا والله كذآلك
    الله يوفقك ويسعدك ويسهل أمورك ي ر ب

    ” بنت عمتك ”

    سارا ❤

    • هلا ومرحبا سوسو ..

      أنا الأسعد ياقمر ،، منورة المدونة وكل مكان

      إن شاء الله راح تشوفي الصور في زواج اختك =*

  11. اول شي مبرووك عليكم الزواج وان شاء الله تفرحون بعيالهم …

    ثاني شي .. من جد هووني كل يوم تبهريني بشغله جديده .. ما شاء الله تبارك الله

    اشجع بأعلى صوتي جووو هوني جوو جوو جوو

    • الله يبارك في حياتك فانيللا ^.^

      شجعتيني كثيير ،، عاد الواحد لازم يستغل الإمكانات اللي عنده 😀

      منورة ياقمر

  12. وحشتنا مدوناتك هوني 🙂
    وتحمست أبي أشوف صور الزواج 😀 ، ماشاء الله حظهم انو انتي صورتيهم
    الله يوفقك ويسعدك يارب

  13. أول شـي ألف ألف مبآرك زوآج خآلك ياقلبي
    وعسسى الأفراح دايماً في دنباك حبيبتي

    ثآني شي بصرآحة تصويرك روووووووووعة ياحبيلك ^^
    ماشاء الله تبارك الله
    وااااااااصلي عشآن أخليك تصوريني بزواجي يالله العافية بس *_* ههههه

    • الله يباارك فيييك ويخليك ..

      يسعدني رأيك وسعيدة انهم عجبوك ..

      ابشري بس انتي قوليلي متى بتززوجي وابشري 😀

  14. يالله قد ايش كنت محتاجة احد يحكي عن تجربة تصوير زواج
    خصوصا اني مكلفة بتصوير زواج قريبتي
    بيني وبينك خايفة يمكن لأنها تجربة أولى

    لكن بسألك بعض الأسئلة
    أنا ماعندي ولا اي معدات للاستديو
    بس عندي كامي وعدساتي
    وش تحسين أكثر شي مهم اشترية
    انا حابه اشتري خلفيات الوان اساسية(ابيض- اسود)
    بس خايفة انهم ياخذون مكان بالتخزين وأنا انسانه ماحب الحوسة 😀
    هل استغني بالفوتوشوب عنها؟
    وبكم اخذتيها اذا مافيه احراج؟
    وكمان الاضاءة وش أكثر شي استفدتي منه بالزواج مع ذكر الاسعار:D
    آسفه اذا كنت ثقلت عليك بالأسئلة
    بس من جد ماصدقت القى أحد يشاركني تجربتي القادمة

    • يا مرحبا مايو ..

      ابداً لا ثقلتي ولاشي .. سعيدة اني افيدك باللي اقدر عليه

      اهم شي وراح يفيدك بلا منازع .. هو Canon Speedlite 580EX II ،،

      على حسب نوع كامرتك كانون ولا نيكون خذيلك هالفلاش .. مره ضروري ويفرق كثير بالصور

      أخذته بـ ١٦٠٠ ريال من الحارثي

      هذا حتى لو ماعندك خلفيه وصورتي العروسة في القاعه او البيت بتكون خلفيتها معزوله بسبب العدسات

      وبنفس الوقت الإضاءة ممتازة

      :

      الخلفيات .. خذي الاسود روعه لو كان فستانها ابيض بتكون واضحه تفاصيله ..

      بس أفضّل ان تكون عندك اضاءة استوديو عشان تنجحي باللقطات مع الخلفية 😉

      الخلفية اخذتها بـ ٤٥٠ ريال قماش أسود + الستاندات حقت الخلفية بـ ٦٠٠ ريال
      موجود ستاند بـ ٤٠٠ بس كان مخلص واضطريت اشتري هذا

      الخلفية تتطبق وماتاخذ مساحة لأنها قماش ،، اما الستاندات طويلة وتكون بشنطة يبغالها مكان تخزين

      :

      الاضاءة Daylite Flash set 400 wat ،، اثنين هم معاهم امبريللا .. بـ ٤٥٠٠ ريال

      و اخذت سوفت بوكس بـ ٤٥٠ ريال

      كلهم من محل النهدي اللي في العقارية الثالثة
      :

      اعرف انه مره مصاريف بس عاد وش نسوي =# ،،

      اي سؤال انا حاضرة .. و ربي يوفقك في مهمتك

  15. اهليييييين اهليييييييين

    حي الله مطوول الغيبات

    كيفك ياعسسولتي:$ لك وحشة

    طولتي علينا:(

    عششت الجو احسني حضرت البارتي من كلامك
    بطله ياعسسل بطله
    نفسي اجرب اصور زواج
    ان شاءالله لم احترف واكون متمكنه من المهنه
    ربي يوفقك يارب
    وسسلام

    • هلا ومرحبا فنوو ..

