كيف تكون جلستي عالنت فعَالة ؟

كلنا نعاني من تضييع الوقت عالنت ,
حتى لو كنَت مشغول لين راسك و قلت بسوي هالكم شغله وأقفله
بتلقى أنك نسيت الحاجات اللي دخلت عشانها
و تهت في أشياء فاضية ضيَعت عليك وقتك و يومك .

لو شفت الموضوع من بعيـد ,

تدخل النت مرتين أو ثلاث في اليوم .. أو تقضي يومك كله وأنت ماسك اللاب توب

لما تفكَر فيها بعقلك .. ” لهالدرجة أنا عندي وقت فاضي ؟

لا أكيد ! انت عندك أولويات أهم منه بس قاعد تاخذ من وقتهم على حساب النت 😐
:

عشان تعرف لأي مدى تستفيد من جلستك ..
وانت فاتح اللاب توب اسأل نفسك ” ايش الأشياء المهمة الي ضروري أنجزها ؟ ”

., أفضل طريقة جربتها بخصوص تنظيم وقتي عالنت , ألصق Note عالشاشة فيها المهام اللي بأنجزها

( عندي بحث , وأبغى أرد على المدونة , أرسل الملف لنورة …)

لما تحدد مهامك . لا تسمح بأي شئ يلهيك عنهم
ولما تخلص قفل النت وقوم !! .

:
., يوم واحد Free في الويكند خذ راحتك فيه بدون ماتلتزم بشيء معيَن .

يعني أسألكم يا معشر البنات 😀 ..
الحين مو نبي نسوي خلطات وخرابيط ونهتم بنفسنا؟ 😛
طيب كيف نقدر اذا طول الوقت واحنا قدام النت ..
مانقفله إلا لين جا وقت النوم ..
ولين أصبحنا فتحناه لين مايجي الغداء ..

و هكذا إلا أن يشاء الله =|
:

لو وقت استخدامك له طغى على يومك ,
فاعرف انك بتقصر وبتتأثر جوانب عديدة في حياتك
منها تأخير وقت الصلاة , ماتسمع كلام أهلك , بشرتك وعيونك دمرانه ,
المذاكرة تخليها يوم الاختبار ,
آلام في الظهر والرقبة .. وغيره من الأمثلة .

., دايم أقنع نفسك أن ماراح يفوتك شي!
يعني ايش فيها لو مادخلت النت يوم كامل ؟
كل شي لاحق عليه إن شاء الله .

جرَب تمنع نفسك من دخوله , بتلقى نفسك قرأت كتب ,
طلعت تتمشى , ذاكرت , سويت رياضة وكل شي أجلته بتلقى له وقت .

لو عندك أشغال كتابية .. تكتب موضوع , أو مقالة

أعزل نفسك ” عن الناس وعن النت ..

روح لمكان مايوصله الوايرلس وأجلس فيه ساعتين لحد ماتنجز أعمالك الكتابية .

:
كل شيء بيدنا .. الوقت , اليوم .. احنا اللي نتحكم .

بس مين اللي يبغى يتغيَر ؟ 😉

* الصورة من مدونة سآرة

– اللي يشرحلي كيف ألون النص في التدوينة أكون ممنونة له طول حياتي

Advertisements

32 فكرة على ”كيف تكون جلستي عالنت فعَالة ؟

  1. نفسي اغني واقول >> جبتها على الجرررررح وكأنك ما دريت 😦

    هذا سبب تأخري في الحياة >> جلوسي على النت لفترات طوووييله

    بس حلو لمن قلتي >>
    دايم أقنع نفسك أن ماراح يفوتك شي!
    يعني ايش فيها لو مادخلت النت يوم كامل ؟
    كل شي لاحق عليه إن شاء الله .

    صح ماراح يطير الجهاز كل شي لاحقه عليه

    دعواتك تتغير حياتنا ونصير منظمين ومرتاحين وراضين بحياتنا >> دائما مبدعه بطرح المواضيع
    الى الامام (F)

  2. خلّ أقول لك !

