Honey دخلت العشرين !!!!

ايش شعورك لما تدخل العشرين ؟ :)
زعلان ؟ تحس انك عجوز !… خخخ
هذي توقعاتي اللي كانت لعيد ميلادي .. ماكنت متقبلة فكرة اني اكبر وادخل العقد الثاني
دخلت السنة الجديدة وانا افكر اني بعجز و
الدنيا بتنتهي لما ادخل العشرين :(

قالتلي جوجو الشهر اللي فات
.. ريم !!! مانتي فرحانة !! :D
حتدخلي على حياة جديدة .. بعقل كبير بعيد عن كل هبالات التينيجر اللي كنا نسويها
ترا مرره شي يحمس انبسطي يابت

., ماما .. تراك بتعجزي .. انا دخلت العشرين !
… اممم بابا بكرة يوم ٣ – ٣ …
عارف بس ماني مسوي حفلة لاحد
… طيب انا حدخل العشرين :(

جت الساعة ١٢ ودخل يوم ٣ – ٣ – ١٤٣١ هـ … وبدأت المسجات عالجوال والـ BBM
ايش شعوري ؟ ماتوقعت حد يطل في وجهي :P

:

لما اتأمل في السنوات الطويلة اللي عشتها .. ١٩ سنة ماهي شوية ابداً – في نظري –
مريت بحياة سيئة في بداية مراهقتي،
في يوم ميلادي الـ ١٣ قلت ابغى اتغير ..
مابغى اكون ريم انا.. ابغى اسير بخفة دم شذى ،
وكلامي زي عنود ، و ملابسي زي اروى ..
ابغى اكون كل الناس غير نفسي

حياتي كانت متأثرة بضغط ” النظير ” ،
يعني أتأثر بالمجتمع اللي حولي و شخصيتي مالها أساس ترتكز عليه

.، سنة بعد سنة ..اكتشف اني ارتكتبت اكبر غلطة بحق نفسي،
كنت احاول امحيها و اتقمص شخصيات الناس حتى محد يشوفني ..

طيب ليه ؟ مين قال اني انسانة سيئة .. ايش فيني شي غلط حتى اخبيه؟
مين اللي لعب بعقلي وصورلي نفسي على انها ابشع مخلوقة ؟ !

لما تترك لمجتمعك القريب مجال يتدخل بحياتك، بكل تفاصيلها
لما تسمع و تقول صح من غير ماتناقش
وتصدق كل شي ينقال لك وينقال عنك
لما تخلي رضا الناس عن شكلك، اسلوب حياتك، كلامك .. هو غايتك
لما تخليهم يملوا عليك كيف تتصرف..
لما يقولولك امك وابوك مو مهتمين فيك .. وانت تقول صح انتوا صادقين هم مو مهتمين فيني
لما بطيبة نفسك تحبهم .. وهم من وراك يتكلموا عليك

بعد كل هذا كيف بتكون حياتك ؟ وكيف بيكون تقديرك لذاتك ؟

ما انسى هذاك اليوم ..
رسمت رسمة كبيرة ، وكتبت من وراها كلمات اغنية مولان ،

Reflection

Look at me, you may think you see who I really am
But you’ll never know me
Every day, it’s as if I play a part
Now, I see if I wear a mask,
I can fool the world
But I cannot fool my heart

Who is that girl I see
Staring straight back at me?
When will my reflection show who I am inside?

I am now in a world where I have to hide my heart
And what I believe in
But somehow, I will show the world
What’s inside my heart
And be loved for who I am

Must I pretend that I’m
Someone else for all time?
When will my reflection show who I am inside?

There’s a heart that must be free to fly,
That burns with a need to know the reason why

Why must we all conceal
What we think, how we feel?
Must there be a secret me I’m forced to hide?

I won’t pretend that I’m
Someone else for all time
When will my reflection show who I am inside?

