[ مجلســنا ] ♥

أحَاديثنا و هَمساتنا هُنا نتبادَلُها بلا قيود ..

هُنا أيضاً مِساحة لأسئلتكُم و نقاشَاتكم .. وكل مَاتودّون قوله ،

حيّاكم الله في ديوانيتي

276 فكرة على ”[ مجلســنا ] ♥

  1. يااااااااااااااه اتعب واقول مبدعة ياسمية الغزال ….

    مبرووك البيت الجديد …لاتنسين المعوذات (:

    هوني عزيزتي :

    استمري فالعطاء والله يوفقك ..

    اذا نزل موضوعك في مجلة حياة خبريني

    علشان اشوف الابداع ..

    اختك:
    توابل الشرق

  2. هلا ومرحباا بأول من تزورني (F)

    الله يسلم قلبك .. شكرا على تشجيعك الدائم لي ..

    أبشررك نزل هالشهر شوفي صوره توني حطيتها 🙂

    منورة ياتوابل

  3. مبدعه مبدعه مبدعه .. ماشاء الله تبراك الرحمن..
    والله إني اتمنى لك الخير والأفضل في حياتك والله يوصلك لأفضل مماتتمنين..
    تصدقين ياهوني اول ماافتح جهازي اول موقع ادخله مدونتك
    لازم اشيك عليها واشوف الجديد فيها
    ودورة غير لي حياتي الله يخليها في موازين حسناتك غيرت كثير فينا
    ارسلتها لخواتي وصديقاتي عشان يستفيدون منها ..
    عساك عاقوه ياهوني 🙂

  4. أمم أنا أول مره أرد عليك لأني حبيت أشكرك علي كل شئ سويتيه…أنا كنت متابعه لك من خلف

    الكواليس في الإقلاع وفي المدونه إلي قبل مواضيع تفتح النفس تحمس يعني تترك أثر في

    نفسي …وأتمني إنك تستمرين في هذا العطاء والله يوفقك ويحفظك من كل شر وتوصلين

    لمبتغاك..وماتغبين علينا كثير تراك توحشينا

    ثقي أنني دوما هنا..

    • ياهلا وغلا بدمعة منورة ..

      تعرفي من الأسباب اللي خلتني افتح هالمدونة عشان ابغى اشوف اللي خلف الكواليس 🙂

      ربي يسعدك على هالدعوات ياقلبي ودايماً بكون انتظرك ^.-

  5. بسم الله عليكِ .. ما شاء الله عليك .
    من جد الله يحفظك : )
    مدونة جَميلة جداً استمتعتْ بالتحليق فيها ,

    تمنياتي لكِ بالتوفيق =)

  6. عــآأآإرفــهـ هوني ،، انا للحين مو مستوعبهـ انت حتقرين كلامي ..
    قااعده انطط من الفرحـه =) =) ..

    ربي يحميييك من كل شر يالغلا .. من جد اقـوول لك انتي ” ابداع / تميز / دلع / انوثـهـ / ذوق / ذكاء / ترتيب / تنظيم / باختصاار ” مميزة” ” .. ” ما شاء اللـهـ ” ..

    انا متابعتك من فتره بس اول مرا اتجرأ ارد .. ياااااي ما تتخيلين قد ايش مستانسـهـ .. شكلي باخذ ع ـالجو p: < بدت تمـون 😀 ..

    لروحك الحلوة .. (F)
    بس يا ليت تظيفين بوكس للالوان < حست بكابـهـ من الاسود 😀

    • اهلن stylish ^.^ ..

      احرجتيني بكلامك .. انا بنوته زيي زيكم ترا

      تعالي داايما وخذي عالجو البيت بيتك ياقمر ..

      أما بوكس للألوان >_< لاتحرجيني لو سمحتي 🙂

      منورة 😉

  7. ماشاء الله تبارك الله ,

    ربي يحفظك ياهوني ويكثر من امثالك ,

    من جد الواحد يفرح لما يشوف نموذج مثلك ,

    لاتحرمينا من الدورات , كل شوي نزلي بارت

    وفيه اجزاء الصور ماطلعت ياليت تضبطينهم اذا قدرتي :$

    احوبك يابت :$

    • اهلاً بدور ..

      الله يسلمك ويسعدك ياقلبي على هالكلام 😮 ..

      قوليلي أي بارت موطالعه صورة عشان ازبطه 😉 ..

      نورتي بدور ^.-

  8. .
    .

    مرحبآ هني ..

    المدوونة مشااء الله تووحفة وحلوة وكل شي
    سعيده جدا اني وصلت لها ^^
    وبما اني بنفس عمرك .. حسيت بالانتماء هنا
    وان شاء الله رح اضيفك لقائمة المدونات اللي اتابعهاا

    اتمنى لك التوفيق 🙂

    .
    .

  9. يآآبخت صاحباتك فيــك .. من جد انتي روعة ..

    انا مررة مبسوطة اني تعرفت عليك وشفتك عن قرب .. من بعد ماكنت اتابعك في النت

    طيبة قلب .. بسم الله عليك .. وروح ملآك .. ووجه قمر

    استمري وانا دااايم جمبك اشجعك واتمنالك كل الخير .. الله يسعدك دنيا وآخرة ..

    زين حطيتيلنا مساحة نعبر لك فيها يختي ..

    وبانتظآآر كتآآبك على أحر من الجمررر .. ترا مانسينا لسا ! 😉

    يعطيك العافية حبوبتي ..

    • اهلييين وسهلييين ..

      انا اقول وش هالنوور .. أثره من اللولو !!

      ياحبيلك .. انا المبسوطه اني شفتك ولو انها كم ساعه 🙂 ..

      شكرا على كلآمك ماعرف ايش ارد عليك 😮 .. الله لايحرمني منكم ومن تشجيعكم

      أما الكتاب ..

      مدري 😦 بديت اتردد .. مع ان ماما دااايم تهاوشني تقول اخلصي علييينا

      من سنتين وانا اقولها عنه >_< ..

      ادعيلي بس .. وان شاء الله الصيف ابدأ أدور على دار نشر وانسق المحتوى وازيد عليه

      الله يسعدك .. فرحتيييني بطلتك هذي .. وان شاء الله اشوفك قريب 😉

  10. مرحبا هنّو
    بس حبيت أستفسر كيف عملتي مدونتك عالوردبريس ؟ يعني فيه موقع أو موضوع معين علمكي كيف تسويها ،
    جورت بقوقل ولا لقيت شئ .. والبلوقر مرة غبي و بدائي خخخ ،
    شُكـراً

    • .. شوفي في شي على جمب مكتوب Apperance

      وتحته custome Header اضغطي عليه وبتلاقي تغيير الصورة وحذف النص اذا تبغي ..

      .. وعشان تضيفي لنفسك صورة ..

      روحي لـ حسابك تحت ( الاعضاء )

      بتلقي change ur gavator حملي الصورة واختاري شي كبير ..

      بنفس الصفحة روحي تحت بتلقي فراغات ومن بينهم ( الموقع )

      هنا حطي رابط المدونه عشان يجي مع اسمك علطول 😉

      ونصيحة لاتنشري مدونتك الاا من بعد ماتكمليها وتكون مرره اوكي !!

      اي خدمه انا حااضرة ياقلبي

  11. هوني..

    معجبه بك بـ حجم آلسموآآت..

    رآقيهـ.. مثقفهـ .. + تفكييرك آلآجآبي ..

    كل مآينثر هنآ ..[يروق لي وبـ شدهـ ..

    وآصليــ .[ وضع بصمآت التمييز..

    .
    .
    وكوني متيقنهـ آني ..[ متآبعه لك وبـ عنف ..

    .
    دمتٍ بـ نقآء..

    .
    .
    آمنيآت القلب لك بـ توفيق لآ يفنى ..

  12. السلام عليكم

    كيفك ريم ان شاء الله تكوني بخير

    بصراحه انا مو مسجله باقلاع سوفت بس كنت ابحث عن شي بالنت وطحت بموضوعك وقريت كل البارات ماتعرفين قد ايش استفدت خصوصا ان الاجازه باديه وعندي اشياء كثير ناويه اسويها

    انا مره معجبه فيك وفي اسلوبك من جد انتي بنت مبدعه وقليل الي مثلك والله

    اتمنى تستمرين في عطائك وربي يسعدك ويسهل لك كل صعب يارب

    وياليت تقبليني صديقه لك من جد محتاجه لوحده مثلك

    • وعليكم السلام ورحمة الله وبركاته ..

      جيتي والله جابك .. الحمدلله طلَيتي علينا صدفة 😉

      وانا سعيدة أنك لقيتي الموضوع .. ويارب تلاقي فيه الفايدة ..

      الله يسعدك ويوفقك لمخططات الصيف .. وعاد بشرينا ايش انجزتي ..

      واكيد أقبلك صاحبة ليش لأ !! حياك بأي وقت 😉

  13. السلام عليكم

    اهلين هوني

    يالبآ قليبك شي يشرف آنك سعوديه =)

    من جد واللهي تفكير ومنطق يخليني جد افتخر فيك

    استمرررري ياغلاتي ودوووومز متآبعه لك

    والي شدني مدونتك لهآ نصيب كبيييير من الاطلاع والفائده

    مومثل مدونآت الوآحد يسرد حياته =( من جد مصآآآآآله

    وانتي مثلي في شغله احب اي شي فيه تطوير لذآت ^ـ^!

    سلام قلبوووو

    • يا هلا منو منورة ياقمر ..

      والله السعوديات فيهم الخير والبركة بس وينهم مايشتغلوا على نفسهم 😦 ..

      يشرفني مرورك دايم ^.^

  14. مرحبآ يآعسسوله ~

    بس حبيت آستئذنك آنقل الدوره / غير لي حيآتي /

    حقتك في مدونتي عشششآن يستفيد الجميع منهآ 😉

    آتمنى موآفقتك 🙂

    وشكرآ

  15. ماشء الله عليكي رائعة

    اعجبتني بداياتك وانشاء الله تصلين لما تطمحين

    تحياتي لك ولوالديكي

    وهنيئا لهما بكي

  16. ماشاء الله مدونتك اكثر من رآئعه (l)

    استمتعت كثييير وانا اتصفح =) ..

    تمت اضافة المدونه للمفضله ^^ ،

    شكراً لكِ (L) ..

  17. السلام عليكم ×

    الصراحة مدونة ما شاء الله تبارك الله
    اعجبتي كتاباتك, استمري في طريقك الى التميز 🙂

    بس عندي سؤال يتعلق بشي ثاني تماما
    اتمنى ما تمانعين
    بس حبيت اسأل عن نظام التفعيل في منتديات الاقلاع
    لاني مرررره ما فهمت شي ههههههه
    سجلت وحطيت موضوع في “فعلوني”
    واول كان اسمي رصاصي والحين ازرق… هذا يعني اني تفعلت صح؟ *وجه confused*
    بس وبعدين وش يصير؟ 😦 لاني قريت انه لازم اكتب موضوع او شي؟
    احس اني ضااايعه
    اتمنى تساعديني وسامحيني على القطة (F)

    • وعليكم السلام والرحمة ..

      ياا هلا فيك يافلور ..

      بالنسبة لسؤالك عن التفعيل ..

      ايوة لين صار لونك ازرق وانكتب تحت اسمك عضو توه جديد .. معناته تفعلتي ;)..

      وشاركي بالأقسام عاادي ..

      هذاك من أول لازم الواحد يكتب موضوع عشان يتفعل 😀 ..

      اهم شي تقري قوانين كل قسم عشان ماتخالفي وتتوقفي ..

      حياك الله بيننا =)

  18. والله ياهوني مدري كيف اشكرك بس بالبداية باشكر ربي الله خلاني اتعرف عليك بالصدفة
    تعلمت منك اشياء جديدة ورجعتيلي بذاكرتي اشياء كنت اسويها ومتعودة عليها ونستيها
    وثبتيلي بعقلي طرق اسويها بس ماكنت مقتنعة فيها اذا كل الناس تعمل مثلي والا لا

    الله يجزاك خير يارب وتذكري امل
    << مدونتك بالمفضلة عندي
    وياليت اعرف منك كيف انشئ مدونة واكون ممتنة لك

    • يسعد قلبك يا امولة، الحمدلله من قبل ومن بعد =)

      الحياة لاتنسيك الأشياء الممتعة اللي كنتي تسوينها ، عشان ماتفقدين الروح الحلوة 😉

      طريقة انشاء المدونة تلقينها بردي فوق على صبا

      منورة دائماً

  19. أهلين هوني ||
    بصراحـه مرره معجبتني كتاباتك وترتيبك .. دآيم ذوق ما شاء الله 😉
    و أحلا شئ تابعته لك ||دوره غير لي حياتي ||
    يآليت لو تسسوي لنا دورات ثآنيه 😀

    وششكرااااااان (F)

    • شكرا ياسمية على لطافة كلماتك 😉 .. يسعدني وجودك بالقرب

      دورة ثانية .. ما اعتقد راح اعمل .. لكن بسوي شي أحلى منه ان شاءالله 😉

  20. رائعة … مبدعة … مميزة

    ماشاء الله عليك

    والله يكثر من أمثالك

    كتاباتك الهمتني اشياء كثيرة

    شكرا لكـــ هوني

    • اهلا ميونة ..