    الـ 3 الشهور اللي راحوا كنت بدون أجهزة ،
    لأن كلها عطلانة ، فكنت شبه منقطعة عن النت ،

    أحياناً إذا تذكرت اني مرتاحة بدونهم ، ما أفكر اصلحهم ،
    لأنّي جدد حسيت براحة ،

    صح النت والكمبيوتر ممتعين ، بس بنفس الوقت متعبين شوي
    تحسين أحياناً يآخذ وقتك على قلّ فايدة !

    ،،

    تغير لون الخط ،

    شوفي هالصورة :

    لما تبين تغيرين لون كلمة معينة في النص اللي كتبتييه ،
    ظلّليها أول شيء ، بعدين اضغطي على A مثل اللي موجود بالصورة ،
    وبتطلع لك قائمة ألوان ، اختاري اللون اللي تبين ، وبيضبط معاك ان شاء الله : )

    أتمنى أفدتك .

  3. موضوعك يلآمس آلكثير وحقيقة هكذآ هم مرتآدي آلنت إلآ من رحم ربي وآلحمدلله
    برحمة ربي أزلت هذه آلصفة قبل سنة أو أكثر صحيح أني قدرت أبتعد عن آلجهآز سآعآت
    لكن مآقدرت أقفل آلجهآز ولآ سآعة حتى لو كنت بروح مشوآر 🙂 حتى لو كنت مآرآح أجلس أمآمه أتركه مفتوح وليش مآأدري 😦
    وآلسآعآت آللي أقضيهآ في آلنت للفآئدة ولله آلحمد إمآ حضور دورة أو قرآءة كتآب أو موآضيع في آلمنتديآت بتفيدني وأرد عليهآ ونآدر مآأسولف في آلمسن 🙂
    \
    بآلنسبة لتلوين أنآ أكتب آلنص عن طريق آلفرونت بيج بعدين ألونه وأنسخ آلكلآم وأضعه في صفحة آلتدوين وبس 🙂

  4. موضوع رائع جداً . .
    دائماً ما اُحاول إقناع نفسي في ترك الانترنت و تحديد فترات مخصصه له . .
    إلا إنني أجد نفسي لا أستطيع . . أو بالأحرى ” أدمنت ” على الانترنت . .
    شكراً على هذا الموضوع و سوف أحاول قدر الستطاع أن أبتعد عن الانترنت . .
    . . . . . . . . 🙂

  5. الحمد لله ..

    تقريباً وقتي منظم .. وأنجز أعمالي المطلوبة ..

    بدون إنشغال بسبب النت .. 🙂

  6. النت ابدااا مو مهم !!

    وقتي مع امي,صديقاتي,كتبي اكثر اهميه

    القعده الطويله عى النت تجيبلي الصداع,,

  7. موضوع جميل جدا

    يعطيكِ ألف عاااافية

    أ كثر ما أعانيه أ نو أنسى البحث اللي أبيه

    من شان إني تورطت بقراءة قصيدة و لا كتاب ^^”

    أ ما ا لشغلات ا لثانية فالـ ماما ما بتنسى تذكرني فيهم بشوية زعل !!

  8. مشكلة الكل يعاني منها صرآحة
    واولهم انا 😦
    الوقت يطييييييييير بشكل فضيع بدون مااحس
    واذا سكرت الجهاز وفكرة باللي سويته القى ماسويت كل اللي مخططة له 😦

    لكن ع العموم بجرب تجربتك وربي يوفق

    هوني 🙂

  9. بججججد ..
    موضوع النوته الفسوفوريه اللي ع الاب مجدي للغايه ..
    انا أتعامل مع مهامي بهالطريقه ..
    وفعلا أصبحت أحس بالإنجاز أكثر لما أقعد ع النت ^^
    وأكون راضيه عن نفسي .. وما اتحسر على وقتي ..
    +
    فعلا .. لازم ننتبه لأشياء ثانيه .. قد نضيعها احنا يالبنات بدون ما نحس
    مثل الإهتمام بالصحه والبشره إلخ ..