:

، كل ماشفت الرسمة ابتسم بكل رضا
عن الانجازات اللي حققتها بعد هالعمر ..
و ابتسم من قلبي لأنكم حبيتوني لشخصي .. و كنت أشغل حيّز صغير من حياتكم

.، القصة اللي فوق تكملتها ..
اني تركت المجتمع الي كان يحبطني .. وبعدت عنهم ،
عشت لنفسي ولكم .. والتفت لأحلام الطفولة،
وبدأت مشوار اثبات الذات في العالم الواسع ..
ماتوقعت اني راح القى مكان فيه ،
ربي سبحانه كريم يجازي العبد على تعبه
لك الحمد والشكر يا الله

:

وحدة قالتلي .. ماتوقعتك قوية.. راسك الناشف مفيد
ههههههه ايوة اكيد مفيد ،، :D ولا ماكان قدرت اعيش ..

العناد حقي ايجابي.. كل ما شخص يتهمني بالفشل او بالتفاهة ..
اثبتله العكس بأفعالي من غير ما اتكلم او اناقشة
وهو يشوف ويستحي على نفسه :P

:

احس اني خربطت بالكلام كثير :$ ،
وهالتدوينة جاية ارتجالية ..
كل سنة وانا وانتوا بألف خير يا حبيباتي =)

كتبتها ،
Honey
ذات حيوية ونشاط

٥ / ٣ / ١٤٣١ هـ

________

3 – 3 – 1411
3 – 3 – 1431

بالهجري بس تميت الـ ١٩ ودخلت العشرين

بالميلادي لساتي صغنونة :P خخخ « عندي فوبيا لسا :D

About these ads

40 thoughts on “Honey دخلت العشرين !!!!

  1. كـل عآم وآنتي بآلف خيييير ريـموو =)
    وعقبـآل ٧٦٥٩٦٨٥٤٣٢٢٣١٨٦٨٧ سسسنـه « نآويه تخليك عجوز بجد هههههههه ..

    من نـآحية شعوري لمآ آدخل آلعشرين > مـآ آدري لآنو توني بآقي لي آربع سنين ، وآقولك آيش شعوري =P

    مـآني عآرفه آيش آقول عن آلقصه آللي كتبتيهـآ بس حبيت فيك عنـآدك آللي خلآآك تثبتين للنـآس مين آنتي وآيش قدرآآتك ..
    وآلله يوفقك في هآلسنه وتنجزيين آكثر وآكثر يآرب ..

  2. ياحلوها الكتكوته عقبال المية سنه يَ جميله
    ربي يحفظك ويطول بعمرك ويعيشك احلى حياة تتمنيها ياااارب
    انا بدخل الـ 21 :(
    العشرين كان شعوري حلو :$ بس الواحد وعشرين هو اللي صدق تحسين انك عجوزه ههه

    موفقه يَ قمر ربي يسعدك طول العمر و1

  3. كل سنة و انتي طيبه يارب . .
    كل سنة و انتي اقرب إلى الله . .
    كل سنة و انتي اجمل و اجمل . .
    كل سنة و انتي بخير و صحه و سلامه . .
    . . . . . . . . . . . . . . . . . . . . . . . . . . . . ~ =)

  4. كل سنة وانتِ بخير وأجمل ياحُب
    احنا لو نعطني انفسنا حب ششوي بس شوي
    كان شفتني الانجازات :)

  5. ::
    يووه نفس آحسآسي يوم دخلت العشرين ،،
    لكني حسيت آني يآآلله راحت علي ١٩ سنه مآآسويت ولآشي وآنا كمآ انا ..!
    جلست مع نفسي ، وحاولت اطلّع اي شي انجزته بحيآتي .. لكن للآسف مآلقيت شي
    عشآن كذآ انا بديت مع نفسي ومن دآآخلي اول شي وحطيت مبآدئي وقيمي الأسآسيه
    وحآولت اني اطورهآ وامشي عليها ،،

    – صرت اقرآ كتب ، وانا من قبل قرائتي معدومه نوعاً
    فعلاً تغيرت خلال ثلآش شهور ولله الحمد ،،