      ااسفة عزيزتي تأخرت عليك بالرد 😦

      من لوحة القيادة .. تروحين لقائمة المظهر

      بعدين تضغطين custume header

      وتغيرينها من هناك =)

  21. مـرحبآ هوني :$

    ماشاء الله تبارك الله مبــدعه كما عهدناك :$

    ابغى اسالك اذا فيه طريقه نتواصل معك عندي كذا اقتراح لك بخصوص المدونه :$ :$

    .. ! ~

  22. هوني الغالية….

    بصراحة أغبطج على شخصيتك الجذابة ، والإيجابية دايماً…

    حبّيت شخصك كثير ، ومن تابعت مدونتج وأنا بودّي بشي شبيه،

    والحمدلله ربي يسّر لي وسويت مدونة ،

    وأتمنى توصل لقوة مدونتج ، وقوة تأثيرج !!! ما شاء الله تبارك الرحمن!

    وياريت تشرفيني يالغالية…

    وأتمنى أتعرف عليج أكثر ، وأمنيتي نتقابل بيوم من الأيام بإذن الرحمن !

    في أمان الكريم وحفظه يالحبيبة 🙂

    أختج : أميمة – من قطر 3>

    • يا هلا بأميمة ، هلا باهل قطر الغاليين

      حبيبة قلبي انتِ ، شهادتك اعتز فيها

      ماشاء الله عليك شفت مدونتك ، وتدويناتك الراقية ..

      استمري على هالطريق 😉

  23. يسعد لي : صباحـــك / مسائك

    ويعطيك العافيه ع المدونة الاكثر من رائعه

    أهنيك ع روحك النقيه

    وعلى شخصيتك المميزة

    عن جد حابه اتعرف عليك اكثر

    اذا ممكن عن طريق المسن 🙂

  24. مسائك خير : )

    ما شاءالله جذبتني مدونتك بكل حاجة فيها ،،

    من جد مبدعة ربي يحفظك ،

    واعجبتني دورة حياة اللي قلتي عنها وأرسلت لهم بس ماأدري هم يردون بسرعة والا لا ؟؟

    وألف شكر لكِ عزيزتي Honey

  25. اهلين هوني اخبارك وحشتيني

    ان شاء الله انك بصحه وعافيه
    ممكن طلب لاهنت فالصيف
    حطيتي لنا قائمة كتب
    اناشخصيا ماقدرت اشتريهم لان
    لازم احد قاريهم وعارف شنو موضوع المحتوى
    ياليت تتكلمين عنهم باختصار
    وشنو اللي فادك وشنو اللي ندمتي عليه ><
    انا احب الكتب اللي سردها قصصي بس تطلع بمعلومه
    مو روايه يعني
    وجالسه اسوي قائمة لسنه الجديده ان شا الله

    اجازة العيد بستعد للاختبارات الشهريه =(

    • هلا فيك منو ..
      اول شي ااسفة مليون اسفة ع ردي المتأخر ‪:( سامحيني ‬..

      الكتب اللي قريتهم في الصيف من قائمتي و اللي حبيتهم :

      العطر – باتريك زوسكيند
      من أجمل أجمل الروايات اللي قرأتها، سردها بسيط وسلس
      تتكلم عن ولد تربى في الملجأ.. وعنده حاسة شم غير عادية ..
      ويميز الروائح من بعيد.. يشتغل عند مُصنّع للعطور .. ويساعدة ويبدأ يبتكر انواع للعطور .. لحد ما يقرر يصنع عطر بشري ماعمره صار في الدنيا …
      في الرواية يقولولك تفاصيل تركيب العطور وانواع الروائح ..
      والقصة مجنوووونة ماتتخيلي كيف نهايتها .. مررة ممتعة الرواية

      و كتاب قراءة القراءة لـ فهد الحمود

      يتكلم عن انواع القراءة .. وكيف تقرأين الكتاب قراءة فاعلة
      جميل محتواه .. اعطيه ٤،٥ من ٥

      رواية أبناء العم توم
      سيــــــــئة بمعنى الكلمة ، الترجمة حرفية واخطاء املائية لين بكرا 😦
      ندمت اني قريتها

      قوانين النهضة لـ جاسم سلطان
      هو كتاب معلوماته ثقيلة شوي، يتكلم عن النهضة بالأمة.. واختيار الفكرة المركزية المحفزة ، القوة الدافعة ، التدافع ، التداول ..
      المحتوى مو أي احد يقدر يستسيغة.. حتى بالقوة ابي اكمله مع اجزاءه الباقية .. ولسا ما جاه الدور ..
      اعطيه ٣ من ٥

      the 6 impotent decisions you’ll ever make
      by : sean covey

      روووعة هالكتاب .. ماقدرت اتركه من يدي .. لغته بسيطة واسلوبه مشوّق
      يتكلم عن الـ ٦ القرارت اللي يواجهها المراهق في حياته ..

      school – friends – parents – dating – addictions – self worth

      صحيح انه في فصلين مايناسبونا .. اللي هو dating & addictions
      لكن الكتاب عموماً رائع ويستحق القراءة

      المجموعة النصية : الموت يأخذ مقاساتنا – عباس بيضون
      شخصياً مايعجبني هالنوع من النصوص .. كأنه طلاسم ماينفهم ..
      ما انصحك فيه

      باقي كتابين : مع الله ، و الجنة في بيوتنا
      لهالوقت ماقريتهم .. لكن متأكدة انهم لايعلى عليهم ‪;)‬

      الكتب الثانية لسا ما قريتهم .. والسبب عشان يوم سافرت رحت المكتبة وشريت كتب غيرهم .. واجلت قرائتهم ‪;‬P

  26. شهآدتي فيك مجروحة يآهوني ..
    عن جد أنتِ شخصية في غآية آلجمآل ..
    لله درك من فتآة ..
    وكل عآم وأنتِ بخير بآلعآم آلجديد 1431هـ ..

  27. السلام عليكم ..
    كل عام و انتِ بخير \ عزيزتي ..
    مدونة جداً رائعه .. أستفدت الكثير منها ..
    هل يمكنني عمل تباد إعلاني معكِ .. ؟
    فـ إذا نعم .. فهذه هي مدونتي ..
    http://eldanah.wordpress.com/ ..
    سوف اُضيف مدونتكِ ، ايضاً 🙂 ..
    شكراً لكِ على هذه المدوه الرائعه .. ^^

  28. أسلوبك في تقديم صورة للتدوينة
    أعجبني
    هل جميعها لقطات من كاميرتك!
    ما هو البرنامج الذي تستخدميه في إخراج الصورة؟

    شكراً

      • رائع إنتاج الفوتوشوب
        و لا أظن الفوتو إمباكت يبعد كثيراً عن الفوتو شوب
        أحب زيارتك في فضائي
        و أخبريني برأيك
        تحياتي

  29. إبدآآآع , ماآآشآآء الله ,,
    مدّونة جميلة , كشفت عن شخصية تحمل روحآآ رآآآقيه ,,
    أقنعتيني أسوي أشيااء كثيرة رأآآآح تغير نمط حياتي من كلامك الهووني ياهووني
    بالمناسبة ,, قريبا إن شاء الله بسووي مدونة <<<— غاارت !
    استمري حبيبتي ,
    موفقّة ,|
    ومسددة // ~
    وومعآآآآآآآآآنة بإذن المولى !

    • اهلا سو كيوت ، اخجلتيني بكلامك والله *=

      يارب اكون عند حسن الظن ^.^ ، يللا بانتظار مدونتك !
      يازين الغيرة اذا هذي عمايلها ‪;)‬

  30. هآي هني … كيفك ؟

    ماشااء الله عليييك .. من متابعينك بس من خلف الكواليــس ^_^

    << يااكثرنا يلي من خلف الكواليس..

    امم حابه اسالك عن شغله من زماان الاااا وهي..

    كيف طورتي لغتك الانجليزيه ؟

    ماشاءالله عليك ملاحظه لغتك بااين مره كويسه ..

    انا احب الـ E ..

    ومجرررد ما اتخيل اني اقراء كتب انقلش ولا اتحدث انقلش بطلاقه وثقــــه!! انبسسسط!

    حابه اخلي الخيال واقع ! ب الذات اني فاضيه هالفتره !

    اناا اعشششششششق الانقلش مو بس احبه !

    بس ماني عارفه كيف اطور لغتي من دون ممارســــه !

    وش رايك ؟؟؟

    جداً يهمني

    مراا شكــــراً مقدمـــاً ^_*

    والله يوووفقك
    ويعطيك العااافيه ^_*

    << ع فكره مالقيت مكاان اسال فيه الا هناا خخخ

    (F)

    • هلا شوشو ، حمد الله انا بخير ونعمة ..

      يازينكم ياللي خلف الكواليس ، ليه ماتطلعولي طيب 😦

      ياطويلة العمر ، طورت لغتي بإني قضيت ترم كامل بقراءة كتب انجليزية

      فيه كتاب يدرسونه بأول سنة بالجامعة .. وانصح فيه مره ، اسمه

      English vocabulary in use
      pre-intermediate & intermediate
      second edition , by : Stuart Redman

      موجود بالمكتبات الكبيرة .. سعره ١٣٥ ريال

      هذا الكتاب سهل وفيه كل شي تحتاجينه ، الافعال و الكلمات اللي تستخدمينها بحياتك اليومية

      كنت يومياً ادرس نفسي فيه، أقرأ بصوت عالي عشان انتبه للآكسنت
      و أخطط عالكلمات الجديدة واحفظهم بنوته ..

      ‫.‬، وكنت اقرأ قصص الفيري تيلز حقت الاطفال الطويلة ..
      بصوت عالي واترجم الكلمات اللي ما افهمها

      والحمدلله مررة تحسنت لغتي،
      حتى المس الامريكية اللي تدرسني بسلطان استغربت
      تقول انتي متخرجة من مدرسة حكومية ومع ذلك مستواك عالي

      قلتلها انا أقرأ كثير .. قالت قولي كذا من اول !

      حتنفع معك هذي الطريقة ان شاءالله 😉

  31. مرحبا هوني
    جزاك الله كل خير
    ادعيلك من كل قلبي
    انا ماعرفت مدونتك الا قبل اسبوع
    وماتصدقي قد ايش تغير فيني كثير كثييييييير كثيييييير
    رغم اني اكبر منك بكثيير بس استفدت مررررررررررررررررررررررررررررررررررررررررررررة
    عن جد الله يعطيك العافيه وشكرا شكرا شكرا

    على فكرة انا مغرمه بمجله حياة وعاشقه لها ولكل كاتباتها
    يسلموو

  32. إلى من قطف الإبتسامة
    وطبعها على أحزاني
    إلى من علمني هندسة العبارة
    وكسر حواجز قلمي
    إليك أرسل تهنئتي و أقول
    كل عام وإنت طيب ياغلاي
    شمعة أعيادك عسى دايم تنير
    مثل مانورت بوجودك سماي
    قلووب وروود تورتة 🙂

  33. كــل عــآم والسعـــاده تملأ قلبكِـ هوني

    وألف مبآرك , حققتــي حلمكِ وهو وضـع بصمتك قبل سن العشـرين ^^

    بصمتي بصمـةً لن تُمحـــى في قلوب الكثيرين , مآشآء الله تبارك الله

    جعل الله قلبكِ سعيـداً دومـاً , و أسـأله أن يجعل التوفيـق الدآئمـ في دربــكِ ,

    ننتـظر كتآبكِ بـ فــــــــــارغ الصبر

    محببببببتك [ الدآعية لكِ بكل خير ]

    نـــوفــآآ

    • ماتدري قد ايش كلامك يانوفا اثر فيني ،،
      لاني ماتوقعت اني حطيت بصمة في حياة احد 😦 وكنت كئيبة شوي

      الله يسعد قلبك ويوفقك

  34. كل عام وانتي بالف خير وسعاده
    كل عام وانتي طاقه ايجابيه تنفعي غيرك فيها
    هوني حبيبتي عيشي اجمل سنوات عمرك من 20 الى 30
    تعالي شوفيني اللحين انا اللي صدق عجزت خخخخ كلها كم سنه وادخل الثلاثين
    يااارب تقبل منا اعمالنا واكتب لنا الصلاح والتوفيق في القادم
    دمتي بود
    مدام فوشي

    • كل عام وانت بشبابك وصحتك يا فوشي 🙂

      غيرتيلي رأيي .. تفائلت بالسنين الجاية .. ان شاءالله انها تكون أحلى سنوات عمري

      الله يوفقك ويكتبلك السعادة =)

  35. مراااحب هوني
    كيفك ياحلوة ؟؟؟
    حبيت اقول لك اني احبك في الله ( فيس مستحي^_^ )
    وهذا ثاني رد لي هون ,,
    تعجبني كثير مدونتك و كتابتك لاني القى فيها اشياء كثير تعجبني
    مثل مواضيع مجلة حياة اعشقها هذي المجلة و الكتب اللي تكتبي عنها
    وبرضو لقيت موضوع مقابلة احمد الشقيري بعد تعجبني كثييير شخصيتة وتفكيرة
    وهو من الاشخاص الللي فعلاً غيروا اشياء كثيرة في شخصيتي وافكار كثير حلوة لقيتها بمواضيعك
    الله يجزاك كل خير ,,,

    انا الحمدلله هذي السنة حددت اهداف ان شاء الله ربي يساعدني على تحقيقها
    من اهذافي اني اطور لغتي الانجليزية بنسبة 30 % على الاقل =)
    فممكن إذا حدا عنده نصيحة لي و تفيدني اكون ممنونة لهــ
    شكراً بحجم السماء =)

    • ياهلا روزا .. حمدالله انا تمام ياستي 😉

      الله يسعدك على كلامك .. يارب

      :

      تطوري لغتك بالقراءة المستمرة وترجمة الكلمات الجديدة

      بنسخلك ردي لـ SHOSHO كتبته فوق

      طورت لغتي بإني قضيت ترم كامل بقراءة كتب انجليزية

      فيه كتاب يدرسونه بأول سنة بالجامعة .. وانصح فيه مره ، اسمه

      English vocabulary in use
      pre-intermediate & intermediate
      second edition , by : Stuart Redman

      موجود بالمكتبات الكبيرة .. سعره ١٣٥ ريال

      هذا الكتاب سهل وفيه كل شي تحتاجينه ، الافعال و الكلمات اللي تستخدمينها بحياتك اليومية

      كنت يومياً ادرس نفسي فيه، أقرأ بصوت عالي عشان انتبه للآكسنت
      و أخطط عالكلمات الجديدة واحفظهم بنوته ..