    شكرا لك كثيييرا ..
    موضوع رائع 🙂

  10. مرحبا هوني

    مشكلتي مع النت ان علاقتي معاه موب طول وقت الجلسه مشكلتي اني طول الوقت جهازي شغال او على وضع الاستعداد << عشان اسرع يشتغل 😀
    فكل شوي لي طله
    تعبت وعيوني وراسي الفتره الاخيره صايرين مايتحملون ابداً
    تشوفيني مابي pb
    ولا ايفون كفايه علي اللاب اشيل النت بجيبي كمان

  11. مبدعه بطرحك
    بأسلوبك
    أتمنى من الله العلي القدير ان يسخر
    لي بمسيرتي العلميه من هم برقي فكرك
    ناس أذا ما أرتقو بفكرك وعلمك
    ماوصلوك للحضيض وكسرو مجاديفك
    جزآك الله عنا خير الجزاء

  12. بجد مشكله كلنا نعاني منها ..

    اعجبتني طريقتك حقت النوت 🙂 .. جآري التطبيق بإذن الله ^^
    دمتِ مبدعه

  13. سبحان الله هالتدوينة كأنها موجهه لي عندي أولويات و تخطيط

    و اختبارات نهائية لازم استعد لها خلاص من اليوم باذن الله اوقف نت و انتبه لدراستي

    و النت لاحقه عليه شكرًا للتدوينة جدًا حمستني

    و تلوين النص روحي للوورد و لونيه بعدين سوي نسخ و لصق

    و موفقه يا رب

  14. .

    كنت احتاج لمقالات زي مقالتك قبل سنة
    فعلا وقتها كانت حياتي عبارة عن ” نت ”
    واشيا كتيير مرا كانت بتفوتني وتضيع عليا ..
    لكن الحمدلله ليا قريب سنة واكتر
    وانا ما اطول زي زمان .. وحتى لو طولت
    اكون جالسة على اشياء مفيدة ^^
    وما اخلي النت يلهيني عن مهامي
    ولما ارتب مهام يومي اخلي النت اخر شي
    عشان حتى لو اني اتلهيت معا شوياا
    ما اكون ضيعت امور تانية بسببوا

    يعطيكي العافية على البوست الحلو

    ،

    بالنسبة للون الخط .. انا برضو استخدم برنامج
    الفرونت بيج او الـ ون نوت ، ولما اخلص انسخ ^^”

    ..

  15. السلام عليكم ^_^
    طريقة التلوين هي أنك تظللي الكلام الي تبين تلونية
    ومن بعدها تضغطي على حرف A الموجودة في لوحة كتابة التدوينة
    هذه الصورة توضيحية ^_^

    و بالنسبة لضياع الوقت على اللاب توب فسبحان الله من تفتحي اللاب تفهين ^^”
    يعني تنسين كل شي مع أنو كان في بالك تعملي أشياء و أشياء
    البعض تخطى مرحله آدمان النت و الحمد لله و في بعضهم لا
    خصوصا المواقع الاجتماعيه الي كثرانه تاخذ الوقت كله
    لكن هذا ما يمنع ان ننظم وقتنا ^_^

  16. من جد النوته على الجهاااز لها فعاليه كبيره ،
    أنا أجربها خصوصا هالأياام الأخيرهـ
    لككن مو كل يوووم تضبط معي :/

    مممم أنا يضييع وقتي أغلب الأوقاات بـ[مدري] إيش !
    مو مشتركه بأي منتدى إلا اللهم منتدى الجامعه بسسس
    مدونتي ومو دايما معها حتى!
    من جددد دايما استغرب وين يررروح الوقت ..!
    كلللله من النت ..
    الله يقدرنا ونكرهه ><"

    شكرااا حبيبتي ، موضوووعك ع آلجرح
    الله يرزقنا استهلاك أوقاتنا بطاعته ..()

  17. موضوع رائع ,,

    لكن يبغى عزيمة ,, لأنه ليس من السهل ترك النت ,,

    لكن سوف أحاول باذن الله أن أستفيد منه وأقلل فتره جلوسي عليه ,,

    فأنا دائما أخطط أن أقرأ كتاب وأهتم بشعري وغيرها من الأشياء لكن في النهايه يطلع يومي كله