      حمدالله انا تمام التمام ،، انتي كيفك 😉 ؟

      ان شاء الله تجربين وتنبسطي بالتجربة

      منورة ياقمر ^.^

  16. تجرربه راائعه جدا وحسييت بشعوورك شعوور واجد حلو انك تكونين مصوره و موضوعك جا في محله لأن عندنا زواج بنت خالتي قريب وعرضت علي اني اصور في الزوااج استفدت منك كثييييير يعطيك الف عافيه

  17. سلااااااااااااااام ياحلوه
    تمنياتي القلبيه لكي بالتقدم والإزدهار وفعلا ياقلبي أثبتي في ذلك اليوم انك فنانه ماشاء الله عليكي
    وفعلا كانت الصور جداااا رائعه.وياااااااارب عقبال ماشووووووووف ابداعاتك القادمه

  18. Honey Honey

    اشتقت لك موت موت موووووت

    وماشاءالله عليك ,, آكيد بتكووني قدهآآ آو بيطلع منك كل هالابدآآآآع

    وان شاءالله عقبال مانفرح فيك =)

    فرحت برجعتك ولاتحرمينآآآ منك بليزززز سيآآآآ ..!!

  19. يالبى هوني والله , تدرين اني كل يوم منبطحه في مدونتك ؟ هههه
    ماعلينا , الموهيم

    عطيني كرتك 😛
    ترى زواجي ان شاءالله محد مصوره إلا انتي 😉
    لأن بصرااااحه .. أكره المصورات الفلبينيات .. يحرجون الوحده
    ويطلبون منها تسوي حركات قديمه وغير كذا تحرج العروس !!

    • ياحبيلك ،،

      ههههه خلي فلبينيه عالاقل تفهم بالتصوير .. 🙂 مو تجيك وحدة تصك في وجهك فلاش الكاميرا و تطلعي متصفقه 😐 ..

      افرح فيك في زواجك ان شاء الله

  20. هووني امس قالت لي بنت خالتي انها خلاص بتجيب مصوره ^^لكن برضو مبسوطه استفدت منك وعشان اثقف نفسي بالتصوير اكثر لأن تعرفين صعب تصورين ويصير الشغل مب حلو اشكرك على اهتمامك ^^

  21. ماشاء الله عليك ياريم
    الله يوفقك بخطواتك الجديده يارب
    وتنفتح لك مجالات اكثر واكثر
    تجربه غنيه بالتفاصيل
    استمتعت بكل جزء منها

    ” ابي ايميلك اذا تسمحين لي , عندي استفسار صوغنن “

  22. بسم الله ما شاء الله
    🙂

    شيء مذهل و رائع إنك جربتي هالتجربة و مع فرح هو لأحد أقرباءك

    أولاً: رغم الإرتباك أكيد كانت هناك راحة نفسية مختبئة في مكان ما.
    ثانياً: الإعداد الجيد من البداية لكل شيء حتى الأدوات الصغيرة، دليل على احترافية في تطور.
    ثالثاً: استمعي دائماً لنصائح الأصحاب، فعلاً نصائحهم مجدية.
    رابعاً: ليس عيباً أن يراجع المرء ما تعلمه، و أن يستزيد، وهو من أبرز نقاط نجاحك.

    أخيراً: بالتوفيق و أتمنى يكون لكِ في القريب العاجل، تجارب أخرى تشركينا الفرح بها.

    تحياتي

    • يا مرحباً فضاء ..