      . ، وكنت اقرأ قصص الفيري تيلز حقت الاطفال الطويلة ..
      بصوت عالي واترجم الكلمات اللي ما افهمها

      والحمدلله مررة تحسنت لغتي،
      حتى المس الامريكية اللي تدرسني بسلطان استغربت
      تقول انتي متخرجة من مدرسة حكومية ومع ذلك مستواك عالي

      قلتلها انا أقرأ كثير .. قالت قولي كذا من اول !

      حتنفع معك هذي الطريقة ان شاءالله 😉

  36. السلام عليكم
    حلوه فكره المجلس
    هوني كيفك يا حلوه ؟
    الا بغيت اسالك
    انا توي مسجله في منتدى الاقلاع ونزلت موضوع في قسم فعلوني بس ما اقدر ارد ولا انشر مواضيع ليه ؟
    وكمان يا حلوه
    انا دوبي مسويه مدونه
    وصراحه متردده وفي راسي مليون فكره بس مش عارفه من وين ابدا ولا كيف وش تنصحيني بحكم خبرتك بهذا المجال ؟
    وبس وعسى نصير اصدقاء يا غلاتي
    من جد حبيتك لله لي فتره وانا اتابع مواضيعك في الاقلاع
    ويعطيك ربي الف عافيه

    • وعليكم السلام والرحمة ياهلا بهمس 😉

      اقلاع .. استني لين يجي التفعيل من الادارة 😦 هم كل مدة يفعلون مجموعة

      :

      مدونتك

      أهم شي تكوني على سجيتك في الكتابة ، وعلى طبيعتك

      لاتتكلفي .. ولا تكتبي أشياء محد يستفيد منها

      مثلاً في مدونات تدخليها تحسي انها عالم خاص بالشخص نفسه مالك دخل فيها

      يا اما يكون كاتب مذكراته الشخصية او كلمات اغاني ..

      فـ مافي شي يجذب القارئ ! ..

      اوكي اكتب مذكرات بس مايكون طابع المدونة كلها على نمط واحد : )

      :

      شوفي المواضيع اللي نفسك تتكلمي فيها . واكتبي

      التدوين بسيط جداً وممتع .. لو كنتي بطبيعتك من غير ماتتقمصي شخصية أحد

      😉 ربنا يوفقك !

  37. مرحبآ هوني
    كيفك = )
    إن شاء الله تكوني كويسآ

    آممممممممم
    ودي آطلبك طلب
    بس إن شاء الله ما اضايقك
    ابي انشأ مدونة
    و مره مره ما عرفت = (
    حاووووولت مية مره و طفشت
    عشان كذا حبيت أسألك :$

    بس :$

    • هلا نانوو .. الحمدلله انا بخير عساك بخير 🙂

      الطريقة ان شاء الله انها سهلة

      ادخلي عالفيديو هذا

      واتبعي الخطوات وحدة وحدة

      وبيكون عندك مدونة !

      ــــ

      هذا الكلام اقريه بعد ما تسوي حساب

      * لتغيير الصورة اللي فوق ” الهيدر ”

      روحي للوحة القيادة

      .. شوفي في شي على جمب مكتوب Apperance

      وتحته custome Header اضغطي عليه وبتلاقي تغيير الصورة وحذف النص ..

      * كيف تضيفي لنفسك صورة رمزية ..

      من لوحة القيادة ..

      روحي لـ حسابك تحت

      ( الاعضاء )

      بتلقي change ur gavator حملي الصورة واختاري شي كبير ..

      * كيف تضيفي رابط مدونتك لإسمك

      بنفس الصفحة روحي تحت بتلقي فراغات ومن بينهم
      ( الموقع )

      هنا حطي رابط المدونه عشان يجي مع اسمك علطول

  38. هاي هني
    كيف حالك , ان شاء الله بخير

    ودي تكتبلي اسماء الكتب باللغة الانجليزيه غير three cups of tea

    الى الامام دوما

    • اهلين وسهلين نهى 😉 .. شوفي ياقمر ..

      The 6 Most Important Decisions You’ll Ever Make
      by: Sean Covey

      سعره ٦٥ يستاهل كل ريال فيه ..

      من ابسط اللغات وامتع الكتب كله رسومات واشياء funny

      بيقولك عن الجامعة ومستقبلك وعن مجتمع الاصدقاء
      والقرارات اللي بتتخذينها بحياتك

      :

      فيه كتب تجنن ، انا طحت عليها من جرير ..صادرة عن
      (Sunscreen)

      وصديقتي مسكينه دورتها ومالقتها

      شوفي جرير فرع العليا انا خذتها من عندهم

      الاول :

      When Life Stinks:

      How to Deal with Your Bad Moods, Blues, and Depression
      (Sunscreen)

      وهذا

      Don’t Be Shy:

      How to Fit in, Make Friends, and Have Fun-Even If You Weren’t Born Outgoing (Sunscreen)

      الواحد بـ ٢٨ ريال .. مسوين عليه خصم

  39. مساءك معطر بنشوة الحياة والحماس والانجاز ..

    بصدفة ما وجدت مدونتك في موضوع لمُدوِنة كتبت عن مدونات غيرت حياتها .. ووجدتك ضمنها ..

    اطلعت على هذا المكان ومن ثم بحثت عنك اكثر وقرأت لك مواضيعك في الاقلاع ..

    كنت بحق أجمل ما يمكن للفتاة أن تكون عليه ..

    احساس رائع يبعث في قلبي وروحي وعقلي نشوة الحياة وحبها فور قراءتي لكتاباتك ..

    لم اطلع بعد كثيرا في مدونتك ولكني متأكدة انه بجودة نتاجك في الاقلاع الذي اثر في كثير من البنات وغير اسلوب حياتهن الى الافضل ..

    انتي انسانة مميزة يا هوني .. وهذه من نعم الله وفضلها ..
    لا املك ان اقول سوى

    جعلتني اشعر انك شقي الاخر وكأنك تقرأين لأفكاري وتفهمين اعتقاداتي للحياة تماماً ..
    كانك نصف اخر مني .. لذا احببت كل شيء هنا ..

    هوني .. تحية من القلب لك ولروحك النقية 🙂

    أختك
    الريم الناصري

    • مسائك ورد ومسك يا الريم .. سميتي 🙂

      إذا يالها من صدفة جميلة جمعتك بي هنا في المدونة 😉

      سعيدة جدا جدا جدا .. بما قلتِ أعلاه ،

      ربنا يسعدك ..

      أتمنى وجودك دوماً في متصفحي ياجميلة =*

  40. أهلين هوني..
    شخبآرك أن ششاء الله تمام
    لا أنا وحده من أشد معجبيك ياحبوبه وأنا أشهد أنك بنت مو أي بنت الصراحه كنت متابعتك بآقلاع سوفت وبمدونتك وكانت عندي باالمضله دورتك كانت من اجمل الدورات الي قريتها واسلوبك جدا جدا راااائع أهنيك بنفسك ماشاء الله تبارك الرحمن حببتيني باالقراءه وكل شي أشكرك من اعماااق قلبي ولك دعوات في ظهر الغيب وأستمرري استمرري في ابداعك وانا اول مشجعيك .. وبليز الكتاب حنا بأنتظاره لاتتأخرين ولا حتى تترددين..
    تحياتي لك (Rawabi)

    • ياهلا روابي ..

      حمدالله انا بخير ، انتي كيفك 😉

      الله يسسعد قلبك على هالكلام آتمنى اكون عند حسن ظنك .. اعتز بشهادتك فيني :*

      ياحبيبة قلبي انتي .، ممنونة لك =*

  41. السلام عليكم
    كيفك هوني
    الله يحفظش ويخليش لاهلش
    بغيت اطلب منش طلب تقدري تخصصي تدوينه لملخصاتش في ثالثه ثانوي
    انا قريت موضوعش تبع ثالث ثانوي والجامعه
    انا الخص بس لما الخص اوصل في النهايه ما ني فاهمه حرف<<الأخت ما عنها سالفه في الترتيب
    لك جزبل شكري

    • وعليكم السلام جلنار ، ^.^

      الملخصات ماقدرت آتقنها من اول مره .. ماكنت اعرف اش احذف وايش المهم وكيف اصيغ الأسئلة

      اول مابديت كنت الخص بنفس يوم الامتحان .. ويضيع الوقت بالكتابة ومايمدي احفظ شي

      بعدين تعلمت الدرس ..

      وسرت الخص لما تكون عندنا اختبارات دورية استغل الفرصة

      الخص الفصل اللي علينا فيه الاحتبار ، واذاكرة ..

      ولو ماكان فيه اختبار دوري .. كل اسبوع امسك المادة والخصها بملف خاص فيها

      ” اسويهم عالوورد ” بعض المواد مثل الرياضيات و الكيمياء اكتبها بيدي

      والحمدالله ماتجي نهاية السنة الا وانا مختمة الملخصات وكل شي جاهز

      واذاكر وانا مرتاااحة 😉

      جربي هالطريقة

  42. مرحبا 🙂
    كيفك هوني ؟
    ماشاءلله علييك جدا مبدعه وكلش ..
    انا ماعندي ﻻ استفسار وﻻ شي بس مره حبيتك من الاقﻻع ومن مدونتك من زمان وانا اتابعك بس انشغل ..
    وكل مره برد بس اقول مايحتاج 😀
    انا جدا معجبه بشخصيتك ماشاءلله مثقفه ، مبدعه ، وكلش ..
    تمنيت اننا نكون صديقات =)..
    الله يوفقك ..

    شهد

    • هلا ومرحبا شوشو ..

      حمدالله انا منيحة انتي كيفك ؟ 😀

      يسعدني تكوني صديقتي .. وافرح لو تزوريني دايم ^.^

      الله يسعدك على كلامك الطيب.. ; )

  43. هوووووني
    بششريني وش صار ارسلوا لك الرد ولا توهم 😦
    اقصد المسابقة (غراس) 🙂
    اسمعي عاد ترى الجائزة بيني وبينك هذاني قلت لك ؛)

    ههههههههههّ
    انتظرك باي مطعم بهذي المناسبة 🙂
    ترى الحساب عليك

    <<بدت السوالف

    • اهليييين ،، اييه ابشررك انا اللي فزت ورحت أخذت الجائزة 😀

      مكتبة جرير سبقتك و قضيت فلوسي هناك خخخخ 😀 ..

      من اول طلعة بح 😦 قضى كل شي .. وكنت ناوية اجمعها واشتري اي فون 😦

      بس شكله احلام سعيدة 😛

  44. \
    /

    الســلآم عليــكم ..
    كيف الحــآآل عزيزتي .. ؟
    مدونة رآئـعه =)
    اُريد أن أسألكِ سؤال ، لكنني متردده بعض الشي
    امممم ، كيف يمكنني نشر مدونتي ..
    قمت بإنشائها منذ مده / و لكن ليس هناك أي زائر =(
    الأمر يحزنني ، فـ فكرت في حذفهــآ ; لكن سرعان ما اتراجع
    لا أعلم ما هو السبب ..
    أتمنى أن أحصــل على الجــوآب ..
    ………………………………… { دمتي متألقــه ؛

    • وعليكم السلام والرحمة ياريمان ..

      انا بخير يارب لك الحمد ، ^.^

      البداية متعبة بعض الشئ .. و تواجد الزوار القليل قد يحبط كذلك 😦

      من المهم ان تتحلي بالصبر ،، وتحرصي على كتابة مايجذب القراء ..

      واحرصي على كتابة مواضيع من بنات افكارك ..

      قبل كتابة التدوينة اسألي نفسك دائماً .. هل التدوينة مناسبة للقارئ ؟ تلامس شئ فيه ؟

      هل انا اتحدث عن نفسي فقط ؟ او اتحدث عن شئ مشترك بيننا ؟

      :

      لنشر مدونتك .. كوني دائماً على تواصل مع اصحاب المدونات الأخرى

      فالعابر من هناك سيمر على موقعك .. ومن الممكن ان تكسبيه زائراً 😉

      .، ايضاً إن كنتِ من رواد المنتديات فأسهل طريقة وضع رابطك في التوقيع

      أتمنى لك التوفيق ولا تيأسي ياحُلوة 😉 مدونتك جميلة وفي طريقها للإبداع !