    لآني دخلت العشرين هالسنه بـ شهر محرم .. وبالميلآدي ١٩ هع

    كنت نفس حآلتكك من ناحية ” أتأثر بالمجتمع اللي حولي و شخصيتي مالها أساس ترتكز عليه ”
    بس الحمد لله العدآت السيئه مآتدوم ، وكل شي يتطور للأفضل ^ـــ^

    اعجبتيني في محاولة اثبات نفسك بمرحلة المرآهقه << فيس يتذكر نفسه انواع الدجّه والهبآله ههههههههه

    يعني فعلاٍ حسيتني تأخرت عزيمتي بمحآولة تطوير ذآتي وآثباتها .. بس الحمد لله اني ادركت :)

    ~ كل سنه وآنتي طيبه .. كل سنه وآنتي لأعلى وأعلى ..
    دمتي مثقفه ، وواعيه : )

    سوري ع الإطآله :$

  6. كــل عــآم والسعـــاده تملأ قلبكِـ هوني

    وألف مبآرك , حققتــي حلمكِ وهو وضـع بصمتك قبل سن العشـرين ^^

    بصمتي بصمـةً لن تُمحـــى في قلوب الكثيرين , مآشآء الله تبارك الله

    جعل الله قلبكِ سعيـداً دومـاً , و أسـأله أن يجعل التوفيـق الدآئمـ في دربــكِ ,

    ننتـظر كتآبكِ بـ فــــــــــارغ الصبر

    محببببببتك [ الدآعية لكِ بكل خير ]

    نـــوفــآآ

  7. هاي عجبني الموضوع مررره

    الصراحه انا توني معديه22

    وبجد احس اني عجوووووز ماودي الايام تمشي

    ودي توقف واعيش طول عمري بالوضع و العمر اللي انا فيه

    يالله عقبال ال100 سنه بصحه وسلامه

    وياريت نكون اصدقاء

    شيكي على بلوقي اذا عند وقت

  8. يختي اعتمدي الميلادي يا زينة يصغر .. زي ماما أقولها عمرك بالميلادي 38 و الهجري 39 و 6 شهور
    < كل ما يمشي التاريخ تصغر المسافة بينهم زمان كان سنة و شهرين دعلى ايمنا التسعينات 7 شهور دحين اسبوعين بس ..
    تقول لا أبغى الهجري خخخخخ ! و
    كل سنة و انت طيبة و يـارب حياتك تكون كلها أفراح و نجاحات<3

  9. اهلين هوني \
    مدونتي اللي تشوفينها هي محاولة جديدة اني اعيش حياتي صح ومايفوتني الوقت
    هوني انتبهي لنفسك وربي يوفقك
    اتمنى تكونين معاي في مبادرتي ناحية نفسي 12 اسبوع
    وهالمدونة اللي عندك عشان احقق اهدافي
    عمري 28 يعني المجتمع يحاول يقتلني والمجتمع القريب مع الأسف يحاول يحسسني انة
    خلال يالله راحت علي خصوصا اني ماتزوجت وماتوظفت ..!
    اعتقد انك تعرفيني معرفة إنترنتية بس بديت مع هالمدونة عشان احقق هدفي واحاول من جديد استرجع حياتي اللي سرقوها الناس مني قد مااقدر

    دعواتك ياهوني

    ولكل البنات اللي عندك في المدونة ترا هذي
    http://mylifein12weeks.wordpress.com/
    عشان هدف محدد وبقفلها بنهاية 12 اسبوع وبتكتب تجربتي فيها ، وانتم لو دعمتوني بتسون فيني خير وشكرا لكم

    احبكم في الله

  10. صحيح نسيت اقول كل سنه وانتي طيبة ، وحبيت اذكر بشرعية عيد الميلاد ، انا عني احب اسمية يوم الميلاد عشان اتلافا الحرج الشرعي :) محبتك ياهوني

  11. دخلتي عمر جديد,كل سنه وانتي في عطاء اكثر يارب,,

    عن نفسي عرفت نفسي اكثر في هالمرحله,,رغم اني 21
    بس حسيت اني توني في طريق تحقيق احلامي ,,كثير من الناس حققوا احلامهم بعد سن الخمسين او اكثر,,,الطريق لسه في اوله لكل من عنده حلم اهم شي يكون هناك اراده و العمر مو عائق,,

