نوته بسيطة ، أنيقة ، و تناسب احتياجاتك ;)

السلاااام علييكم …« عاش من شافك يا أختي

هلا وسهلاً .. عالبركة الإجازة .. وآسفين عالقطاعة ..

… بكرة بسافر ،، و مره عيب لو أروح من غير ما أنزلكم تدوينة .. فـ استروا ماواجهتوا من هالبوست السريع :p

ـــــــــــــ

تتنوع الدفاتر والنوتات في المحلات .. أشكال وتصنيفات مختلفة .. أغلفة جذابة ، وألوان رائعة ..
لكن أي نوته منهم تناسبك .. وتناسب غرضك منها ؟

شخصياً .. على كثر الدفاتر اللي عندي .. أستخسر أكتب فيها شي .. أولاً عشانها حلوة مرة .. وثانياً ما ارتاح نفسياً

أحب الورقة الفاضية بدون سطور .. كل الافكار الي في راسي تطلع .. ^^

.، سويت نوته ، بالتصميم اللي أحبه ، ولون الورق اللي اختاره .. و العبارات الي تحفزني

هذي النوته لكتابة خطتي أو أهدافي لهالسنة إن شاء الله .. لمجالات حياتي وهواياتي


Spirit = الجانب الروحي
Giving Hands = الجانب العطائي ( كتابة مواضيع في المدونة ، أعمال خير متنوعة ..)
My destiny = الجانب المهني ( وهو الفوتوغرافي ^^ )
Reading Room = الجانب المعرفي
TV Sows = أيضاً للجانب المعرفي .. خطة لمتابعة البرامج المفيدة وجعلها جزء من يومي
Developing Me = الجانب التطويري ( ماهي المهارات التي أريد تعلمها و تطويرها ؟)
Charming = الجانب الجسدي ( اللياقة البدنية ، العناية بالجسم والشعر …الخ خرابيط البنات )

تعالوا أقولكم المقادير .. أقصد الطريقة:D

١- جيبوا ملف ملون .. الي غلافه شفاف .. أو أي ملف يعجبكم

٢- في هذا الملف .. شيلوا الورقة الي على جمب .. و ارسموا و خربشوا عليها عبارات و أشكال جميلة .. وارجعوا حطوها ثاني ^.^

٣- على اللاب توب .. افتحي ملف في الوورد ..صممي صفحة لكل مجال من مجالاتك .. اكتبي العبارة الي تحفزك .. والصور الي تعجبك

جبتلكم صور سكرابز .. كثير يسألوني من وين .. تفضلوا ياحلوين هنا روابط للتحميل ، ( المصدر منتديات شمواه ، By: Artos )

٤-بعد ماصممتي الصفحات وأعجبتك .. اختاري الورق الي يناسبك ، أبيض ، بيج ، وردي ….الخ واطبعيها ..
لاتنسي تطبعين عدة نسخ من الصفحات ..

٥- بالخرامه .. اخرميها من الجمب .. وحطيهم في الملف
ملاحظة : الملف مستطيل ، أنا قصيته وخليته مربع .. والآوراق نفس الشي

مبروك عليكم

في هذي النوته مو شرط تكون كتابتكم رسمية .. بالعكس فلوها عالأخير .. انتي وافكارك .. كأنك تكلمين نفسك

نراكم على خير