حكايتي مع إقلاع ..

إن شاء الله أكون قد الثقة اللي عطوني إياها .. والمهمة اللي أوكلوها لي =)

مرره انقهرت على الهنوف لإنها بتتركنا .. بس الله يوفقها في حياتها يآرب ..

., الإشراف كان من قائمة أهدافي اللي بحققها .. والحمدلله حققتها بظرف سنتين من الجهد المنقطع النظير P+ ..

أقولكم بداية حكايتي .. مع المنتديات .. إلى أن وصلت لإقلاع ..

., كان يا ماكان .. في قديم الزمان وفي سالف العصر والأوان .. كنت زي أي مراهقة في العالم ..فااضية و فيا طاقة ورجة عجيبة ..

أول مابدأت أدخل النت في عام 2004 م عرفتني عمتي على منتدى (مكسات) .. اللي معروف انه حق انيمي ..
كان مكسات هو بيتي الأول ماعرف في النت غيره ولا ادخل غيره ..

كنت مسوية جو مرجوووج ومواضيعي هبلة نوعاً ما 🙂 ..
بعدها سارت مشاكل و تركت المنتدى . وسرت اتجول مابين الفراشة وعالم حواء ..

عرفتني صاحبتي (توفي) على يوزر وحدة مميزة اسمها ( #توليب# ) في عالم حواء ..
كان عمري هذاك الوقت 16 سنة ..
أنجنيت على هالبنت .. أسلووبها .. أفكارها .. مواضيعها .. كل شي تكتبه مفيــد ويمس حياتنا واحتياجاتنا .. ماشاء الله عليها ..

أعجبت فيها لدرجة إني تمنيت أكون زيها في يوم .. تابعت كل ردودها و مواضيعها ,
من يوزرها القديم وهي بنت الى يوزرها الجديد وهي متزوجة ..

وبعدها فكَرت جدياً في الموضوع ..

ليش أكون إنسانة عاديّة في المنتدى ؟ ليه تكون مشاركاتي مقتصرة على مجرّد الرد وتسجيل حضور ؟
ليش ما أفيد الناس باللي أعرفه ؟

ليه مايكون كل رد أو موضوع لي بمثابة ( علم نافع ينتفع به ) ؟
كنت صغيرة ومافيه أفكار في بالي وماعرف اكتب .. بس حاسة أنه في كلام كثيييير
ودي اوصله للناس ومو عارفة =( ..

اشغلت نفسي بقراءة كتب بكثآفة كان اهتمامي هذيك الفترة منصب على تطوير الذات وفهم الشخصيات و المشاعر ..
في الإجازة لعدم توفَر النت لما نسافر .. اشتريت دفتر صغير وسرت أكتب فيها مواضيع ودي انزلها في النت .

مرره ماعندي اسلووب .. كل مواضيعي أسلوبيفيها شوي همجي ومو قادرة أوصل لفكرة اللي أبغاها ..

كتبت 4 مواضيع في الدفتر .. وحالتها حالة . باين اني كنت مبتدئة في الكتابة.. تركت الدفتر على جمب وقلت مافيش فايدة =\

خلصت الاجازة .. ورجعت أحاول أكتب مواضيع في الوورد وسويتلي مجلد .. كله كتابات مخربطة بس أفضل من الدفتر بكثير
بعدها سجلت في منتدى الفراشة , وحواء , والعروسة .. بس تعرفون الجو هناك يهضم حقك في الكتابة .

( توفي ) قلبي وروحي .. نصحتني و قالتلي تعالي إقلاع مرره يجنن ..

تابعت المواضيع هناك وأعجبني جداَ النظام وخاصة ان المواضيع تكون من جهد شخصي وممنوع المنقول ..
نزلت أول موضوع عن تنظيم الوقت .. بجهد جهيــد طلع معاي

كنت خااايفة اني افشل او يطردوني او اي شي .. واقلاع من المنتديات الكبيرة المشهورة اللي لها هيبتها ..
والحمدلله تقبلوني بصدر رحب .. وقالولي ان فكرة موضوعي غيــر !

أنا انبسسسطت وحاولت أنزل مواضيع تكون على نفس مقاييسهم عشان أتميَز ..
وسبحان الله أفكار المواضيع تجي تلقاائياً

وربي يسهل كل شي ..
اخذت عالمنتدى شوي وراحت عقدة تنزيل المواضيع واسلوب الكتابة بدأ يتحسن بشكل ملحوظ =)

لما صرت في ثالث ثانوي .. وفي عز الإنشغاااال بالدراسة اتخذت ثاني قرار مهم .
اني أغير لو شي بسيط من حياة أكبر عدد ممكن من البنات ..

وقررت أسوي دورة تهتم بتغيير نظرتك للحياة وتخليك إنسانه أفضل من كل النواحي .. سميتها ( غيرلي حياتي )
– إن شاء الله قريب أحطها في المدونة –

لاتحسبوني كنت أعرف ايش بكتبلكم ! ولا كان عندي خطة ماشية عليها .. وهذا السبب اللي خلاني أتأخر في كتابة الأجزاء
كنت أستفيد من كل رد بنت وكانت تعطيني أفكار للأجزاء اللي بعدها .. وأهتم جداً بانتقاداتهم

والحمدلله .. تمت الدورة بنجاح ماتوقعته ! وترقيت أثناء هذاك الوقت لرتبة

( متميزة مملكة المرأة )

وجاتني رسايل كثيرة ان كثيرين أثرت فيهم كلماتي ..

اتبعت نهج المواضيع المتميزة من ناحية الفكرة والأسلوب القريب من القلب ..
و سبحان الله .. بعد هالدورة .. من جد أنا اللي تغيرت حياتي !

الرزق صار يجيني من كل مكان ماشاء الله تبارك الله ..

وعرفت انه هذا أجري من الله بعد هالمواضيع ومن دعوات البنات الله يسعدهم ..

كتبت في قائمة أهدافي للعام 2008 اني اكون متميزة .. و لقائمة أهدافي للعام 2009 اني اكون مشرفة ..

والحمدلله .. كلهم تحققوا بعد تعب واصرار كبير ..

كل واحد فينا يقدر يحقق حلمه إذا سعى له .. وربي بيكون في عونه في كل خطوة

.. تذكروا اني كنت مجرد مراهقة عاديّة 😉 !