      سعيدة جدا بتعقيبك ،، بالفعل كانت هناك راحة نفسية بعد التجربة وسعادة غمرتني

      الحمدلله وفقت في هذه التجربة وفي تجربتين بعدهم ،،

      شكرا لوجودك ياعزيزة ^.^

  23. مرحبــــــــــــا هوني

    أهنييك أهنييك أهنييك ع نجاحك بصراحة ، أنت فعلًا إنسانة بطلة ،

    ما شاء الله لما أشوف إصرارك أنبهر ،، تصدقيني لو قلت لك إنك قدوتي :$

    إذا ما يكلف عليك ،، خيتو بدها تشتري كام ،،

    ناوية أشتري لها كتب عربية تعلمها البدايات ،، حابة تفيديني إذا عنك خلفية ،،

    شاااااااكرة لك أقوى شي :$

    • شكررا لك ولتهنئتك =* ،، ربي يسعدك

      لازم تكون في عزيمة ولا ماراح ننجح

      الكتب التعليمية : الدليل الشامل للتصوير الفوتوغرافي لأنه بالتفصيل

      ثم : كتب سكوت كيبلي بأجزائها الثلاث 😉 اسرار التصوير الرقمي

      حياك الله

  24. رائعة يا ريم!! ماشاءالله عليك منها للأحسن!
    بجد أتمنى أصور زواج كامل (بس على الطريقة الأجنبية :$)
    طيب بسألك, كيف أطور مهارتي فالتصوير, و خصوصاً البورتريه؟
    و وين ألقى الكتب اللي ذكرتيهم؟

    • الطريقة الاجنبية رائعه وممتعه

      البورتريه السر فيه الاضاءة .. كل ما ابدعتي في الضوء كل ما حصلتي على نتائج ساحرة !

      والمهم تعابير وجهه .. خلي الموديل يعطيك تعابير وانطباعات جذابة ومعبرة لايكون جامد

      كتاب الاسرار حق سكوت كيلبي في جرير

      اما الباقي هي من المعهد

      اكتبي في جوجل portrait photography books free

      حياك الله

  25. مرحباا honey
    شحالج ؟؟ عساج بخير ^^
    آآمم مدونه جميله بصراحه
    وييت فوقتها , ولدعمتي طالب مني اصور ملجته
    ” الملكه ” اتوقع بالسعودي ^^
    فــ أنا محتاااااره ومب عارفه شو اسوي و هالفرصه ما اتيي مرتين ومابي اردهااا ><
    وللاسف الاستيديو من كمن شهر بعته 😦 يعني قمه البؤس
    شو تنصحيني يا هووونـــي ابغي مساعدج
    انا عندي الـd90 وبركب فيها فلاش و و و اممم بسسس ^^"
    فشو تنصحيني اخذ وياي و سؤال غبي شوي ^^"
    ع اي وضع احط الكام ابغي شتر سسسريع احس ان الاضاءه ما بتساعدني ابد
    آآخخ أحس راسي بينفجر و الملجه بعدها عقب اسبوعين
    صدق يوم قالو العروسه للعريس والجري للمتاعيس هههه
    السموحه منج حبيبتي وايد ثرثرت ^^"
    يعطيج العافيه ع المدونه الكشوخييه , ربي يحفظج

    • هلا وسهلا ميرووه ..

      حمدالله انا بخير انتي كيفك عساك طيبه ؟

      هههههه عاد حظ سبحان الله .. مابعتي الاستوديو الا هالوقت :$ ..

      لاتقلقين ان شاء الله تنحل المشكلة .. اذا بتركبين فلاش سبيد لايت للنيكون ..

      نتائجة جداً ممتاااازة واضائته قويية .. بس وجهيه على سقف الغرفة لاتخلينه على وجههم أبداً

      واذا كان السقف مرتفع .. فيه مثل الورقة البيضاء على راس الفلاش طلعيها عشان تزيد الإضاءة

      ., يجي مع فلاش النيكون شي يدنن .. مربع بلاستك يتركب على الراس .. يشتت الضوء ،، يشبه السوفت بوكس في تأثيره

      الوضع استخدمي الفل اوتوماتيك .. في كامرتي على شكل مربع اخضر

      ،

      اما لو بدون فلاش .. مع اني ما افضل انك تصوري بدونه 😦 تطلع الصور مهزوزه

      جربي وضع الـ p .. ، لو مانفع .. الـ m الشتر ١/٢٥ .. والـ فتحة على اوسع شي ٣ يمكن عندك ..