    هوني ربي يسعدكـ ويكتب لكـ النجاح ان شالله ,,

  12. كل سنه و انتي سالمه ريم (L) و يارب سنه كلها سعاده و انجازات
    انتي نفس حالتي انا 24 / 3 :D و أحس يوم رُعب بالنسبه لي – ما ودي أفارق الطعش =P
    و أحس كذا شعور مره غريب اني أخش الـ 20

    بس تأملت كثير يكون حلو منّك :P , مره مو حابه أصير 20
    أصلاً مو لابق عليّ شكلي صغير ض1
    ع العموم متابعه دايم لكل تدوينه تنزليها و متابعتك من زمان أصلاً ق1

    خليك كذا دايم (F)

  13. ريموووو كل سنه وانتي طيبة
    يارب تكون سنه خير وافراح لك وانشالله ماتشوفين فيها الا كل اللي يسرك :)

    انا بشهر 1دخلت الواحد وعشرين مرررة شي حلو وتحسين انك من جد كبيرة

    كل سنة وانت طييييييييييييييييبة
    نوف :)

  14. هو كل الريمات انولدو بتاريخ 3-3 !!
    من جد صدفه غريبه صديقه لي كان ميلادها 3-3 واسمها ريم :mrgreen:
    على فكره تراي أحب هالاسم = وش دخل الحين
    .
    المهم كل سنه وانت بكل خير
    الله يجعها سنه خير وسعاده والعمر كله يا رب
    .
    اتذكر اول ما دخلت العشرين حسيتني عجوز
    لكن مع مرور الوقت حسيت انه شعور مره جميل
    حسيتني انضج وواعيش اجمل سنوات عمري
    افرحي وعيشي هالحقبه لأنها الأجمل
    .
    كلمه أخيره welcom the club :mrgreen:

  15. كل سنه وأنتي بخير يارب
    وان شاء الله حياتك تكون كلها فرح وسرور يارب
    أنا دوبي كملت عشرين سنة وبدات 21
    أنا كمان دايم اتخيل شكلي بعمر 30 واقول لااا مابدي صير عجوز ^_*
    واهلي و خصوصا اخواني دايم يحسسوني اني كبيرة لاني أكبر الاولاد والبنات
    بالعائلة > _<

    الله يوفقنا أجمعين يااارب وننفع أمتنا و طننا بكل مانملك

  16. يالبى قلبك

    العمر كل يا قمر
    بالعكس أتذكر لما دخلت العشرين كنت متحمسة مرره وحسيت بشعور فضييع ذاك اليوم

    هوني بقولك شي بس لا تضحكين علي :D ؛ حسيت ودي أقبص خدودك ةة

  17. كـــــل عام وانتي لله أقرب

    آآآخ ياهوني لاتذكريني اموت واعرف هالناس اشبهم على تحطيمنا لما كنا صغار عقدوني في حياتي بس الحمدلله قدرت اطنشهم واعيش حياتي ..

    اما العشرين حكايه ثانيه اقولك شي تصدقي بالله ماخبرت احد اني دخلت العشرين حتى امي ناسيه وانا ساكته الا ابوي حسيتو بيفضحني ولما احد يسألني اقول لا توي ههههههه

  18. هههههههه من كلامك حسيت إن العشرين حكاية نهاية عمر ليه كذا !؟ :)
    قربت أدخل 28 ولحد الحين الروح شباب ولا أحس إني عجزت ولاشي ..
    ماأذكر إني إحتفلت بيوم لعمري الا لما كنت بـ 15 أحس هذاك اليوم كان غير ..

    وكل سنه وإنتي بخير هنو وطولة العمر إن شاء للكل ..