  45. مسآء الفل والورد لكل المارين من هنا ~

    مسائكم احلى مساء يطلُّ علينآ من بين شرفآت عآلمنا الصغير ,

    مسآئكم صــافي كـ صفآء اذهآنكم 😉
    ::

    { حبيت امسي عليكم باستغلال فرصة اني مروقه اليوم 😀
    << تطبيق تعزيز العقل الباطن 😛

    • اهليين وسهليين .. صباحك لوتس –{@

      حياك الله ، ويارب دوم نشوف هالوجه الرايق يطل علينا ^.^

      تعجبيني في التطبيق 😉 .. عقبالي 😀

  46. السلام عليكم
    كيفش يا بنت الاجاويد؟؟
    انا ما يمديني اقرا دورتش وانا عالنت
    وعندي اقتراح
    وش رايش تسوين الدورة على ملف pdf
    ولك مليون ترلليون شكر

  47. مشكووووووووووووووووووووووووووورة
    والله اني مررررررررررررره فرحت يوم شفت الرابط
    كسبتي اجرين
    اجر نشر العلم
    واجر ادخال السرور عل قلب المسلم

  48. مسآئكم فل ..
    بنات الايام هذي الاجواء جدا جميله ..
    استغلو وقت هطول المطر بالدعآء لأنه وقت استجابه ،،

    هوني ، الله يوفقك بـ كتابك يارب
    .. بصراحه جداً متحمسين له 😉
    وان شاء الله يحقق أعلى مبيعات << من الحين هههههه

    بآقة ورد لكـ ^_^

    • مساء الجو الجميل .. « بس بدون عج 😀

      الله يستر علينا ويلطف بحالنا .. الجو يخوف 😦

      كل الفصول بيوم واحد تجينا .. عج ، رعد ،مطر ، غبار ، شمس

      :

      معاكم ان شاء الله بيحقق اعلى المبيعات 😉

      ياحبيلك وانتي تجين مجلسي كل يوم .. ترا مره افرح ^.^

  49. صباحكٍ و مسائكٍ خير..

    أحببتك وأنا لا أعرفك

    تحملين الكثير من الابداع و التفائل

    وفقك الله و أسعدك

    سؤالى,,كيف تنسقين و قتك للقراءة؟كيف هو يومك؟
    فأنا يضيع وقتى ولا أعرف أين ذهب؟!!!!

    • و يومك كله مسرات يارب ^.^ ..

      قرائتي تتذبذب بعض الشئ .. لكن سرعان ما أعود من جديد وازيد من وقتي فيها

      قبل النوم أقرأ لمدة ساعة كاملة .. وفي العصر أقضي نصف ساعة في القراءة ” قبل المغرب ”

      .، هذه الفترة اعتمدت تقسيم للكتب ..

      اصبحت أقرأ كتابين في وقت واحد ..

      ” مجلد ديني ” و ” كتاب ثقافي ”

      أو ” رواية ” و ” كتاب ثقافي ”

      طبعاً يجب التنسيق .. أحرص ان يكون كتاب محتواه أخف من الآخر ..

      .، كتبي في حقيبتي دائماً .. في ساعات الانتظار او في السيارة أقرأ

      اتبعت طريقة هذا الشهر .. ادون عدد الصفحات التي قرأتها خلال اليوم

      وهكذا يزداد حماسي 😉

      في الأوقات الضائعة اقرأي .. اجعلي الكتاب ملازم لك اذا كنتِ لاتملكين الوقت

      بالتوفيق لك ياحلوتي سمر ^.^

  50. هلا هوني اخبارك
    ابي اسالك عن انوثه البنت مختفيه والله اني قلقت عليه
    تكفين علميني

    • ياهلا هدى ..

      انتِ ارسلتيلي عالخاص ؟ .. جاوبتك هناك 😉

      هديل أتمنى انها تكون بخير 😦 .. ماعندي اي خبر عنها لأن جوالها مغلق من ٨ شهور 😦

    • اول شي من لوحة القيادة .. روحي لمربعات القائمة الجانبية ..

      ٢- اذا فتحتيها .. بتلاقي على يسارها ” المربعات المتوفرة ” مربع الصورة

      اسحبيه وحطيه في مربعات القائمة الجانبية

      مربع الصورة .. تقدرين تغيرين اسمه ..

      وتضيفين الصورة .. وتكتبين عنوان الكتاب 😉 ..

  51. …عساك بخير
    كثر مالك في قلبي من التقدير..
    …. وكثر ماحبتك روحي ولاحبت بدالك(يا مدونة honey) غير….
    ممكن تخبريني عن رأيك في new york institute of photography

    شكرا:)

    • ياهلا دينا ..

      الله يسعد قلبك ..

      معهد نيويورك ، رائع بمنتهى الكلمة ..

      اذا كنتي تبغي تحترفي التصوير وتتخصصي فيه بعمق ، انصحك فيه ..

      ندرس كل شي عن الكاميرات من بداية تصنيعها وانواعها ، والعدسات ، والفلاتر

      واعدادات الكاميرا ، الاضاءة ، بعدين نبدأ بالتخصص ..

      تصوير الاعلانات ، الصحافة ، الفاشن ، الطبيعة ، الماكرو ، البورترية ، الزواجات …الخ

      وهو دبلوم كامل لمدة سنة مع شهادة معتمدة

      سعره ٢٠ الف ..

      :

      حياك الله ياقمر 😉

  52. اهليين هووني “:$
    كيفك ان شاءالله تمام

    امممم مدري من وين ابتدى بس كنت اتابعك خلف الكواليس ومرآ معجبة فيج الله يوفقج
    في كل تتمنينة

    بس ممكن اسال<مؤدبة
    انا نفسي ادخل هندسة العمارة الداخلية بس ممكن تعطيني نبذة عن القسم وايش احتاج وكل ابو ششُي<<طبعن اذا ماعندك مانع
    وبس مششششششكورة مرآ

    • هلا وغلا فنو ، حمدالله انا بصحة وعافية ..

      الله يسلمك سعيدة بطلتك هنا 😉

      عمارة داخلية ، متطلباتها انك تكوني شاطرة بالرسم ، والرياضيات .. هذا اهم شي

      القسم عن الهندسة والتخطيط الداخلي ..

      تدرسوا في البداية دمج الالوان ، بعدين اساسيات الرسم ،

      توزيع الاضاءة ، وتبدأو بالتعمق في التصميم .. غرفة نوم ، صالة ، مطبخ ،

      شاليه .. وهكذا 😉

  53. اهلاً هوني ..

    مساء الامطار ..

    ااشتقت للمدونه .. قاعدين نسوي للتخطيط مشروع ^_^
    احب اشكرك امام الجميع ومعروفك ماراح انساهـ

    اخلص وارجع لااحلى ريم

    .
    .
    .

  54. والله إني أحبك وأتمنالك الخير دنيا وآخرة .. ممكن أسئلك بما أنك طالبة في جامعة ألأمير سلطان ايش هو إمتحان القبول لجامعة الأمير سلطان وهل هو صعب ؟
    مشكورة

    • الله يسعدك بثينه ويوفقك ..

      اللي اتذكره انه اختبار القبول كان رياضيات و انجليزي ..

      تقريباً اسئلته تشبه اسئلة القدرات

      بس لاتخافي .. معظم البنات اذا مو كلهم مقبولين 😉

  55. ويني عن هالمدونه ..
    الصراحه ابدااااع
    >>يبي لي احطها الصفحه الرئيسية

    ..
    الله يوفقك ويسعدك يابعدهم

  56. ما أحب الويكند 😦 ، يسويلي خربطة

    كله ارتباطات عائلية =”( ، ولا فيه وقت يمديك تسوي شي

    :

    امي اليوم عازمة صديقتها وانا الحين مذنبة جالسة استناها

    اهئ اهئ

    :

    افكر بالاجازة ،، ودي اسوي شي جديد

    صاحبتي الاجازة اللي فاتت خلت القبو حق بيتهم ” كامب للاطفال ”

    تلعبهم وتعلمهم من العصر للعشاء ،، وتاخذ رسوم تسجيل 😀 خخخخ

    خطيرة فوكيراتها « جمع فكرة 😛

  57. صبآح الخير ..

    آممم مبين ع المدونه آنهآ ممتعة وو جميلة .. وو فيهآ تفآعل كمآن 🙂

    أرسلت لي صديقتي آلرآبط .. وو كل يوم أقول بكرة بأتصفحة .. شآفته آختي وو مرة آنبسطت ع مدونتك و تحمست آتصفحهآ 😀

    الله بوفقج ويسعدج وو عسآآآج ع القوووة دوم ♥

    • صباحك نور وسرور ياجودي

      حيّ الله من زارني ..

      المدونة مدونتك تعالي اي وقت وتصفحي 😉

      سلميلي على صديقتك واختك كثير ^^ ..

  58. السسلآم عليكم ..

    كيفك هوني ”

    حبيبتي كنت بسألك عن نظـآم القرارات اللي هو نظام الثانوي المتطور

    ما أدري اذا قـد سمعتي فيه أو عندك أحد يدرس

    والله يوفقك
    اتوقع انه وقت امتحاناتك .. وآسفين ع الازعاج

    • وعليكم السلام ورحمة الله وبركااته ..

      اهلا وسهلا فيك مرة ثانية نسو

      .، أنا درست في الثانوي نظام المقررات .. كنت في ثانوية مطورة

      وماندمت أي لحظة اني دخلتها

      تحسي بمتعة وانتي تدرسي ،، لأنهم مطبقين التعليم التعاوني في الفصل ..

      الفصل يكون مقسم كله على شكل قروبات .. والطاولات دوائر واحنا حولها

      وكل وحدة من بنات القروب لها مهام .. رئيسة ، كاتبة ، مناولة أدوات ، مشجعة ، حاسبة الوقت

      بحيث اي درس يكون فيه نشاط ، كل وحدة تشتغل بدورها .. ومحد يكون جالس

      :

      الشي المميز في المواد ، انك تدرسي في أولى ثانوي ٧ مواد بس في الترم الاول
      والترم الثاني ٧ مواد مختلفة عنها

      يعني مثلاً لو درستي كيمياء الترم الأول تدرسي فيزياء الترم الثاني ..
      ماتاخذي نفس المادة مرتين في السنة

      في ثاني وثالث .. يبدأ التخصص يا اما علمي او ادبي ..

      انا كنت علمي .. المنهج ما اخبي عليك انه مكثف ، بس صراحة ٦ مواد ولا تاخذي ١٣ مادة في النظام العادي 😀

      من ضمن المنهج حفظ قرآن .. ٤ سور في الترم اللي ينزلك فيه قرآن ..

      امممم ايش كمان ،،

      في ثالث ثانوي عندك مادتين اختيارية .. ” فيزياء ، كيمياء ، أحياء ، مهارات رياضية ”

      تختاري اثنين منهم والباقي يروح عنك ..

      وفيه كمان ترم ماكان فيه انجليزي .. 😉

      …، في الاختبارات النهائية .. بس ٤ ايام أو ٥ ..

      ويوم اختبار ويوم off ..

      انصحك بهالنظام من كل قلبي 😉 وربي يوفقك

  59. اللهم اسعدها وبمايرضيك اشغلها..
    وبأعلى جناتك اسكنها..
    وبمافيها من نعيم متعها..
    وبتوفيك سيرها وبخيراتك جللها ..
    (ويسر كل ماهو مرغوب لديها)..
    يـــــــــارب العالمين

    سعادة ابدية لروحكـ –{@

    • وعليكم السلام ورحمة الله وبركاته ،،

      اهلا ومرحبا نوفا

      ماشاء الله عليكم ، زرت الرابط من كم شهر وعجبتني الفكرة والمبادرة الطيبة

      الله يجعلها بموازين حسناتهم وحسنات كل من شارك

      اتمنى اساعدهم ، بس للأسف انا in a total mess -_- ومشتغلة على مشاريع كثير في وقت واحد .. وسبع صنايع والبخت ضايع =#

      بسعدك ربي يانوفا

  60. يآآي هـوني الله يوفقـك يابعـدهم

    والله ما تتصورين قـد ايش ارتحت لكلامك
    لانو ضايق صدري ع صديقاتي وزيادة ع كذا المدرسة راح تكون غيير

    الله يسعدك ..

  61. السلام عليكم هووني ..
    كيفك ؟
    بصرااااحة انتي انسساانه مبببببببدعة مبببببدعة لآخررر حــــــــد ..
    الله يووفقك ويرزقك من حيث لا تحتسبين ..

    امم بصرااحه ودي تفيدني ..
    انا في ثالث متوسط وابي ادخل ثانوي نظام مقررات وانا قريت انك درستي في نظام المقررات عشان كذا الله يعافيك ابي نصاايحك وتجاربك وهل هذا النظام يحتاج ان الشخص يششد حيله ؟
    وهل تنصحيني والا لا ؟

    الله يووفقك ياارب

    • و عليكم السلام ورحمة الله وبركاته ،،

      اهلا وسهلا شهودة .. حمد الله انا بخير وعافية ،، انتي كيفك ؟

      نظام المقررات يحتاج انك تشدي حيلك . لأنه معدل تراكمي ..

      وكل نسبة تنبنى عالثانية .. بالذات أول سنة مهممم تاخذي ٩٩ او ٩٨ وماتنزلي عن كذا

      لو كنتي اقل بتروح نسبتك في النهاية 😦

      دفعتي كانت من أول اللي جربوا هالنظام .. فـ كانوا دوافير البنت الكسلانه نسبتها ٩٠ ٪ .. ماعرف اذا اختلف الوضع الحين 😀

      يعني اقولك شدة الحيل ضرورية بهالنظام 😉 ربي يوفقك

  62. اهلين حبت اسألك الفصوول بنظام المقررات كيف ؟؟ هل هي شعب وتتغير ؟؟ ولا فصول عاديه ؟

  63. السلآم عليكم يآ عسسسل
    حبيت أسآلك إنتي وش تخصصك
    شفت لك رد في الإقلاع ,, ومآ فهمت وش تخصصك بالزبط
    ياليت توضحين و التخصص في أي جامعه بالزبط
    ولك كل الشكر

  64. السلام علييكم ورحمه الله وبركاته

    هوني استمري استمري(الفيس اللي رافع اصباعو)

    انا اقرات مواضيعك في الاقلاع عن جد شي ابداع وقرأت دورة غيرلي حياتي ~~مررا استفدت

    وهذا أول موضوع لي في الاقلاع
    http://vb.eqla3.com/showthread.php?t=636855
    يشرفني زيارتك

    • وعليكم السلام ورحمة الله وبركاته ،

      ياهلا وسهلا ساروشكا ..