      ،
      ربي يوفقك ويسهلك المهمة .. طمنيني عنك 😀

  26. ماشاء الله
    والله استفدت كثير من الموضوع
    من زمان و نفسي اصور زواج بس ما حصلت لي الفرصه
    مره وحده صورت خالتي و هي عروس بسسس !
    بس موضوعك حمسني بصراحه ، بدور لي عرس اصور فيه :p

  27. هوني موضوع حماااااااس
    حمستيني كثير
    من زمان ابي اشتري معدات التصوير بس انشغلت كثييييير لدرجة انو الكام ماصرت امسكها كثير 😦

    هوني بليز الصورة مو طالعة لي ارفعيها من جديد ابي اشوف تجربتك

  28. بجد استمتعت وأنا اقرأ التدوينة .. موفقة كثيييير ..
    عندنا هني في دبي موضة جديدة نفس الأجانب يصورون فستان العروس قبل لا تلبسه والطقم .. والطاولات .. والمسكة .. وتصورنا نحن ونحن نحط جلوس .. أو نمشي مع بعض .. والألبوم طلع يجنن ماشالله ..
    وحبيت أشاركج موقعهم .. يجنن http://www.swpp.co.uk/members/goto/rd.cgi?redir=http://www.stuwilliamson.com ماشالله .. .. موفقة خير ..

    • هلا فطوم ،، عاد في دبي ماشاء الله المصورين الاجانب كثار ،، ^.^

      شكرا عالموقع الراائع .. فعلاً تصويرهم خطير

      يعطيك العافية

  29. hello ريمـــو

    واالله و انا اقراء سعـــيــــده
    لان اتذكر يومها
    اسعدتني اخبارك ،، وطلب المساعده
    شخص نفخر به والله

    حبيت كل ما كتبته خصوصن نحتاج التعمق في هل مجال والله
    ولحنا لاقين ،،

    عندي سوألات لك
    انا انشاء الله بعد شهر بصور قريبه لي بس اني موتخوفه من النتائج
    كوني بس راح اصورها في زفتها مع مصورتها و وقت تجهيزها لا اكثر

    بس المصيبه 😛 كونها اول مره لي
    فهل بحتاج فلاش نيكون وقت الزفة ! مع العلم انو كل المصورات يجيبون معاهم ضوء وقت الزفه
    من طرف مصورة الفيديو او المصوره

    كنت بسالك قبلها بفتره بس قريت المدونتك قلت نسأل هنا ^ــــــــ^

    نحبك والله 3>

    • ياحبيلك عهود ،، أول شخص لجأت له في هالمهمة .. مرة كنت متوترة وخايفة

      رديت لك في الجوال ،،،

      وعشان البنات يستفيدوا .. بعيد كلامي ..

      ضروري فلاش النيكون .. عشان تضمنين جودة الاضاءة في صورتك

      متحمسة أسمع اخبارك عقب هذاك اليوم

  30. يا هلا
    و انا اسوي بحث عن دورات التصوير فتحت مدونتك و شدتني ما شاء الله
    و حبيت اسألك يمكن عندك فكرة عن معهد شيفلد
    حابة اخذ فيه دبلوم التصوير ، بس هل فعلا يستاهل الوقت و المبلغ؟

    لأني راح احشر نفسي حشر بين دوامي اليومي و دوامي في المعهد ، لذلك حابة اني احصل على الاتسفادة القصوى بدون ما اكون ضيعت وقت و مجهود 🙂

    احييكي مرة ثانية على البلوق الرائع

    • يامرحبا ديمه ،، واعتذر عن تأخري في الرد

      بالنسبة لي دبلوم شيفلد مرة يستاهل الوقت .. والمبلغ ،، أعتقد لويخفضونه شوي

      لأن عتبي عليهم انه بعض المحاور ماغطوها تماماً الي هي ( التحميض ) وكنت مره متحمسة له

      السبب ان الافلام ماتوفرت وماقدرنا نصور بدون افلام

      .. لكن عموماً .. يطلعونك محترفه .. ! خذي الدبلوم عند شيرين يعقوب

  31. .
    .

    ما شاء الله تبارك الله ..
    تجربة رائعة .. ونتيجتها أروَعْ 🙂

    أختي ريم :
    أعجبني اسلوبُ شرحك ، وَدُعابةُ حَرفكِ ونقاءْ هدفكِ ()
    أسعد الله قلبكِ وروحكِ ..

    ممممم لِما لا تعملين لنا دورة للتصوير هُنا في مدونتكِ ؟
    ما رأيُكِ ^^
    تصوير الطبيعة .. المناظِرّ .. الأحبة / بشكلٍ عام
    أنا من هواة التصوير .. ولكن للآن لم أجد الوقت للبحث عن دورات
    أو قراءة كُتبْ ..

    وحقاً التصوير مُمتِعٌ جداً “”)
    أحببتُ مدونتكِ الزاهية برُوحكِ 🙂

    مُوفقه .

    • اهلا عزيزتي ود ، سُعدت بوجودك اللطيف هنا ..