  19. كل سنه وأنتي بقلووبنـآ يـآ أحلى هووني .. ق1 ..
    وبعدين حتى لو عجوزه أحلى عجوز والله :P ..
    .
    .
    بعدين ترى أحب أسمك .. زي أسمي < فجـأة ض1

  20. كل عام وإنتي بصحه وسلامه
    وتري فترة العشرين جدا جميله راح تتغير حياتك للأول
    بس إنتي لازم تخلينها فتره مميزه في حياتك
    وعلى قولة سما حتى لو عجوزه راح تكونين أحلى عجوزه
    p.s
    ياليت تعتبريني صديقه لك

  21. اتمنى لك حياة سعيدة
    عيشي كل لحضة في عمرك
    بنظرة طفل يفرح من اعماقه بلعبة
    يضحك من قلبه
    يلعب مع اصحابه ويمرح وكأنه يملك الكون
    واجهي مصاعب الحياة مستفيدة من اخطائك التي عملتيها في العشرين السابقة

  22. كل سنة وأنتِ من تميز إلى أميز يالغلا
    أممممم
    عاد بمناسبة دخولك العشرين نبغى نشوف
    لك بصمة إبداعية مميزة سواء هنا أو بالإقلاع : )
    مودتي ..

  23. ههههههههههههههههههه
    يئبرني ابو العشرين انا
    ياشيخه اش بتسوين لما تصكين على الثلاثين اجل ؟
    شكلك بيجيك اكتئاب اسم الله عليكِ
    أستغرب من كثير الي يتضايقون من مسألة العمر
    بحساباتي العمر ينقاس بالإنجازت والسعاده والتجارب أبداً مو بالأرقام والشهور

    أخيراً نقول للحلو العمركله وعامر بالطاعه والسعاده ان شاء الله

  24. العمر كلووو ياهوني
    ربي يجعلها سنه فرح وخير عليكي بين كل احبابك
    وتنجزين وتحققين فيها كل احلامك وطموحاتك

    يسعدك ربي وين ماكنتي

  25. هوني‘ ..

    كل سنه و انتِ و احبآبك بخيير ..
    و عقبآل المية سنه يآرب =)

    عآد مدري‘ كيف بيكون شعوري‘ لمآ ادخل العشرين …!!

    ابفرح لانو رآح يكبر عقلي‘ و تفكيري‘ ..
    و احزن على اي يوم قضيته بلآ عمل مفيد يذكر …

    حبيبتي‘
    دمتِ بخ ـير ~

  26. ههههههههههههه ذكرتيني بنفسي أنآ أكبر منك بشهرين :/ ..
    أول مآدخلت العشرين حسيت بشعووور غريب >>خخخخ إلى يووومكـ
    هذا وأنآ أقوول 19 لأني بالميلادي 19 .. حآلتي صعبة صح :P
    كنت متوقعة إنك من دفعتي ومن دفعة حرب الخليج هههههههه
    اللي أطبق عليهآ كل أنظمة المملكة في الدراسة :P

    كل عآم يآسكره وإنتي إلى الله آقرب
    وكل عآم والسعآدة وجودهآ في حيآتكـ يكوون آكبر =)
    وكل عآم وإنتي متميزة متألقة يآآآهوني

    ..

    دمت بخير وعآفية :)

  27. كل عااااااااام وانتي بخيــر يالغاليه «« ولو انها جات متأخره !

    كل عااااام وانتي لله أقرب ولقلوبنا أحب 3> 3>

     ربي يوفقج وين ما كنتي، وييسّر لج ويبارك بعملج ^^

    أحبج في الله يا ريم… وسعيده كثيييييرررر بمعرفتي بج !

    :

    { ع الهامش : انتي دخلتي العقد الثالث مو الثاني !! «« هاذي اللي بتكحلها ! > 3> 3>

  28. كل عام وانتي بخير حبيبتي

    بصراحه انا جديده هنا

    وحبيت اشارك واقول انا بعد مش متقبله فكرة اني اكون بالعشرين

    من جد احس اني عجوزه وساعات احس اني بقمة الطفوله

    يعني مافي وسط يا كذا اوكذا

    ماااقوال الله يوفقك ويسعدك

    عارفه العبره مش بالعمر العبره كيف راح تعيشي حياتك مع نفسك ومع الي حولك

    معاكي اختك عسوله

  29. كل سسسنه وانتي بألف خير ياقمر 3>
    عقبال الاربعين والستين والثمانين والميه واذا ودك الميه والعشرين :p
    انتي اكبر مني بشهرين و14 يوم =)
    <<احسب الايام ماودي بالعشرين احس عمري عشرين لآزم اصير بنت عاقله ورزززينه <من جنبك
    ماشاء الله حآفظه اغاني اجنبيه وانتي بال13 بذآك الوقت كنت لسه مااعرف الاحرف كآمله LoooL
    خوذي (F)(F)
    :$