      بداية موفقه مع اول موضوع ،، جميل جداً ^.^ حبيته

      لو امداني بإذن الله راح ازورك ..

      يسعدك ربي 😉

  65. اهلا هووني ..
    ربي يووفقك ويسعدك وين ما كنتي ..
    شكككرا وربي ريحيتني وان شاء الله اكون شادة حيلي ياارب ..
    انا مشكلتي التطنييش لو اني بس اهتتم كان جبت اعلى الدرجات بس ان شاء الله راح اشد حيلي ..
    دعواتك لي هوني ..

    و أي مساعدة بأحتاجها بأنشب لك هننا >> هههههههههههه
    تحمليني

  66. هوني حبيبتي ’,

    ممكن أسألك سؤآل , لوووول مكسوفة آسألك من آول بس اليوم آ’تجرأت
    اممم

    الفيسآت اللي في مدونتك إنتي تصميمهآ ؟!
    كيف آقدر آصممهآ ؟! يأختي مررررره آحبهم وبجد آكثر إنسآنة فيسآتهآ حلوه
    شفتهآ في النت هي إنتي ماشاء الله عليك ^^ ,.

    وتصميم ملاذ جدا جدا رآآآآآآآئع ماشاء الله
    إنتي اللي صممتيها ؟!
    لو إنتي كيف تقدري تفيدني في تصميم المدونآت أو تنصحيني
    بموقع أو شئ يفيدني في التصميم بشكل عآم ؟!

    وياريت تفيديني كيف آقدر آتعلم فتوشوب وآحترفه ؟!

    والله ياهوني كل مآآذكرك آدعيلك يااارب بس ربي يسمع مني وآشوفك
    سعيدة طوول عمرك ^^
    ومشكورة مقدمآ ,. ^^

    شهد’, (F)

    • اهلين وسهلين شهوده .. اسألي يختي لاتستحي انتي من اهل البيت 😀

      الفيسات قصدك السمايلات اللي احطهم ؟ .. انا اخذهم جاهزين من هنا

      http://vadrouilles.moto.free.fr/smileys/

      .، تصميم ملاذ ياحلوتي .. هي صورة عادية انا صممتها بحجم كبير ..

      ومن خيارات قالب المدونة ، رفع صورة من جهازك ..^.^ يعني مايحتاج تتعلمي تصميم قالب مدونة

      لأنه هذاك يحتاج احتراف و معقد ..

      … الفوتوشوب كنز والله ، يعني مدري كيف اعيش بدونه

      بديت اتعلمه لما كنت بالمتوسط .. ومع التمرين والوقت قدرت اوصل مستوى متقدم الحمدلله

      كوني صبورة وانتي تتعلمي

      شوفي هالمنتدى

      http://www.shamoa.com/vb/forumdisplay.php?f=48

      حلوة دروسه .. تابعيهم وطبقي 😉

      وكمان قسم الفوتوشوب في الاقلاع لايفوتك

      … في البداية بتتعبي وتحسيه صعب .. لكن صدقيني بعد ماتتعرفي عالأدوات والآساسيات

      بيكون كل شي سهل وممكن تخترعي حركات من عندك

      بالتوفيق يابطة .. لك دعواتي ياحبوبتي 3>

  67. هوني اخبارتس علومتس
    بنصحتس تلاحقي على عمرتس وادرسي باي جامعه باي قسم
    لاتعتمدين دورات دبلومات تفيد لكنه تضيع سنوات
    بكالوريوس هو بينفعتس
    ضيعت سنتين من عمري بعد ماتخرجت من الثنوي
    هذاي كملت مته بتخرج يصير عمري 25 لو ماضيعتهن كان 23 متخرجه 😦

    • يا اهلين مروم ،، حياك الله يابعدي

      والله هو كل شي خيرة من ربنا .. اكيد لو بيدي الموضوع ما كان تأخرت في دراستي

      الحمدلله على كل حال واكيد ماصارلي كذا الا وفيه حكمة من الله 😉

      يسعدلي قلبك على اهتمامك ^.^

    • ياااااااي امييييمة أحببببك يختي

      وش هالأخبار اللي تونّس .. مو مصدقة والله D”=

      الله يسعد قلبك على هالخبررر ،، بروح اوري أهلي 😀

  68. أهنن هوني كيفك ❤
    أمم لي طلب بسيط =$ يا ليت تزوديني بموقع أو منتدى أو أي شيء ممكن يعلم الووردبريس
    من الصفر لمستوى مدونتك ما شالله (:
    يعطيك العافية ، و واصلي يا مبدعة ^^

    • هلا ومرحبا ساره .. حمدلله انا بخير ^.^

      ياليت فيه موقع افيدك فيه ، بس الصراحة انا قعدت احوس في الوورد بريس لحد ماتعلمت

      وهو مو صعب .. حاولي و خبصي في الادوات الين ما ان شاء الله يزبط معك

      فيه منتدى http://www.ar-wp.com/

      عن نفسي ما رجعتله في مدونتي ، لكن اذا حابه تطلي على اقسامه ان شاء الله يفيدك 😉

      يعافيك ربي =*

    • هلا ومرحبا سما ..

      للآن الخطط متوقفه مع الارتباطات العائلية ، ماخذة كل الوقت

      لكن مستمرة بالقراءة .. وحفظ القرآن إذا ربي سهل .. هذي اهم خططي 😉

  69. مرحبآ : )
    كيفك هوني ،

    تدرين كنت مكتأبه كثير !
    صآرت لي مشكله ،
    أنا مدمنه نت ومره نشيطه يعني اذا شاركت بمنتدى أعطي من كلي قلبي !
    وماحب اعيش ع هالهامش ابد ابد ،
    كثير اطرح افكار من مخيلتي ، يعني خيالي خصب -لله الحمد-
    كنت مشاركه بمنتدى ، أعطيته كل وقتي ونشاطي ، وأنصدم إنو رئيسه المنتدى سارقه فكره لموضوع تعبت عليه حييييل ، وناسبته لنفسها ، ولما طالبت بحقي عطتني باند : )
    حاولت ادور ع منتدى يقدر يلمني ويحتويني ، مَ حصلت -_-”
    مآفي منتدى نسائي بمستوى يرضيني أبد !
    بس الإكتئاب رآح !
    قولي ليه 😛
    لأنو بسبب هالفرفره طحت على مدونتك =$
    وصآرت أحلى صدفه : )
    فقررت أفتح مدونه أو موقع خاص فيني ، منه الله ولا منه خلقه 😛
    بس بغيت أسئلك اذا مافي إزعآج ،،
    لما ابي احط هيدر للمدونه ع الوردبريس لازم لها مقاس معين مو ؟!
    ولازم احمل برنامج معين ولاكيف 😦

    وشووكرن لك ،
    لروحك النقيه (F)

    • ياشيخة روحي 😦 و الله في نيتي اسويلك ..

      بس انتي شايفة الوضع .. زحممه بيتنا وزحمة الوقت ، خليها ع ربك

      ان شاء الله بسويلك يمكن اخليها عيدية 😀 « بتتصفق

  70. مررحبآآ هوني

    كيفك مع آلصيف 🙂

    يآآقلبي آذآ تقدري تفيديني بآي موقع آو ملف يكون فيه دروس للكآميرآت شبه آلإحترآفيه

    لاني دووورت كل آلدروس مثل بعض وآغلبهآ للكميرآآت آلآحترآفيه 😦

    آلف شكر
    وربي يحفظك يآآعسل

  71. مساء الخير هوني ..

    انا من المتابعين لك في اقلاع ومدونتك .. ماتتخيلين قد ايش فرحت لما دريت ان لك مدونه .. انتي انسانه رائعه بكل ماتعنيه الكلمه من معنى ..
    الله يوفقك ويكثر من امثالك ..

  72. هلا والله بسميــتي

    مدونتك ررووووعة رروعة ما تملي وإنتي تقري فيها ..
    وشكلها يفتح النفسس بقوة
    الله يوفقك يا عسسل
    من المتابعين

  73. =/

    هوني خلآص آرجعي بلييييز ’

    والله لك وحشة مو طبيعية ’ 😦

    الله يردك لنآ سلآمة غآنمة وياارب يحقق لك كل آحلآمك وآشوفك فرحآنة يآقلبي ^^ ’

    آمييييييين ياارب 🙂

  74. ريم سلامة غيابك يالغلا
    لي فترة وأنا أدخل المدونة
    وألقى لاجديد فيها 😦
    طولتي ياريم علينا بجديدك
    إن شاءلله المانع خير .؟

    ترى ماتعودنا على كذا 🙂
    تعودنا تدلعينا كل فترة بأحلى موضوع منك
    ماتتوقعي وش كثر الفرح اللي نفرحه لما بس نقرأ لك شي ^_*
    .
    .
    .
    دمتِ مبدعة ياعسل

  75. مرحبا هوني

    تفضلي ريم دعوه لك مني للحضور : )

    أمسية الحياة هدف مع المدرب موسى عسيري

    http://acflonline.s4.roomsserver.com/

    اليوم الساعه عشرة طبعاً مابتفتح القاعه الا الساعه عشر ألا عشر دقايق ^_*

    يارب تدخلي وتشوفي الدعوة قبل ماتبدأ

    طبعاً الدعوة موجهة لك خاصة و لزوار مدونتك عامة : )

    دمتِ بسعادة

  76. ترجعي بالسلامة هوني

    لكــ وحشة يابطة

    << من المتابعين لك لكن من خلف الكوآليس 🙂

    استفدت منك كثيرر هوني

    الله يوفقك يآ عسل ويحققلكـ آمانيك 🙂

    أضفتكـ في مدونتي ضمن المدونآت الي أتابعهآ 🙂

  77. أمر في فترة ملل فضيعه قد ماتتخيلين وَ أكثر 😦

    قفلت البي بي ، وفتحت صفحه وحده في متصفحي الخاص ع اللاب
    قعدت أقلب وَ أقلب بقائمة البوك ماركس ، من زمااان صفحتك عندي وكنت ازورها كثير ايام الدراسه
    وبعدها أنقطعت .. ”
    أول ماشفت ” Honey ” قلت بس مافي غيرهاا ريم هي اللي بتغيّر جوّي

    قريت وَ قريت كل اللي فاتني :$
    إنتي إنسانـه رائعه بكل معنى الكلمه ، الصداع اللي كان شوي وياكلني راح ، النفسيه الزفت اختفت وَ رجعتي الأمل المفقود في هالحياه

    أهنيكْ صراحه على عفويتك ، هواياتك الثقافيه ، مواضيعك الهادفه وَ اسلوبك إللي يشرح الصدر
    جعل ربي مايحرمك السعاده ويعطيك الخير ويحقق مُناك يالغاليـه :$

    روان

  78. لنا أحباب لا يعرفون بوجودنا,,
    ولكن يسكنون بقلوبنا,,
    يظل شذاهم يعطر حياتنا,,
    كلما نضبت ينابيع المودة في حياتنا,,
    أغلا الأشواق نبعثها لهم ,,
    تحيات معطرة بأطيب العود ,,
    ,,عيد سعيد,,

  79. honey ماشاء الله إنسانة مبدعة جداًُ أرى ذلك و اضح في مواضيعك و نقاشاتكِ و كتاباتكِ
    سؤال بسيط : ما شاء الله أرى أتقانكِ لـ English language حتى أنه لديك في مدونتكِ الأخرى الخاصة بالكتب عدة كتب بالانجليزية و ذلك يعني أنك تجيدين قراءة الكتب الانجليزية
    أتمنى بشدة أن تحدثينا عن تجربتكِ المثرية في طريق تعلم اللغة و دعواتكِ لي بالتسهيل و إتقانها “)
    و ربي يوفقك و يسعدكِ “”””)

  80. آآآهلين هووني ..
    كيف حآآلك .؟
    جآآيه اليووم أفضفض لك ..
    آليووم تحطممت تحطممت !!
    كنت أطمح أن ادخل ثآآنوويه مطوره .. رحت بسجل اليووم قابلت مساعدة المديره
    وقآآلت نسبتك ماتدخلك تعليم مررن ونسبتي بــ80% <أنا عآرفه انها موو حلووه وكنت نآآويه أعدلهآآ واجتهد كنت مخططه ومسسويه أهداف ومسستعده كثيرر أن بجتهد لآكن المسآعد قآلت ماتدخل عندنا الــ90% وفوووق 😦 قممة الاحبآآط وكمآن قالت ( حتى لو تدخلين وكلل ششي تسسوينه عشآن تجتهدين ماراح تتأقلميين وكلآم كثير قالته لي سوآآلي آآحبآآآط ) لمآ رجعت البيت قآآلت امي لآ راح ادخلك بوآآسسطه ودخلتني بسس مدري أحس جآآني آحباط مو مثل حمآآسي أول قبل ما ازور المدرسسسه !!