      كم أتمنى أن أشارككم دروس هوايتي الجميلة ،، لكن الوقت لايسمح لي أبداً في الكتابة

      حالياً أدرس و أعمل لذا أصبح دخولي للمدونة قليل جداً

      لاتفوتي على نفسك الدورات والكتب الموجودة في الانترنت .. 😉

      دمتِ بألف خير

  32. ماشاء الله من ابداع لاخر

    الصراحه فله شكلي بسلك مسلكك واصير احسن منك >>> اوت

    الله يحفظهم ومنه المال ومنها العيال

    برايفت لك >>> ( وين فيه الاستديو حقك ؟ ) @_@

  33. مرحبا هوني

    شكرا لك لانك شاركتينا تجربتك و افدتينا بمعدومات مهمة تفيد الكثير مننا
    و انا من زمان ابحث واسال بس محد رد علي و سالت مصورات بخصوص دورات عن التصوير و محد رد علي

    اللي ابي اعرفه من اي ساعه يبدا الدوام لدبلوم التصوير الاحترافي لاني اشتغل و حابه اخذ دبلوم بعد الدوام و ما اعرف اذا في مجال او لا

    • مرحبتين العنود ، هلا فيك

      الدبلوم فترتين صباحي ومسائي ..

      الصباحي اتوقع من ١٠ لـ ١٢ ، والمسائي من ٦ لـ ٨ ..

      وهو في معهد شيفلد 😉 ،، اتمنى اني افدتك بالي اقدر عليه

  34. أبي أسألك
    آي معهد سجلتي فيه !
    وانا ابي اخذ سوفت بوكس بس موفاهمه شي من نآحيه انواعه وش الزين وش االشين
    أبي واحد حق تصوير بورتريه كآمل
    يآليت تسآعديني =)

  35. السلام عليكم اخت هوني..
    مررره مبسوطه وفرحانه اني لقيت احد في النت يتكلم عن تجربة تصوير عرايس اولى ليا اسبوععين وانا اسوي بحث في المنتديات..قصتك نفس قصتي اخذت الدوره للتصوير وقريبتي طالبتني اصور فرها واول تجربه ليا وخايفه ومتوتره جداااا ..افدتيني كثيير بس حابه اسالك انا عندي الامبريلا اثنين طبعا وعندي السوفت بوكس هل تنصحيني استخدم السوفت بوكس او استغنى عنوو السوفت حقي كبير 100*100 ..واكثر شي مخوفني وموترني وضعيات تصوير العريس مع عروسته احس باحراج بمجرد التفكير افكار تصوير العروسه عندي كثير بس العروسه وعريسها مرره ماعندي ..احتاج نصائحك ياليت تساعديني الله يفتح عليكي ..اسفه عالاطاله ..بالمناسبه حابه اوريكي جزء من تصويري وقولي رايك (اتقبل النقد ^___^)

  36. وااااااااااااو شيء مررره حلوو ومشجع :””
    أنا حاليآ ادرس بنفس المعهد 😀
    باقي اسبوعين واخلص الدبلوم ان شاء الله
    ومررره شايله فكرة تصوير الزواجات من راسي
    بس كأنك دخلتيها بمخي 😀
    مافيه مانع الواحد يجرب
    ودايم اول تجربه صعبببه :”

    بالتوفيييق 🙂

  37. خفة دمك لا توصف… تشرفت بالتعرف على مدونتك وأتمنى أن تزوري مدونتي – وهي باللغة الانجليزية ومتخصصة بالأعمال اليدوية وبالمجوهرات والاكسسوارات التي أقوم بها … فعلا قرأت ما كتبت من أوله لآخره وظرافتك وذكاءك وخفة دمك تنعش وتضيف جوا من المرح لمن يقرأ… أتمنى لك تجارب تصويرية رائدة والشكر لخالك الذي فتح أمامك أبواب جديدة أنت على أتم الاستعداد لها والحمد لله

  38. الموضوع مره جميل وطبعا انا مثلك اطلع تصوير مناسبات وللان احس برعب في البداية كيف شغلي بيكون حلو ومرتب والا كركبه واصعبب لحظه تصوير الكابل العروسين مهما اجهز افكار تطير في هذي اللحظه خصوصا اذا كان الرجال يستحي او عنيد اف التعامل يصير صعب
    بالتوفيق عزيزتي في مشوارك الطووويل
    تقبلي مروري