  30. كيف ريماااااااااااااااااااااااااا
    مفاجاءه :)
    اكيد عرفتيني
    اممممممممممم
    جات متاخرة بس دوبي شفت الموضوع والله مررررررررررة مشغولة عاد انتي اكيد عارفة
    كل سنة وانتي طيبة وعقبال عشرين سنة
    ترى انا عجرت قبلك |<<خخخخخ
    بصراحة حسيت اني صرت عجورررة :(
    وحشتيييييييييييييني مووووووووووووت ياقمر
    اشوفك قريب ان شاء الله :)

  31. بالعكس لسسسسه صغيرة وفي بداية عمرك
    سبحان الله ، انا احس الشباب يخلص عند عمر ٣٨
    لان كل اللي اعرفهم وبالثلاثينات احسهم مرة حيويات وتفكيرهم تفكير بنات بالعشرينات
    العمر كلو ان شاء الله :)

  32. كل سنه وانتي طيبه يآبطة
    من اول ماشوفت المدونه حقتك قولت حاكتبلها بازن الله
    لكن اليوم كتبت في قوقل : احس ناسيه نفسي وناسيه شخصيتي بجد سرت مااعرف انا ايش احب وايش اكره نفسي اغير دا الاحساس الغبي لانو جدا يتعب ومادري كيف ابدا ..
    لكن كتابتك هناا ادتني شوية الهاام
    وعلى فكره انا اصغر منك بشهرين لكن لمن جيت بدخل ال 20 حسيت كرهت الدونيا ومافيها واكتئااب
    لكن بت العشرين غيير دايما يقولو كداا
    بس نفسي اخرج دا الشخصيه اللي فيّا للعالم بس مو عارفه كيف ابدا ..

    وكل رمضآن وانتي طيبه يآبطة ^^
    متآبعه لكِ

  33. السلآم عليكم ’’

    صبآحك خير ريم ..
    كل سنه وانتي بأفضل حآل
    وكل سنه وأنتي بين أهلك وأحبآبك
    ربي يوفقك ويسعدك ..
    عندي ملآحظه صغنونه .. ياليت ماتقولين عيد ميلآدي
    قولي يوم ميلآدي لأنه يوم هو و العيد أثنين حبيبتي الفطر و الاضحى مآفي ثآلث
    أعتذر :( .. ~

  34. مرحبآآآ ريووومة / :
    إ̄ﻟﻟ̲ہﻫ يجعل أيامك الجاية كلهآ توفيق وتيسير وحاإافلة ﺑ الانجازات
    آممممم أنا لسا بدخل العقد الثاني ﺑ ١/ ١١
    ياربي إحسسني بصير عجووووزة
    احساإاسي حاليا متحمسة أحس الـ ٢٠ شْيـے جميل
    ۆۋ تحسينك بنووتة عاقلة / بنفس الوقت مابي ٢٠ وييئية كبرررت

    احساس جميل / ۆۋ مربك
    كاني توي طالعة ۶ الدنيآ
    إ̄ﻟﻟ̲ہﻫ ﻳ̉جعل أيامي القادمة كلهآ خيہّڕ
    ۆۋ توفيق مَـِْט رب العالمين
    احاإاإاإاسيس مختلطة صراحة

    – العمر يقاس ﺑ الآنجازات ۆۋ السعادة
    مو ﺑ الأيام ۆۋ الشهور !!

    ^ هذي راإاإاقت لي ﺑ شدددددة

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s