    • هلا وغلا روابي ،،
      حمدالله أنا بخير الله يسلمك ^.^

      عاد مالها داعي المساعده بهالكلام ، ايش لزومه يعني؟ تقلل من قدراتك عشان تتركينهم 😐

      الحمدلله أنك دخلتي هالثانوية ، وآن شاء الله تكون فاتحة خير عليك بنظامها

      يمكن جو المدرسة القديم والنظام الممل هو اللي خلى نسبتك ٨٠٪ ،، ماحفزك ما خلاك تجتهدي

      وطبيعتك تحب التجديد
      والحين صار الوقت انك تطلعي طاقاتك وجهدك وتركيزك مع المواد الجديدة

      .، لاتكتأبي و تحزني نفسك عشان كلام وحدة .. مليان ناس يحبطوا معنوياتنا ..
      مين هم عشان نستسلم لهم ؟

      .، انا كنت مثلك خايفة من هالنظام ، ومدرستنا كانت ثاني مدرسة تطبقه
      وماكانوا بيقبلوني عشان اكتفوا ،، وماعرف أحد هناك وكلام كثير .. رحت المدرسة وكانت فيني الصيحة

      لما دخلت سبحان الله ربي شرح صدري ويسرلي أمري
      ولقيت نص البنات أعرفهم من زمان ، وارتحت كثييير وحسيت اني مميزة

      So !

      خليك متفائلة 😉 ربي معك

    • وعليكم السلام والرحمة .. ياهلا المها ..

      درست في معهد شيفلد بالرياض
      هو مختص بهندسة الديكور ، لكنهم متعاونين مع معهد نيويورك للفوتوغرافي
      ويعطونك شهادة معتمدة من امريكا

      والشهادة معتمدة هناك بس ، اما وزارة التعليم عندنا لأ

      :

      اذا كنتِ هاوية للتصوير بس تنمين هوايتك .. انصحك تدرسي الدورة القصيرة شاملة ومختصرة

      اما اذا تبغي تحترفي التصوير وتتعمقي فيه وتكوني محترفة ، وناوية على بزنس
      هو مناسب لك

      ندرس كل شي عن الكاميرات من بداية تصنيعها وانواعها ، والعدسات ، والفلاتر

      واعدادات الكاميرا ، الاضاءة ، بعدين نبدأ بالتخصص ..

      تصوير الاعلانات ، الصحافة ، الفاشن ، الطبيعة ، الماكرو ، البورترية ، الزواجات …الخ

      سعر الدبلوم ٢٠ الف ريال ،
      شامل ٣٠ كتاب تصوير، + منهج فيديو على CD’s + ٦ كتب دروس بزنس

      موقعه :
      أسواق الجزيرة الي في السليمانية .. مقابلها أسواق السدحان

      في نفس المبنى الدور الثاني موجود المعهد ” معهد شيفلد لهندسة الديكور” .. 😉

  81. أهلن يا جميليتي ..
    أمس كنت بطير من الفرحه وأسوي حفله ..
    لأني قريت مدونتك كامله ..
    صحيح رآح أفتقد الجلسه عليها وقراءتها لكني حسيت أنه خلاص ماصار فاتني شي من تدويناتك ..
    وجد أنتي مو هوني أنتي أحلآآآ وأعسسل من الهوني ..
    مرآآ تعجبني شخصيتك واحسك قريبه مني ..
    عموماً أنآ لسى في بداية جديه للقراءه أول كنت أقرى لكن مو مثل الحين :$
    شكراً على مدونتك الرآآئعه 🙂

  82. السلام عليكم ورحمه الله وبركاته أخت ” Honey ”
    ماشاء الله تبارك الله عليك..
    إنسانه مثقه رائعه مبدعه اجتماعيه..
    بصراحه اتمنى بيوم أكون مثلك..
    و اعتبرك قدوتي..

    انا في السنة التحضيريه..جامعة الأميره نوره بنت عبدالرحمن
    مطلوب مننا مشاريع لكذآ ماده مثل (مهارات دراسه – مهارات اتصال )
    وفي دوره غير لي حياتي و وموضوع انا و وقتي و الجامعه واكثر من موضوع لك..
    تكلمتي عن الوقت و الدراسه وطريقه ترتبيهم وتنظيهم..
    اعجبتني جدا..وحبيت اقتبس افكارك وبعض كلامك..وراح يكون في حفظ لحقوقك..
    هل تسمحين لي..؟
    وراح يكون مشروعي انا و القروب الي مشتركين معاي..
    حبيت أستاذنك قبل..
    ولو تساعديني بكذا فكره او بطريقه نكون شآكرين لك..
    و إن شاء الله لو مشروعنآ..نجح وأنضم لـ المشاريع المميزه في آخر السنه ويشآرك بالمعرض النهائي..
    ستكونين أول المدعوين..:)..

  83. من يجيد فن الإختباء مثلي :# ؟؟

    امممممم ..
    اعتذر عن اختفائي الفترة السابقة ، هنا في المدونة و في الاقلاع وفي كل مكان :O

    سأعود وإن طال الغياب ..

    لم أعتد بعد على نظام دراستي الجديد 😀 ولازلت أتأقلم ..

    لذلك خفضت كثيراً من أوقات تصفحي للإنترنت وهذا هو السبب

    عمتم مساءً يا أحباب 😉

  84. يآآآآآآآآآآآآآآآآآه هوني اخييييراًً
    ولكم بااااااك ولكم ولكم

    كل يوم اشيك المدونه استناك نزلي حاجه
    اشتقنا لمرحك اشتقنا لحماسك اشتنقنا لايجابيتك اشتقنا لمواضيعك اشتقنا لهوني 3>

    لا تطولي الغبيه يا طيبه 😉

  85. هـــــوني يآهـلآ وغـلآ
    نورتينآ يآقلبي
    والله من جد وحشتينــــــــــــــــــــــــي
    كيفك وشخبـآرك وكيف الدرآسة ..؟

    :

    والله اشتقت لكل حرف تسطرينه .. ودي أقولك نزلي شي جديد بس لآ تقدمينآ على درآستك لأن هي الأهم ^^
    نستنى شي وقت الخميس والجمعة *_^

  86. السسلام عليكم .,
    كيييفك يالغالية
    والله لك وحششه
    زمان ما جيت هنا ، الله لايشغلنا الا بطاعته يارب

    ..
    انا نسو اللي قد سألتك عن نظام المقررات
    وابشرك درست فيه
    والله اني مانسيتك من دعواتي
    ياحبي لك ياهوني
    طبعآ كنت مجبورة اروح للمدرسه هذي من اهلي
    لانها قريبه من بيتنا وفيها باص
    وكنت متضايقه حييييل لان صديقاتي مو معاي
    وابشرك الحمدلله درست وارتحححت كثييير
    والله هذا كله بفضل الله ثم انتي

    وابشرك السنة هذي اعتمرت قبل الدراسه باسبوع
    والحمد لله مررره ارتحنا
    لأن من زمان عن الحرم والعمرة
    ودعيت لك ودعيت ان الله يسهل الدراسه
    وسبحان الله ربي ما يضيع احد
    والله المدرسه صارت خييره لي
    والبنات طيوبات
    . . بس اللي مضايقني صديقاتي مو معاي
    وحاولت فيهم وان شاء الله يوافقون يجون عندي
    ××
    والله اني احبك ياهوني ع اني ما اعرفك الا هنا وباقلاع
    الله يحفظك وييسر امرك ويسهل دربك
    ويسعدك يارب دنيا وآخرة .. ”

    بشرني عنك وش آخر اخبارك ؟

  87. اهلن أخت هوني ,

    ابداع × ابداع >> كلللله وجدته هنا في مدونتك ربي يحفظك ..

    وعجبني كثيير ستآيل المدوونة ,

    فـ أنا الحين تووي فاتحه مدونتي ولابعد بدييت فيهآ إليين القى لها تصميم يفتح النفس ض1
    فأكيد انك خبرة بهالمجآل ,
    ابغاك تدلييني على موقع مختص لطلبات تصامييم المدونات ,,
    وشكراَ مقدماَ ,,

    اايه صح اذآ ردييتي هنا , احتمال مآأقرآه لأن مدونتك ماحفظتها

    هذآ ايميلي اأرسلي لي ع البريد أي أفاده بخصوص طلبي 🙂

  88. روعه يً بت والله آنجنيت على آلمدونه وع آلآقبآل عليهآ مآشششآءلله عليكي يَ بت 🙂

    لو تدري إيشْ آللي خلاني آصآدف مدونتك (:

    كنت بشتري كآم آوكيْ ومحتآره و آلحربً كآلعآده بين Nikon & Canon
    طبعآ الاغلب آلي سئلتهم يمدحو كآنون وانها افضل بكثير من نيكون 😐
    وقبل مآسئلتهم كنت آثق برآئي وحده من صحبآتي وكآنت تقولي آنو آلنيكون آفضل

    ومن بعد مآقريت كلآمك مو بسس آنصدمت على اللي تقوليه بحكم إنك مجربه

    من جد لو تسمحيلي آنقل كلآمك بمدونتي عن الكآنون و آلنيكون !

    ومدونه بطله بجد آتعب اقول بطله

  89. مرحبا ريم ..

    مررت على مدونتك يوما احبتتها بكل ما فيها ..
    اعجبتني جدا محتويات مدونتك ” ملاذ ”
    وبكل عفوية اخترت اسمك لحل واجب تدويني .. ” اعترافات”
    اتمنى منك قبول الدعوة هنا http://wp.me/pQo1r-43

    ^^ تحيتي

  90. ممكن التدوينة الجاية تتكلمي عن الدراسة وتخصصك ومخططاتك الدراسية والجو الدراسي 🙂 موفقة يارب

  91. هلا هوني ,,, اولا حابه اتشكرك عل دورات اقلاع ,, و الله اني استفدت منها

    بشكل جدا كبير … الله يجزيكي عنها خير الجزاء ..

    بس كان في سؤال ضروري يا ريت تجاوبيني عليه :

    في اخر السلسلة الحلوة كان لكي هذا الموضوع —- موضوع مميز : دورة \ غيرلي حياتي ~ A change is gonna come

    و صراحة من جد عجبني اسلوب تقسيمك لاحتياجات الشخص فيني

    و انا قريت كتب لتطوير الذات بس اول مرة اشوف شرح مبسط و حلو زي

    حقك ,,, فيا ريت تقولي لي ايش كان مصدرك في تحضير هاذي السلسلة

    ,,, اقصد اللي انا ذكرتها “موضوع مميز : دورة \ غيرلي حياتي ~ A change is gonna come ”

    يا ريت كتاب او مصدر يكون مقسم نفس تقسيمك لأنو مررررررة عجبني ..

    و لكي مني جزيل الشكر …

  92. مسسســـــاْء الـــــــوررد

    بقولكم سر 😀 ترا الاخت المصونة رييييم مب جالسة تدرس واختباراتها بعد شهررر ومطنششششة كل ابو شي عشان هالمدونات الله يصلح حاالهاا

    خلوها تدرررس تكفووون =”””

    مع تحيات صديقتك الصدوقة لامار >> سوووريْ عالفضييحة بس مايصصلح معك الا هالكلام !!!! ض1 ض1
    بتحرمين تدقين علي خخخخ

  93. أهلا ي جميل ..
    الله يوفقك في دراستك ي رب ..
    حبيت أسئلك تعرفين مواقع التعليم عن بعد سواء كان انقلش , تطوير ذات , قرآن أي شي =]
    وشكرا

  94. هلا أخت هوني
    بغيت أقولك وحدة من المدونات تلسع فيك بتويتر واتمنى توضحين وجهة نظرك
    وليه ماتبغين الرجال يردون على مدونتك
    http://twitter.com/nofah1
    #
    # @Munerakhaled انا مو قصدي استهزئ والله او شئ بس اتعجب يعني خصوصا ان بعضهم مشاركين بمنتديات ويردون على شباب عادي فما ادري وش الحكمه

    # @Munerakhaled رجال يردون يعني ما قالت السبب قالت الرجاء الرجال لا يردون about 5 hours ago via Echofon in reply to Munerakhaled

    # @Munerakhaled انا ترى ما قلت لا تسوي هالشئ انا مجرد مو فاهمه ليه هالشئ وعشان كذا سألت يعني المدونة ماهي دينية تكون عامة فمستغربة ليه ماتبي Munerakhaled

    # @Munerakhaled لا موقصدي كذايعني لو تبي مدونتهاللبنات تصير مغلقة وتخلي البنات يدخلونها بمعرفتهم يعني مثلا الرجل بيقرأ كلامها وش المشكلة لورد

    أرجو توضيح وجهة نظرك
    وشكرا

  95. انا ما اقدر اتفهم البنت اللي تدون وتكتب التعليق للفتيات فقط الرجاء من الرجال عدم الرد ماني قادرة اتفهم فكرها مع احترامي لرغبتها 🙂

    • شكراً لك على اهتمامك ..