  39. بصراحه شي مو طبيعي واكيـــد نفتخر انه في بنات من بلدي السعوديه يطلع فيهم كل ذا الابداع والله انا طوول عمري احاول ادور مصوره بجده بدي الاحترافيه ماشاء الله مالقيت مع انهم مشهورات جداً بس حابه اتواصل معاك لان ملكتي قريب وابغى استفسر منك لو تقدري تيجي جده

  40. الله يوفقك خيتي وانا بعد يومين راح أخوض هذي التجربة 🙂
    وضفتك في الايميل واقبلي اضافتي لو سمحتي لاني رح اتعبك بأسئلتي 🙂
    شكراً ❤

  41. مرحباً هوني كيفك
    ان ساء الله تمام
    ي قلبي معليش زواجي بعد اسبوعين
    وأمي رافضه اجيب مصوره عشان اخويا يصورني فكاميرته
    بس هو مؤ محترف مرا بالتصوير
    معليش تساعديني يعني مقطع فيديو يتعلم منو كم حركه وكذا الله يسعدك

  42. أنا دحبن نفسسسسس الشي ساير لي , بنت عمتي تبغاني اصورها متوتره مرره وعمري ماصورت في زواجات وكذا وهيا ماتبغى احد غيري وماني عارفه ايش اخد معدات وكيف تكون وضعية الكاميرا 😦

  43. ما شاء الله عليكي الله يوفقك عجبني طموحك وابغاكي تصوريني في زواجي لاني ما اثق في الاستوديوهات صراحه

  44. ماشاء الله تبا ك الرحمن
    تجربه رائعه
    والأروع منها ادائك المتميز
    الصراحه انبهرت بإعداداتك
    من جد محترفه ربي يبارك لك
    الصراحه نموذج رائع انت

    حابه اتواصل معك اذا سمحتي
    هل من طريقه ؟؟
    وبالتوفيق يارب

    • حياك الله
      يشرفني ذلك عزيزتي

      ‏من جهاز الـ iPhone الخاص بي

      في Mar 1, 2013، الساعة 9:54 AM، كتب “Honey” :

      >
      >

  45. السلام عليكم..
    بحكم تجربتك..في تصوير الزواج..
    هل عدسة 70-200 f4 بدون مانع اهتزاز
    مناسبه لتصوير الزواج مع فلاشات الاستديو؟؟
    لأني حقيقي متردده ومالقيت اجابه ؟؟ومتخوفة من فتحة العدسة
    وتقريبا هي تكلفة العدسة مناسبه لميزانيتي الحالية..ف هل اشتريها او لا؟؟

  46. على إنه التدوينه قديمه بس شكرًا لك لأن دورت على تجارب مصورات وانتِ أول وحده ألاقيها 😍
    مشكورة عالتدوينة المفيدة وربي يوفقك❤️❤️

  47. الله يوفقك حبيبتي
    انا مقبلة ع تجربة تصوير اعراس بس عندي كمن استفسار
    شفتك تنصحين بسبيد لايت رقمه غير اللي عندي انا رقمه 430 اذا عندك خلفية ي ليت تخبريني
    وبالنسبة للتصوير كيف تقنعين العرسان يوقفون عشان تلقطين لهم الصور هههههههههههههه
    بيقولون وش ذي النشبة اللي ع كل تكة تصور
    ويمكن يجيهم ملل من كثر مايوقفون وانتي تصورين
    وكمان ابسأل عن اضاءة المسرح اكيد رح تكون خافتة وبيكون صعب عالتعديل :((
    واخر سؤال كانت معاك مساعدة والا انتي بس ؟؟

    • أهلا فيك إيمي
      اللي كنت استعمله كان جديد بهذاك الوقت قبل ٥ سنين لما كتبت التدوينة بس أكيد طلعت مواصفات أحسن وتطور السبيد لايت ..يعني لاتشيلي هم
      بالنسبة للعرسان لازم تقوليلهم أنه هذي مرة بالعمر وكل لحظة ماتتفوت وكل شي تصوريه بيكون لصالحهم بالنهاية
      ممكن تاخذي استراحة تصوير يعني ربع ساعه يشربو فيها عصير
      بالنسبة للكوشة انا استخدمت السبيد لايت وكنت موجهته للسقف بميلان بسيط وطلعت الصور جميله
      اذا كانت كامرتك من فئة محترفة ممكن ترفعي الآيزو والتحبيب بيكون بسيط
      بس اذا كان التحبيب واضح خليك عالسبيد لايت بس

      بالتوفيق يارب =*

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s