    طلعات ولا نت =(

    الله يعطيك ألف عآفيه ~

  18. هلا هوني ..
    يب كلامك صحيح، و بما ني مدمنة درجة أولى من أصحى لأنام ع النت
    افكر أحط جبني منبه الجوال لما اكمل وقت محدد يرن و أقوم 😦
    ،
    بالنسبة للألوان: وحدة من صديقاتي قالب مدونتها زي حقك بالضبط
    تقول تكتب في وحدة من المنتديات و بعدين تنسخ الكلام و تحطه بمدونتها و يطلع نفس التنسيق
    .
    .
    موفقة ~

  19. النت وما ادراك ما النت

    اكثر مشكلة في حياتي وللأسف اخد مني كثير اشياء

    صرت اقعد علية مثل المجنونه طوال اليوم وحاولت كثير اتجنبة لكن يوم يومين يرجع الوضع

    وازفت من قبل كمان

    وحتى ايام الاختبارت ادخل في جهاد مع نفسي لحد ما اخلص مذاكرة واطير عطول له

    واللي زاد الطين بلة يعني اول كنت ادخل اتعلم فوتوشوب مونتاج … الخ

    الحين صرت بس تحميل انمي افلام مسلسلات ومنتديات ومسن ولعب >ـ<

    بس ان شاء الله هالسنه اقدر اقلل من القعدة عليه

    لان هذا الشي بالنسبة لي صار ادمان واني اتخلص منه صار مثل الحلم

    يسلمو بجد موضوع حلو

  20. اهلا وسهلآ هوني ~
    اول طله لي بالمدونه

    معاك حق والله كثير اوقات مهمه تمضي واحنا علىآ النت وياليت نعمل شي مفيد 😦
    انا لاحظت على نفسي احدد ان رح اسوي كذا وكذا اذا دخلت النت وااتفاجآء ان ماسويت ولا شي لما اسكر اللاب
    فصرت اكتب بنوتة جوآلي ايش الاشياء اللي بسويها اذا دخلت النت
    والحمدالله صارت جلستي على النت له فائدة ~

    شكرآ هوني

  21. النت اكبر مضيع للوقت عندي 😦
    طريقتك مرررره حلوه خصوصاً ان فيها يوم اوف بالويك اند 🙂
    شكرا لك ,,

  22. موضوع جميل
    بالنسبة لي النت كالغذاء بالنسبة لي لا أستطيع الاستغناء عنة
    صحيح ان اوقات جلوسي علية لا اضيعها بل لابد ان اخرج بفائدة ولو بالقليل
    لكن المشكلة في هذا الإدمان
    لدرجة إني في هذا العام ثاني علمي كنت وعدت نفسي بعدم فتح النت طوال فترة الاختبارات
    لكني لم استطع فصرت افتحة كل يوم =(
    المشكلة إن الانترنت كلما ازددنا في استخدامة كلما لم نستطع الإستغناء عنة =(

    اعجبني تنظيمك وإن شاء الله أحاول

  23. فعلاً الوقت اذا جلسنا على النت يمر بشكل سريع واتوقع في طريقة ثانية وهي المنبة الجوال او اي منبه بجانبك
    احيان يفي بالغرض..

  24. روووعه يعطيك العآفيه ..

    من جد كذآ عايشييين البنـآآآآت .. بسررعه يضيع الوقت ومآخلصنآ اشغآلنآ

    الله يصلحنا بسس ونعرف نتركة .. يالله اقآل اني بتسينع بطلع الحين لين اخلص آشغآلي ض2

  25. جميل جداً ،
    أما عنّي فأحدد المهام اللي علي إني أسويها اليوم ،
    وإذا أنجزت مهمة وكانت متعبة شوي أخذت بريك كـ مكافأة لي ،
    وبكذا ماشية مهامّي وحاسة إني أنجز وأستمتع بنفس الوقت 🙂
    شكراً هوني ..

  26. صحيح نقضي وقت طويل على النت ..

    وبالاخير نقول ما استفدنا شيء ولا خلصنا اشغالنا

    تعلمت انه ارتب اولوياتي .. قبل ما ادخل النت واحط لي وقت

    محدد له..

    لاحظت انه افكاري ترتبت وانجز اشغالي والاهم استفدت كثير

    يعطيك العافيه دوما مميزه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s