      الموضوع بسيط جداً مايحتاج كل هذي الضجة .. زمان كانت مدونتي مفتوحة للجميع .. واسمح بالردود لكلا الجنسين
      أحد مرتادي المدونة سبب لي مشكلة كبيرة جداً ..مايحتاج أخوض بالتفاصيل- كنت على وشك ترك التدوين بسببها
      من باب سد الذرائع رفضت أي تعليقات من قبل الذكور في هذه المدونة لأنها شخصية ويغلب عليها الطابع الأنثوي
      أما في ملاذ ..فالتعليقات مسموح بها لأنها متخصصة في الكتب وهدفها واحد
      ولو قدرتِ توصلي لتويتر نوفه .. قوليلها .. مافيها شي لو جت سألتني مباشرة
      وأشكري منيرة خالد نيابة عني 😉

      باقات من الامتنان لحرصك واهتمامك 3>

  96. في الحقيقة ماحبيت أطلع من هالمكان من غير ماأشكرك .. قريت موضوعك عن التخطيط في الإقلاع
    الوقت هذا من السنة الموضوع هذا هو ال trend السائد
    مالقيت أجمل من مواضيعك بالعربي، لامحتوى ولاأسلوب ولاإخراج !
    برافو عليك … أحسك إنتِ إنسانة منظمة لحد كبير … وأتمنى لك كل التوفيق وكل الخير!
    تعجبيني كثير ….واستفدت كثييييير من مواضيعك وأسلوبك وتأثرت بإيجابيتك ونظرتك للحياة والنظام ….
    مدونتك صارت في مفضلتي،، وإن شاءالله متابعة متى ماتسنى لي الوقت … والله يوفقك ويحقق لك كل طموحاتك وأحلامك…
    ماشاءالله الله لايضرك، على الي قريته، أحس إنك بتكونين شي عظيم جدا في المستقبل …!u already are ! الله يحفظك لمحبينك .. ويحفظك لنا ولايحرمنا من مواضيعك في مملكة المرأة وفي المدونة ….

  97. عزيزتي هوني ترى ما كنت اقصدك أنتي كنت اتكلم عن فتاة أخرى
    لكن يبدو هالأخت اللي متعبه نفسها وناقلة كلامي تبي تسوي مشكلة
    بالأمارة جايه للفورم عندي تقول شوفي الكلام اللي كتبته بمدونة هوني
    أنا كنت أتكلم عن مدونة أخرى ولكني رأيت انها تشارك بمنتديات
    وهي مش انتي لأني ما ادري والله انتي بأي منتدى فتساءلت وترى هو مجرد سؤال لا أقصد منه شئ
    انا قلت انه احترم رغبتك وابدا ما اشوفها عيب لكني كنت متعجبة من هالشئ وأكيد كلن له اسبابه 🙂
    ثم اني ما دريت عن الكلام اللي صاير هنا الا من الفورم وحده نبهتني اني اجي اشوف موقعك
    لك كل الإحترام عزيزتي ريم وانتي مدونة احترمك واقدرك ومن زوارك دائمًا لذا أتمنى بحق أن هالكلام ما يأثر فيك لو صار ببالي تساؤل اكيد باجي واقول لك وانا اصلا لي فترة
    طويلة عن مدونتك لو لاحظتي اخر رد لي وما كنتي حاطه هالتنبيه اصلا
    على وقت زياراتي موفقه يارب

  98. كيفي ريم اعجبت جدا ااااااااااااااااااا ماشاء الله بدوره وكتبتها عندي عشان استوعبها دوره ناجحه ونطمع بالمزيد استفت وستمتعت بكل مواضيع المدونه واعجبت فيه وادمنتها
    استمري انت فعلن ناجحه
    مع اني اكبر منك سنن الا اني محتاجه انك تساعديني
    في وضع رؤية وبصمه في الحياه
    لاني قرات في كتاب البوصله واتوقع اني غربيه فطموحي يتعبني
    راح اعطيكي نبذه عني بكالويس دراسات اسلاميه كنت انتساب بسب االاولاد ودخلت الان تحفيظ مااحب دراسه الكمبيوتر ولا الانجليزي
    ابغى تعطيني اقتراحاتك
    على فكره احب اقرأ كثير
    واكره اني اكون انسانه عاديه ام زوجه وجلسه في البيت

  99. السـلااام عليكم ورحمة الله وبركـآته

    هـوني يآقلبي كيف حــآلك وشخبــآرك …؟

    هـآه مآخلصتي اختبآرآتك ..؟

    الله يوفقك ياااااارب ويسعدك دنيآ و آخرة

  100. مرحبأأأأ هووني ..
    حآآآبة أششكررررك كتييير ع هالمدونة الرااااائعة
    وعلى مواضييع في الاقلااااع جددنن جدننن راااائعة
    واستفدت منها كتيييير …
    بالذات دورة”غيرلي حياتي” انا واختي بدأنا نبطقها ^_^
    انا معجبة فيكي وفـ كتابااااتك
    بانتظااار جديديك بفااارغ الصبر << متعوب على هالكلمةD:

    تسسسلمييييي قلبوووو ..♥

    << اذا ماعندك مااانع ممكن ايميلك ابغى استشيرك ف موضوع ..؟؟!!

  101. ماشاء الله تباركـ الله
    الله يوفقك في اختبارتك
    موضيعك كل واحد ماشاء الله احلى من الثاني
    وخاصه موضوع تطوير الذات حسيت اسلوبكـ عجيب
    بسم الله عليكـ

  102. اللف يوفقكـ وينورلكـ دربك يارب
    اتمني تقبليني صديقه
    لاني حبيت موضوعتكـ كثييييييير
    سبحان الله وبحمده
    سبحان الله العضيم

  103. ماشاء الله من أرووع المدونات اللي شفتها ، مدونة راائعة بمعنى الكلمة

    حبيتها جدا وأعجبت بصاحبتها ، أتمنى بأن نكون صداقة حلوه ^_^

    سجليني من متابعيكي

    فرشة مرح ،،

  104. مدونة جميلة ماشاء الله
    سؤالي لو سمحتي ..
    التحاقك بـ New York Institute of Photography للحصول على شهادة الديبلوما في التصوير
    كيف الخطوات .. وكيف الدفع .. والدروس
    يعني ممكن تعطيني التفاصيل كاملة وشكرا ..
    🙂

  105. اهلين هوني
    وينك اشقنا لك
    ومعك صفحة تويتر او فيس بوك؟؟الرابط بليز لو معك
    وموفقه !

    سبحان الله وبحمده
    سبحان الله العظيم

  106. اهلنننن هوني

    وينك مدونتك مرررررررررره مرررررررره مغبرررره

    مره وحشتينا
    طمنينا عليك وعلى دراستك

    الله يوفقك ويسعدك

  107. صباحك إشراقة وابتسامة يالغاليه
    ريم كيفك أخبارك .؟
    بصراحة دخلت مدونتك وأنآ أتوقع منك موضوعآً بمنآسبة آلسنه الجديدة 1433
    ولم أجد فهل مزآجك آلمدلل أمرك بذلك .؟! <= مدآعبه 🙂

    ريم آشتقنآلك يآغآليه ^_*
    محبتي لكِ

  108. في تاريخ 14\12\2011م فُتِحَتْ في حيآتك صفحة جديدة
    أتمنى أن تكون هذهِ آلصفحة صفحة محبة وسعآدة صفحة رآحة وألفة
    غآليتي ريم مبآرك لكِ هذهِ آلصفحة ومبآرك لمن سيشآركك إيآهآ

    ريم عندي أسئلة وأتمنى أن تتقبليهآ بصدرٍ رحب
    ريم قبل آلزوآج هل هي نفسهآ ستكون بعد آلزوآج .؟!
    مدونتك هل ستكون من فعل كآنت أو ستكون من فعليَّ كآنت ومآزآلت .؟!

    موفقه يآحبيبه

  109. اشتاق لك و روحك الجميله
    صار لي فتره اقرا مواضيعك القديم
    و ارى انك لم تعود ريم التى كانت تشجعنا
    اعانك الله على الحياة و مشاغلها
    و لكن لا تنسيني بشئ ينعشنا و يجعلنا نحب الحياة

  110. يارب يسعدك وين ماتكوني ويحفظك
    غيرتي موود يومي >>>مزاجية الاخت
    اتمنى انك تستمري مرة كلامك يأثر فيا وادعيلي ربي يهديني ويستقر مزاجي المتقلب 😦

  111. السلام عليكم
    أهلا هوني كيفك ♥
    أنا مرة معجبة فيك تعجبني ايجابيتك ماشاء الله
    بأقولك عن نفسي
    طالبة مجتهدة بالمجال الطبي وتخصصي مختبرات طبية ♥♥
    نحن أطباء الطبيب :$ ، أعشق تخصصي ولله الحمد ، و هذي نعمة من رب العالمين
    اوتاكو(يعني أحب الانيمي والمانجا)
    أحب الدراما الكورية واليابانية
    أحب القراءة جددا جددا تخيلي بديت أقرا روايات أغاثا كريستي من عمري ٩ سنوات ماشاء الله :$ .. المشكلة ماكنت أفهمها لصغر عمري ومع ذلك معاندة ومستمرة أقرأ هههههههههههههههههه
    (كنت) قارئة شغوفة طول عمري
    مو أقرآ بس الروايات أقرأ كل شي
    بس…للأسف من دخلت الجامعة صرت كسولة ونااادرة القراءة، ماعدا الروايات هي اللي مستمرة عليها
    وهالشي مرة محزنني 😦
    :”(

    أعشق الحيوانات بشكل عام خصوصا القطط والكلاب والببغاوات والخيول
    مناصرة لحقوق الحيوان
    Animal Rights Activist ♥♥♥♥
    دايما أدافع عن حقوق الحيوان بتويتر وبالنت بشكل عام
    امم وش بعد
    ايه الميك اب ما أشتري الا اللي يصير كروليتي فري
    Cruelty Free
    http://www.gocrueltyfree.org/
    يعني ما أشتري الا من الشركات اللي ماتسوي تجارب عالحيوانات
    لأني أشوفه غير عادل ان الحيوانات تتعذب بس عشان أكشخ
    و أبشرك الاتحاد الأوروبي منع التجارب عالحيوانات بالكوزمتيكز(الميك ابي والسكين كير وكذا)
    وش معناته؟
    يعني خلاااااص بأوروبا الشركات اللي تسوي تجارب عالحيوانات بالكوزمتيكز طبعا
    تصير منتجاتها غير قانونية وبالتالي ماراح تباع الا بأماكن قليلة
    و أصلا أنا قارية فتوى ان الحيوان يجوز التجربة عليه اذا صار ضروري
    وطبعا الميك اب مو من الضروريات من الكماليات
    😉
    و أنا نباتية
    (Vegan)
    بالنسبة لهالنقطة (اني مناصرة لحقوق الحيوان واني نباتية)
    دايما أواجه سخرية من المجتمع..حتى من أهلي وهم أهلي يعني!
    أنا من زماان مناصرة حقوق حيوان والمجتمع يطفففش
    الى الآن يتطنزون!!
    يعني مثلا يقولون لي الناس أهم
    أو يقولون لي أنتي ضد حقوق الانسان!!
    ليه تدافعين عن حقوق الحيوان دافعي عن حقوق الانسان
    أنا مناصرة لحقوق الحيوان بس مو معناتها اني ضد حقوق الانسان!!
    بالله شي واضح يعني
    ومو منطقي انكم تقولون لي ذا الكلام
    وبعدين الانسان فيه منظمات كثيرة تدافع عنهم وجهات حكومية وكل شي
    ماقلت ان الوضع عندنا بيرفكت بس فيه ناس قائمين بالموضوع
    الحيوان عندهم منظمات تدافع عنهم وكل شي
    بس مو موجودين عندنا بالسعوية!!
    مررررة مهضومة حقوقهم وهم مايقدون يتكلمون عن أنفسهم، عشان كذا احنا كمناصرين حقوق الحيوان لازم نتكلم عنهم.
    عشان تعرفين شوي عن الموضوع
    روحي شوفي محلات الحيوانات
    شوفي كيف يعاملونهم
    كيف عايشين
    غااالبا يصيرون يعاملونهم بقسوة+معيشينهم بقذارة+مايهتمون اذا مرضوا
    واذا صار محل فيه عكس اللي قلته : مايزالون عايشين بقفص!!
    مثلا القطط
    يعيشونهم بقفص وهالقفص فيه الحمام حقهم -الله يكرمك-و فيه صحن الأكل وصحن الموية وبس
    …………..
    تشوفينه شي عادل؟
    يحتاجون مكان وااااسع يتحركون فيه، يركضون يلعبون
    وبعد ماتشوفينه قذارة ومضر انهم يصيرون عايشين مع الحمام بنفس القفص
    !!!!!هم ناشبين بالحمام حقهم + أكلهم جنب الحمام
    تشوفينه شي طبيعي؟!!!
    والطيوووور
    ياررربي مرة مظلومة
    مو ربي خالق الطيور لها أجنحة؟؟
    يعني مخلوقة للطيران بسماء الله الوااااسعة
    فكيف تعيش بقفص؟؟؟؟
    ومو بس كذا يقصون أجنحتها!!!!
    يعني مو بس خلوها تعيش بقفص ، راحوا قصوا أجنحتها بعد
    تشوفينه شي منطقي؟
    بس المجتمع ماغير يتطنزون فيني (ويحتقروني) و أنا ماسويت شي غلط!!!
    اخخخخخ ياااربي
    :”(
    بالنسبة لاني نباتية النباتيين جددا صحيين وفيه (خرافات) ان عندنا نقص بروتين، و نقص حديد، ونقص فيتامين ب ١٢
    وهذا كله غير صحيح أنا نباتية وماصرت نباتية بشكل متهور لأن كوني نباتية شي مصيري هذا لايف ستايل فلازم ما أتهور أبدا
    قعدت شهووور طويلة أبحث بالموضوع لما تأكدت ان مافيه شي غلط من ناحية التغذية
    خصوصا اني أدرس بالمجال الطبي فأعرف وش السالفة ..
    صرت نباتية لأني قعدت يمكن ست شهور ما أستمتع باللحوم وكل ما أكلتها أتخيل الحيوانات وهي تذبح، خصوصا لأني أحب الحيوانات وماعد صرت أستمتع باللحوم أبدا بالعكس صرت أتضايق فحولت نباتية
    بالبداية كنت أبي أصير فيجيتريان
    Vegetarian (فيجيتريان) :
    ماياكلون اللحوم، لكن يستهلكون البيض ومنتجات الحليب.
    Vegan (فيجان) :
    ماياكلون اللحوم، مايستهلكون المنتجات الحيوانية بأنواعها مثل البيض ومنتجات الحليب والعسل.
    كلهم مايستهلكون الجيلاتين لأنه مصنوع من اللحم أو العظام، يعني نفسه نفس اللحم.
    كلهم مايستخدمون الصوف والجلد الطبيعي، الفيجانز مايستهلكون الحرير بعد.
    أنا فيجان لكني أستهلك العسل والحرير.
    يعني ما أعتبر فيجان بشكل كامل..بس العسل والحرير ماأشوف فيه شي غلط من استخدامه
    ما أشوف فيه قسوة تجاه النحل و دود القز
    عشان كذا أستهلك العسل والحرير.
    الفيجيتريان بالعربي نباتية
    الفيجان بالعربي الخُضْرية أو النباتية الصرفة
    بس أنا عجااازة أقول أنا خُضْرية أو أقول نباتية صرفة
    فأقول أنا نباتية
    وغالبا أقول أنا فيجان
    طبعا ما أقول أنا فيجان الا للناس اللي يعرفون انقلش لأن عيب أتكلم كلمات انجلش لناس لغتهم الانجلش ضعيفة..
    امم فيه كلام بأكتبه لك من ويكيبيديا عن الفيجانيزم

    {
    دوافع صحّيّة
    هناك من يختار نمط الغذاء الخُضْري لدوافع صحّية، لأنّ النبات يحوي على كميات قليلة من الدهون، خاصّة الدهون المشبعة، وهو لا يحتوي على كوليسترول بتاتًا. لذلك، فإنّ الابتعاد عن الغذاء الحيواني يقلّل من احتمالات الإصابة بالأمراض القلبيّة، السمنة الزائدة، ومشاكل صحّيّة أخرى. بالإضافة إلى المضار الصحّية للّحوم، فإن مضار الحليب والبيض كثيرة أيضا، فحسب بلوطين في كتابه الخضرية، فإنّ البيض يحوي على كميات عالية من الكوليسترول، ويُنصح بالامتناع التام عنه لمن هم يعانون من مشاكل قلبيّة أو غيرها. بلوطين طرح في كتابه مضار الحليب كذلك، من خلال عرضه لنتائج الأبحاث الطبّيّة التي تؤكد قوّة الرابط بين استهلاك الحليب وبين مرض هشاشة العظام ومرض سرطان الثدي.
    دوافع أخلاقيّة
    هناك من يتّبع النظام الغذائي الخضري لدوافع أخلاقية (أيدولوجيّة)، وغالبًا فهؤلاء يمتنعون عن استخدام أجساد الحيوانات لا كمأكل فقط، إنما كملبس أيضا (الجلد، الفرو)، لأنهم يرون في هذا فعلًا غير أخلاقي، ويتعارض مع الايدولوجيا الإنسانيّة التي يعيشون حسبها في حياتهم.
    الخُضريّة الأخلاقيّة ترى أنّ المشكلة لا تكمن فقط في عمليّة قتل الحيوان من أجل الحصول على لحمه، بل تكمن في الأساس في الصناعات التي تستخدم الحيوانات في طرق شتى وتسبّب لها الأذى. لكنّ الأذى الأكبر يقع على الحيوانات في إطار صناعة الغذاء، خاصّة صناعة اللحوم.
    في صناعة اللحوم يتمّ استعباد مليارات الحيوانات في أقفاص مكتظة، يتمّ فصلها في طفولتها مباشرة بعد الولادة، وتعريضها للأذى الجسدي الذي يُريح العاملين في مصانع اللحوم (كاستخدام الملاقط المعدنيّة). بالإضافة إلى ذلك، فإنّ عمليّة الاصطفاء الاصطناعي التي تمارس في صناعة اللحوم والتي تهدف إلى إحداث تغييرات في مظهر الحيوانات الخارجي، كذلك في تركيبتها الوراثيّة، ويحرمها من الاصطفاء الطبيعي، مما يسبب لها الكثير من الأذى.
    إضافة إلى كلّ ما سبق، فإن صناعة اللحوم تسبّب الأذى أيضا للحيوانات التي لا يتمّ استخدامها كغذاء، وهذا يتجلّى في إبادة كلّ الذكور من الصيصان، لأنها لا تفيد شيئا في صناعة الغذاء، كونها لا تبيض.
    الخٌضريّة الأخلاقيّة (الأيدولوجيّة) ترتكز على الحقائق المدوّنة أعلاه، وتتقاطع بشكل كبير مع عمل مؤسسات حقوق الحيوان.
    دوافع بيئية
    بما أنّ صناعة الغذاء الحيواني بشكل عام ملوّثة للبيئة وتستهلك ثروات طبيعية أكثر من صناعة الغذاء النباتي، فإننا اليوم قد نجد أناسًا ياختارون نمط الغذاء الخُضري للتقليل من التلوّث الحاصل على الكوكب.
    في عام 2006 أصدرت الأمم المتحدة تقريرًا عنوانه “الظلّ الطويل لصناعة اللحوم – قضايا وخيارات بيئية”، خلاصته: الاقتصاد المعتمِد على الحيوان هو أحد المسبّبات الرئيسيّة لتلوّث الكرة الأرضيّة، وعلينا البدء بالعمل لتصحيح الموقف وإنقاذ أنفسنا وبيئتنا.
    في تقرير لاحق صدر عام 2009 عن المؤسسة البيئية Worldwatch، ظهرت نتائج أخطر وأسوأ، حسبها وُجد أنّ صناعة اللحوم هي مصدر 51% من غازات الاحتباس الحراري، لا 18% كما عُرف سابقًا. بالإضافة إلى ذلك، فإنّ بحثًا أجرته ناسا عام 2009، وجد أنّ غاز الميثان الذي يصدر إلى الجوّ كنتيجة لعمليّة الأيض (Metabolism – التمثيل الغذائي) لدى الحيوانات في مزارع صناعة اللحوم، قادرًا على أن يكون أخطر بنسبة 33% من ثاني أوكسيد الكربون، لا بنسبة 23% كما عُرف سابقًا.
    في كتابه “الخضريّة” يذكر بلوطين أنّ صناعة اللحوم تستهلك مساحات شاسعة من الكوكب، تعادل نحو 70% من المساحة الزراعيّة، ويُشدّد على أن هذه الصناعة سببًا رئيسيًا لإبادة غابات المطر التي تمنح الأرض 40% من الأوكسجين، مما يعني أننا حين نستمرّ في صناعة اللحوم فإننا باختصار “نخنق أنفسنا”.
    }
    الكلام اللي فوق يفسر ليه ما أكل بيض.
    السبب الأول اني صرت نباتية هو الحيوانات طبعا
    بس بعد ماصرت نباتية
    استوعبت أشياء ثانية
    مثل الفقراء بالعالم
    😦
    يعني اننا ناكل لحوم بالواقع يضرهم
    أقصد الفقراء
    بالمجاعات يعني
    يعني مثلا :
    باوند واحد من البطاطس يستهلك ٦٠ جالون من الماء.
    باوند واحد من القمح يستهلك ١٠٨ جالون من الماء.
    باوند واحد من اللحم يستهلك ١٢٠٠٩ جالون من الماء.
    !!!!!!!!!!!!!!!!!
    مستوعبة يستهلك أكثر من ١٢ ألف من الموية؟!
    مستوعبة قصدي؟!!
    ببريطانيا مثلا
    يطعمون حيوانات المصانع
    يعني اللي راح تصير لحم مستقبلا
    يطعمونهم أكل يكفي ٢٥ مليون شخص
    بينما بالعالم الفقراء يموتون بالمجاعات ، ٣٠ مليون شخص يموت بالمجاعات.
    😦
    بالبداية كنت نباتية بس للحيوانات
    يعني لدوافع أخلاقية
    بعدين صرت نباتية عشان الفقراء برضو
    يعني لدوافع أخلاقية و لدوافع بيئية ولدوافع صحية
    الدوافع الأخلاقية يعني للحيوانات وللفقراء، الصحية لأن النباتيين أكلهم يحتوي على صفر كوليسترول، ومنخفض السعرات الحرارية، وغني بالفيتامينات والمعادن ومضادات الأكسدة
    😉
    الدوافع البيئية اقتبستها من ويكبيديا، موجود بالكلام اللي فوق بين القوسين.
    بالبداية كنت بأصير فيجيتريان لكني طحت على فيديوز بيوتوب
    عن مزارع الألبان، ماكنت مستوعبة كيف نجيب منتجات الحليب اللي نستخدمها بشكل يومي
    يعني كنت أدري انها من البقر طبعا بس ما أعرف كيف
    وعرفت كيف
    صاروا يخلون البقرة تحمل غصب يعني يلقحونها صناعيا وتحمل
    ثم اذا حملت وولدت ياخذون العجل الصغير منها
    ماكنت أدري!!
    البقر حيوانات ثدية مثلها مثل الانسان ماتنتج حليب الا اذا حملت
    وينقطع الحليب منها بعد فترة يعني اذا كبر العجل
    ماكنت مستوعبة ان الحليب ومشتقاته اللي نستهلكهم بشكل يومي (مسروقة)ايه مسروقة
    يعني اللي مفروض يرضع الحليب هو العجل الصغير مو احنا
    يعني العجل يفصلونه عن أمه من اليوم الأول عشان ياخذون الحليب اللي من حق العجل
    😦
    لازم يفصلونه عشان اذا مافصلوهم عن بعض العجل الصغير راح يشرب الحليب اللي يبون ياخذونه ويبيعونه لنا
    مستوعبة يفصلون البيبي عن أمه 😦
    عشلن كذا صرت فيجان
    أتمنى من كل قلبي تشوفين هالفيديوز
    ماقلت صيري نباتية بس شوفيها عشان تفهميني
    بليييز

    بلييز شوفيها
    وبالنسبة للمجتمع
    الى يومك وأنا أواجه بالسخرررية
    🙂
    يقولون حرمتي ما أحل الله
    أقول أنا ماحللت ولا حرمت شي
    عدم الرغبة بأكل اللحوم والمنتجات الحيوانية حرية شخصية ماغصبتكم تصيرون مثلي ولا فكرت أقنعكم
    بس لا تتطنزون
    و الى الآن يتطنزون
    :”(
    فمرررة مقهورة منهم 😦
    هذي المشكلة اللي أواجهها مع المجتمع
    حتى مع أهلي
    :”(
    فياليت تعلميني كيف أتصرف بهالموضوع

    امم وش بعد
    ايه صح
    أحب أعتني بنفسي مرة
    راعية سكين وهير كير
    ومرررة راعية ناتشرال ليفنغ
    أحب الناتشرال سكين اند هير كير
    ما أستخدم أي شي صناعي
    يعني الشامبو، البلسم، كريمات الجسم والوجه، معجون الأسنان، الصابون
    كلها طبيعية وغالبا أسويها بنفسي
    😉 احم احم
    بسم الله علي :$
    بقى لي اني أبحث بموضوع الميك اب
    أبحث عن الاورقانيك ميك اب يعني

    وفيه شي مررة مضايقني بشخصيتي هو اني عصبية وحساسة مرة
    يعني طورت شخصيتي مررررة بس بقى لي هالشيين
    ماعرفت أخفف منهم
    😦

    عرفتك عن نفسي خخخخ بس عشاني حابتك بغيت أعرفك على نفسي
    وياليت تساعديني في مشاكلي الثلاث هذي
    أول مشكلة اللي قلتها بالبداية اللي هي القراءة 😦
    ثاني مشكلة هي كيف أتعامل مع المجتمع، بما اني نباتية ومناصرة حقوق حيوان مررة أذوني بكلامهم
    😦
    المشكلة الثالثة هي عصبيتي وحساسيتي

    و آسفة جدا علي الكلام الطووويل بس أنا جدددددا ثرثارة وما أعرف أختصر كلامي :$

    • سوي لك مدونه ..
      كلامك كثير ..
      هههههههههههههههههههه بس ممتع ..
      احس انك كتاب مفتوح صريحه وبريئه ..
      اممممم صارت عيني كذا O_0 لما شفت رسالتك ..
      هههههههههههههههههههههههههههههههههههههههههه ..
      احس الجلسه معك ممتعه ..
      ايا كان تعليق الي حواليك عن حقوق الحيوانات تجاهلي الكلام الغلط..
      بس لازم تعرفين ان البشر وصلوا لمرحله انتهاك حقوق للبشر مخيفه عشان كذا دايم يحسون ان كل الحقوق تهون قدام حقوق البشر المدعوسه ..
      تكلمتي كلام علمي كثير وانا مانمت كويس عشان اقرأ البقيه واستوعب ..
      لي رجعه بإذن الله ..

    • وعليكم السلام والرحمة .. ياهلا منى ..
      اسم القالب .. Truly Minimal
      بتلاحظي انه ابيض سادة .. غيري الترويسة للتصميم اللي تبغيه واستمتعي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s